اعمال 4:1 - کِتاب مُقدّس سرائیکی ترجمہ

¹ پطرس تے یُوحنّا لوکاں کُوں آدھے ای پئے ہَن جو کاہِن تے ہیکل دے سپاہیاں دا سردار تے صدوقی اُنہاں اُتے چڑھ آئے۔

اعمال 4:1 Iomraidhean Croise

متّی 16:12

وَل اُنہاں دی سمجھ ءچ آیا جو یسُوع روٹی دے خمیر کنُوں نئیں بلکہ فریسیاں تے صدوقیاں دی تعلیم کنُوں خبردار راہنڑ کیتے آکھیا ہا۔

متّی 22:16

بس اُنہاں آپنڑے شاگرداں کُوں ہیرودیس دے پیروکاراں نال اُوندے کولھ بھیجیا تے اُنہاں آکھیا، ”اُستاد! اساں جانڑدے ہیں جو تُساں سچے ہیوے تے سچائی نال خُدا دی راہ دی تعلیم ڈیندے ہیوے، تے کہیں دی پرواہ نئیں کریندے کیوں جو تُساں کہیں بندے دے طرفدار نئیں۔

متّی 27:20

پر سردار کاہِناں تے بزُرگاں لوکاں کُوں اُبھاریا جو برابّا کُوں منگ گِھننڑ تے یسُوع کُوں مروا چھوڑن۔

متّی 27:41

اِینویں ای سردار کاہِن وی شریعت دے عالماں تے بزُرگاں نال رَل تے اُوندا مذاق بنڑیندے ہوئے آدھے ہَن،

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

لُوقا 20:1

ہِک ڈینہہ جِیں ویلے یسُوع ہیکل ءچ لوکاں کُوں تعلیم ڈیندا تے خوشخبری سُنڑیندا پِیا ہا تاں سردار کاہِن تے شریعت دے عالم، بزُرگاں دے نال اُوندے کولھ آئے،

لُوقا 22:4

اُوں وَنج تے سردار کاہِناں تے ہیکل دے محافظاں دے افسراں نال مشورہ کیتا جو اُونکُوں کِینویں اُنہاں دے حوالے کرے۔

یُوحنّا 15:20

او گالھ یاد رکھو جیہڑی مَیں تُہاکُوں ڈسائی ہئی جو نوکر آپنڑے مالک کنُوں وڈا نئیں ہوندا۔ جے اُنہاں میکُوں ستایا ہے تاں او تُہاکُوں وی ستیسن۔ جے اُنہاں میڈی گالھ اُتے عمل کیتا تاں تُہاڈی گالھ اُتے وی عمل کریسن۔

یُوحنّا 18:3

بس یہُوداہ رومی فوجیاں دا دستہ تے سردار کاہِناں تے فریسیاں تُوں ہیکل دے کُجھ سپاہی گِھن تے اُتھاں آیا۔ او آپنڑے ہتھاں ءچ مشعلاں، ڈیوے تے ہتھیار چاتی ہوئے ہَن۔

اعمال 4:6

کاہِن ِ اعظم حنّا، کائفا، یُوحنّا، اِسکندر تے جِتّی سردار کاہِن دے گھرانڑے دے ہَن، یروشلیم ءچ جمع تھئے،

اعمال 5:17

اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

اعمال 5:24

ہیکل دے محافظاں دے سردار تے سردار کاہِناں ایہ گالھیں سُنڑیاں تاں حیران تھئے تے سوچنڑ لگے جو ہُنڑ کیا تھیسی۔

اعمال 5:26

وَل ہیکل دے محافظاں دا سردار آپنڑے سپاہیاں نال وَنج تے اُنہاں کُوں گِھن آیا پر زور نال نئیں کیوں جو لوکاں کنُوں ڈردے ہَن جو ساکُوں سنگسار نہ کرݨ۔

اعمال 6:12

وَل او عوام تے بزُرگاں تے شریعت دے عالماں کُوں اُکسا تے ستِفُنس اُتے چڑھ گئے تے اُونکُوں پکڑ تے صدر ِ عدالت ءچ گِھن گئے۔

اعمال 6:7

خُدا دا کلام پھیلدا ریہا تے یروشلیم ءچ شاگرداں دی تعداد بہُوں ای ودھ گئی تے بہُوں سارے کاہِن اِیمان گِھن آئے۔