اعمال 4:19 - کِتاب مُقدّس سرائیکی ترجمہ

¹⁹ پر پطرس تے یُوحنّا جواب ڈِتا، ”تُساں ای فیصلہ کرو جو خُدا دی نِگاہ ءچ کیا ٹھیک ہے، اساں تُہاڈی گالھ منُوں یا خُدا دی؟

اعمال 4:19 Iomraidhean Croise

متّی 22:21

اُنہاں اُونکُوں آکھیا، ”رومی بادشاہ قیصر دا۔“ وَل اُوں اُنہاں کُوں آکھیا، ”جیہڑا قیصر دا ہے قیصر کُوں تے جیہڑا خُدا دا ہے خُدا کُوں ڈیؤ۔“

لُوقا 22:8

یسُوع پطرس تے یُوحنّا کُوں ایہ آکھ تے بھیجیا جو ”ساڈے کیتے فسح کھاوݨ دی تیاری کرو۔“

یُوحنّا 7:24

صرف ظاہر کُوں ڈیکھ تے فیصلہ نہ کرو بلکہ اِنصاف نال کرو۔“

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

اعمال 5:28

”اساں تاں تُہاکُوں سخت تاکید کیتی ہئی جو ایہ ناں گِھن تے تعلیم نہ ڈیوائے پر ڈیکھو تُساں سارے یروشلیم ءچ آپنڑی تعلیم پھیلا ڈِتی تے اُوں بندے دا خون ساڈی گردن اُتے رکھنڑ چاہندے ہیوے۔“

اعمال 5:29

پطرس تے رسُولاں جواب ءچ آکھیا جو ”ساڈے اُتے اِنسان دے حُکم دی بجائے خُدا دا حُکم مننڑ زیادہ فرض ہے۔

1کُرِنتھِیوں 10:15

مَیں تُہاکُوں سمجھ دار جاݨ تے ایہ گالھیں آدھا ہاں۔ تُساں خود میڈے گالھیں کُوں پرکھو۔

2کُرِنتھِیوں 4:2

اساں شرم دے لُکے گالھیں کُوں چھوڑ ڈِتے۔ نہ اساں مکاری کریندے ہیں تے نہ ای خُدا دے کلام ءچ ملاوٹ کریندے ہیں۔ بلکہ سچائی کُوں ظاہر کر تے خُدا دے حضُور ہر بندے دے دل ءچ آپنڑے آپ کُوں نیک ظاہر کریندے ہیں۔

اِفِسیوں 6:1

بالو! خُداوند ءچ آپنڑے ماء پِیُو دے فرمانبردار راہو کیوں جو ایہ واجب ہے۔

1 تِیمُتھِیُس 2:3

ایجھی دُعا کرݨ چنگی گالھ ہے تے ساڈے نجات ڈیوݨ آلے خُدا کُوں پسند ہے۔

عبرانیوں 11:23

اِیمان دی وجہ کنُوں ای مُوسیٰ دے ماء پِیُو اُوندے جمنڑ دے بعد ترے مہینے تئیں اُونکُوں لُکائی رکھیا، کیوں جو اُنہاں ڈِٹھا جو ایہ بال بہُوں سوہنڑا ہے تے اُنہاں بادشاہ دا حُکم تروڑن دا خوف نہ کیتا۔

یعقُوب 2:4

تاں کیا تُساں طرفداری نہ کیتی تے بدنیتی نال فیصلہ نہ کیتا؟