اعمال 4:30 - کِتاب مُقدّس سرائیکی ترجمہ

³⁰ تے تُوں آپنڑی قُدرت دا اِظہار کر تاں جو تیڈے قدُّوس خادم یسُوع دے ناں نال شِفا، معجزے تے عجیب کم تھیوݨ۔“

اعمال 4:30 Iomraidhean Croise

یُوحنّا 4:48

یسُوع اُونکُوں آکھیا، ”جئیں تئیں تُساں لوک معجزہ تے عجیب کم نہ ڈیکھ گِھنو، اصلُوں اِیمان نہ گِھن آسو۔“

اعمال 2:22

اِسرائیلیو! سُنڑو، یسُوع ناصری ایجھا بندہ ہا جیندے ذریعے خُدا تُہاڈے وچال معجزے، عجیب کم تے نشان ڈِکھا تے ثابت کیتا جو او خُدا دی طرفوں ہا۔ تُساں آپ ای ایہ گالھ جانڑدے ہیوے۔

اعمال 2:43

ہر بندے اُتے خوف چھا گِیا تے رسُولاں دے ذریعے بہُوں سارے معجزے تے عجیب کم، ظاہر تھیندے ہَن۔

اعمال 3:13

ابرہام، اِضحاق تے یعقُوب دے خُدا یعنی ساڈے پِیُو ڈاڈا دے خُدا آپنڑے خادم یسُوع کُوں جلال ڈِتے۔ تُساں اُونکُوں پکڑوا ڈِتا تے جِیں ویلے پِیلاطُس اُونکُوں چھوڑ ڈیوݨ دا اِرادہ کیتا تاں تُساں پِیلاطُس دے سامنڑے اُوندا اِنکار کیتا۔

اعمال 3:16

یسُوع دے ناں اُتے اِیمان رکھنڑ نال اِیں بندے، جِینکُوں تُساں ڈیدھے تے جانڑدے ہیوے، شِفا پائی۔ اُوں اِیمان جیہڑا یسُوع دے وسیلے نال ہے اُونکُوں سبھ دے سامنڑے ایہ کامِل تندرُستی ڈِتی۔

اعمال 3:6

پطرس آکھیا، ”چاندی، سونا تاں میڈے کولھ نئیں پر جیہڑا کُجھ میڈے کولھ ہے مَیں تیکُوں ڈے ڈیندا ہاں۔ یسُوع مسیح ناصری دے ناں نال اُٹھی، تے ٹُر پِھر۔“

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

اعمال 4:27

واقعی تیڈے قدُّوس خادم یسُوع دے خلاف جِینکُوں تَیں مسیح مقرر کیتا، ہیرودیس تے پنطیُس پِیلاطُس، بنی اِسرائیل تے غیر قوماں نال کٹھے تھی گئے

اعمال 5:12

تے رسُولاں دے ہتُھوں بہُوں سارے معجزے تے عجیب کم لوکاں ءچ تھیندے ہَن۔ تے سارے اِیماندار ہِک دل تھی تے سُلیمان دے برانڈے ءچ جمع تھیندے ہَن۔

اعمال 6:8

ستِفُنس فضل تے قوت نال بھریا ہویا لوکاں ءچ وڈے وڈے عجیب کم تے معجزے ظاہر کریندا ہا۔