اعمال 3:6 - کِتاب مُقدّس سرائیکی ترجمہ

⁶ پطرس آکھیا، ”چاندی، سونا تاں میڈے کولھ نئیں پر جیہڑا کُجھ میڈے کولھ ہے مَیں تیکُوں ڈے ڈیندا ہاں۔ یسُوع مسیح ناصری دے ناں نال اُٹھی، تے ٹُر پِھر۔“

اعمال 3:6 Iomraidhean Croise

متّی 10:9

آپنڑے کمر بند ءچ نہ سونا چاندی رکھائے نہ پیسے۔

متّی 7:22

اُوں ڈینہہ بہُوں سارے میکُوں اکھیسن ’مالک! مالک! کیا اساں تُہاڈے ناں نال تبلیغ نئیں کیتی تے تُہاڈے ناں نال بدرُوحاں نئیں کڈھیاں تے تُہاڈے ناں نال بہُوں سارے معجزے نئیں کیتے؟‘

مرقس 14:8

اُوں کنُوں جیہڑا کُجھ تھی سگدا ہا اُوں کیتا۔ اُوں میڈے دفن تھیوݨ کیتے وقت تُوں پہلاں ای میڈے بدن اُتے عِطر وِیٹیا ہے۔

مرقس 16:17

تے اِیمان گِھن آوݨ آلیاں دے وچال ایہ معجزے تھیسن: او میڈے ناں نال بدرُوحاں کُوں کڈھیسن، نوِیاں نوِیاں زباناں بُولیسن،

یُوحنّا 19:19

تے پِیلاطُس ہِک تختی اُتے لِکھوا تے صلیب اُتے لٹکا ڈِتی۔ اُوندے اُتے ایہ لِکھیا ہا ”یسُوع ناصری یہُودیاں دا بادشاہ۔“

اعمال 10:38

جو خُدا یسُوع ناصری کُوں رُوح القُدس تے قُدرت نال کِینویں مسح کیتا۔ او بھلائی کریندا تے اُنہاں ساریاں کُوں جیہڑے ابلیس دے ظلم دا شکار ہَن، شِفا ڈیندا ریہا کیوں جو خُدا اُوندے نال ہا۔

اعمال 16:18

او بہُوں ڈینہاں تئیں اِینویں ای کریندی ریہی۔ آخر پولُس بہُوں تنگ تھی گِیا تے اُوں مُڑ تے بدرُوح کُوں آکھیا جو ”مَیں تیکُوں یسُوع مسیح دے ناں نال حُکم ڈیندا ہاں جو اِیندے ءچوں نِکل وَنج۔“ تے اُونہی ویلے او بدرُوح اُوں چھوہیر ءچوں نِکل گئی۔

اعمال 2:22

اِسرائیلیو! سُنڑو، یسُوع ناصری ایجھا بندہ ہا جیندے ذریعے خُدا تُہاڈے وچال معجزے، عجیب کم تے نشان ڈِکھا تے ثابت کیتا جو او خُدا دی طرفوں ہا۔ تُساں آپ ای ایہ گالھ جانڑدے ہیوے۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

اعمال 3:16

یسُوع دے ناں اُتے اِیمان رکھنڑ نال اِیں بندے، جِینکُوں تُساں ڈیدھے تے جانڑدے ہیوے، شِفا پائی۔ اُوں اِیمان جیہڑا یسُوع دے وسیلے نال ہے اُونکُوں سبھ دے سامنڑے ایہ کامِل تندرُستی ڈِتی۔

اعمال 3:5

او اُنہاں کنُوں کُجھ مِلنڑ دی اُمید تے اُنہاں دو متوجہ تھیّا۔

اعمال 3:7

وَل پطرس اُوندا سجا ہتھ پکڑ تے اُونکُوں کھڑا کیتا، تے فوراً اُوندے پیر تے گِٹے مضبوط تھی گئے۔

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

اعمال 4:7

تے پطرس تے یُوحنّا کُوں اَدھ ءچ کھڑا کر تے پُچھنڑ لگے، ”تُساں کیندی قُدرت تے ناں نال ایہ کم کیتے؟“

اعمال 9:34

پطرس اُونکُوں آکھیا ”اَینیاس! یسُوع مسیح تیکُوں شِفا ڈیندے۔ اُٹھی تے آپنڑا بستر آپ ولھیٹ۔“ او فوراً اُٹھی کھڑا تھیّا۔

1کُرِنتھِیوں 4:11

اساں اِیں ویلے تئیں بُکھے ترِسّے ہیں، پھٹے پُرانڑے کپڑے پیندے ہیں، مُکے کھاندے تے رُلدے پِھردے ہیں۔

2کُرِنتھِیوں 6:10

ڈُکھی ہیں پر ہمیشاں خوش راہندے ہیں، غریب ہیں پر بہُوں ساریاں کُوں دولت مند بنڑا ڈیندے ہیں، مسکین ہیں پر ساڈے کولھ سبھ کُجھ ہے۔

2کُرِنتھِیوں 8:12

کیوں جو جے ڈیوݨ دی نیّت ہووے تاں خُدا خیرات اُوندے مطابق قبول کریندے جیہڑی ڈیوݨ آلے دے کولھ ہے، نہ جو اُوندے مطابق جیہڑی اُوندے کولھ نئیں۔

2کُرِنتھِیوں 8:9

کیوں جو تُساں ساڈے خُداوند یسُوع مسیح دے فضل کُوں جانڑدے ہیوے جو او بھانویں دولت مند ہا، وَل وی تُہاڈی خاطر غریب بنڑ گِیا تاں جو تُساں اُوندی غریبی دے سببّوں دولت مند بنڑ ونجو۔

یعقُوب 2:5

میڈے پیارے بِھراؤ سُنڑو! کیا خُدا دُنیا دے غریباں کُوں نئیں چُنڑیا جو اِیمان ءچ دولت مند ہووݨ تے اُوں بادشاہی دے وارث ہووݨ جِیندا اُوں آپنڑے محبت رکھنڑ آلیاں کُوں ڈیوݨ دا وعدہ کیتے؟

1 پطرس 4:10

خُدا ہر ہِک کُوں کوئی نہ کوئی نعمت عطا کیتی ہے۔ اِیں واسطے اِنہاں مختلف نعمتاں کُوں خُدا دے چنگے مُختار آلی کار ہِک ڈُوجھے دی خدمت کرݨ ءچ اِستعمال کرو۔