اعمال 4:34 - کِتاب مُقدّس سرائیکی ترجمہ

³⁴ کیوں جو اُنہاں ءچوں کوئی مُتھاج نہ ہا، اِیں واسطے جو جیہڑے لوک زمیناں یا گھراں دے مالک ہَن، اُنہاں کُوں ویچ ویچ تے وِکیاں ہوئیاں چیزاں دے پیسے گِھن آندے ہَن۔

اعمال 4:34 Iomraidhean Croise

متّی 19:21

یسُوع اُونکُوں آکھیا، ”جے تُوں کامِل تھیوݨ چاہندیں تاں وَنج تے آپنڑاں سبھ کُجھ ویچ تے غریباں کُوں ڈے۔ تیکُوں اسمان اُتے خزانہ مِلسی تے آ تے میڈے پِچُھوں تھی پو۔“

مرقس 10:21

یسُوع اُوندے اُتے نِگاہ کیتی تے اُونکُوں اُوندے اُتے پیار آیا تے آکھیا، ”ہِک گالھ دی تَیں ءچ کمی ہے۔ وَنج آپنڑا سبھ کُجھ ویچ تے غریباں کُوں ڈے، تاں تیکُوں اسمان اُتے خزانہ مِلسی۔ وَل آ تے میڈے پِچُھوں ٹُر پو۔“

لُوقا 12:33

آپنڑا مال ویچ تے خیرات کر ڈیؤ۔ تے آپنڑے کیتے ایجھے بٹوے بنڑاؤ جیہڑے پُرانڑے نئیں تھیندے یعنی اسمان اُتے ایجھا خزانہ جیہڑا خالی نئیں تھیندا، جِتھاں چور نئیں پُج سگدا تے کیڑا خراب نئیں کریندا۔

لُوقا 16:9

مَیں تُہاکُوں آدھا ہاں جو دُنیا دی کمائی نال آپنڑے کیتے دوست بنڑاؤ، تاں جو جِیں ویلے او ویندی راہوے تاں او تُہاکُوں ابدی گھراں ءچ جاہ ڈیوݨ۔

لُوقا 22:35

وَل اُوں اُنہاں کُوں آکھیا جو ”جِیں ویلے مَیں تُہاکُوں بٹوے، رقم تے جُتیاں دے بغیر بھیجیا ہا تاں کیا تُساں کہیں چیز دے مُتھاج تھئے ہَوے؟“ اُنہاں آکھیا، ”کہیں چیز دے نئیں۔“

اعمال 2:45

تے آپنڑا مال اسباب ویچ تے ہر ہِک کُوں اُوندی ضرورت دے مطابق پیسے وَنڈ ڈیندے ہَن۔

اعمال 4:37

اُوں آپنڑا کھیت ویچ تے پیسے رسُولاں دے پیراں ءچ رکھ ڈِتے۔

2کُرِنتھِیوں 8:14

اِیں ویلے تُہاڈے کولھ بہُوں ہے تے تُساں اُنہاں دی کمی پُوری کر سگدے ہیوے تاں جو جڈاں اُنہاں دے کولھ بہُوں ہوسی تاں او تُہاڈی وی کمی پُوری کر سگسن تے اِینویں برابری تھی ویسی۔

1تھِسّلُنیکیوں 4:12

اِینویں تُساں باہر آلیاں دے سامنڑے عزت دی زندگی گُزریسو تے کہیں چیز دے مُتھاج نہ راہسو۔

1 تِیمُتھِیُس 6:19

اِینویں او آپنڑے کیتے ہِک چنگا خزانہ جمع کریسن یعنی آوݨ آلے زمانے کیتے ہِک مضبوط بنیاد، تے اِینویں حقیقی زندگی اُتے قبضہ کرݨ۔

یعقُوب 1:27

ساڈے خُدا باپ دی نظر ءچ حقیقی تے بے عیب دینداری ایہ ہے جو یتیماں تے بیوہ عورتاں دی مُصیبت ویلے خبر گِیری کرو تے آپنڑے آپ کُوں دُنیا کنُوں بچا تے بے داغ رکھو۔