اعمال 4:13 - کِتاب مُقدّس سرائیکی ترجمہ

¹³ جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

اعمال 4:13 Iomraidhean Croise

متّی 11:25

اُوں ویلے یسُوع آکھیا، ”اے باپ، اسمان تے زمین دے مالک، مَیں تیڈا شُکر کریندا ہاں جو تَیں ایہ گالھیں دانا لوکاں تے عالماں کنُوں لُکائیاں تے بالاں اُتے ظاہر کیتیاں۔

متّی 26:71

وَل او باہر ڈیوڑھی دو گِیا تاں ہِک بئی کنیز اُونکُوں ڈیکھ تے کولھ کھڑے ہوئے لوکاں کُوں آکھیا، ”ایہ بندہ وی یسُوع ناصری دے نال ہا۔“

متّی 26:73

کُجھ دیر بعد او لوک جیہڑے اُتھاں کھڑے ہَن پطرس دے کولھ آئے تے آکھنڑ لگے، ”بےشک تُوں وی اُنہاں ءچوں ای ہیں کیوں جو تیڈے لہجے تُوں وی اِیہو ظاہر تھیندے۔“

لُوقا 22:8

یسُوع پطرس تے یُوحنّا کُوں ایہ آکھ تے بھیجیا جو ”ساڈے کیتے فسح کھاوݨ دی تیاری کرو۔“

یُوحنّا 19:26

یسُوع آپنڑی ماء کُوں تے آپنڑے اُوں شاگرد کُوں جِینکُوں او عزیز رکھیندا ہا نیڑے کھڑے ڈِٹھا تاں ماء کُوں آکھیا، ”ماء! ڈیکھ ایہ تیڈا پوتر ہے۔“

یُوحنّا 7:15

یہُودی حیران تھی تے آکھنڑ لگے جو ”اِیں کُوں بغیر پڑھے علم کِتھوں آ گِیا؟“

یُوحنّا 7:49

پر ایہ عام لوک جیہڑے شریعت کنُوں واقف نئیں لعنتی ہِن۔“

اعمال 4:14

پر اُوں بندے کُوں جیہڑا چنگا تھیّا ہا، اُنہاں نال کھڑا ڈیکھ تے اُوندے خلاف کُجھ نہ آکھ سگے۔

اعمال 4:19

پر پطرس تے یُوحنّا جواب ڈِتا، ”تُساں ای فیصلہ کرو جو خُدا دی نِگاہ ءچ کیا ٹھیک ہے، اساں تُہاڈی گالھ منُوں یا خُدا دی؟

اعمال 4:29

ہُنڑ اے خُداوند! اُنہاں دیاں دھمکیاں کُوں ڈیکھ تے آپنڑے بندیاں کُوں آپنڑا کلام بہُوں جُرأت نال سُنڑاوݨ دی توفیق ڈے۔

اعمال 4:31

جِیں ویلے اُنہاں دُعا کر گِھدی تاں او جاہ جِتھاں او جمع ہَن کمب گئی تے او سارے رُوح القُدس نال بھریج گئے تے او خُدا دا کلام جُرأت نال سُنڑاوݨ لگے۔

اعمال 9:27

پر برنباس اُونکُوں آپنڑے نال رسُولاں کولھ گِھن آیا تے اُنہاں کُوں ڈسایا جو ساؤل سفر کریندے ویلے کِینویں خُداوند کُوں ڈِٹھا تے خُداوند اُوندے نال گالھیں کیتیاں تے اُوں کیجھی دلیری نال دمشق ءچ یسُوع دے ناں نال تبلیغ کیتی۔

اعمال 9:28

بس ساؤل یروشلیم ءچ اُنہاں نال آندا ویندا ریہا تے دلیری نال خُداوند دے ناں دی تبلیغ کریندا،

1کُرِنتھِیوں 1:27

پر خُدا اُنہاں کُوں جیہڑے دُنیا دی نظر ءچ بیوقُوف ہَن چُنڑ گِھدا تاں جو حِکمت آلیاں کُوں شرمندہ کرے تے جیہڑے دُنیا دی نظر ءچ کمزور ہَن اُنہاں کُوں چُنڑ گِھدا تاں جو زور آلیاں کُوں شرمندہ کرے۔

1کُرِنتھِیوں 14:25

اُوندے دل دے راز ظاہر تھی ویسن تے او مُنہ بھرنے ڈھے تے خُدا کُوں سجدہ کریسی تے منیسی جو ”خُدا سچ مُچ تُہاڈے وچال ہے۔“

2کُرِنتھِیوں 3:12

بس ایجھی اُمید رکھیندے ہوئے اساں بہُوں دلیر ہیں۔