اعمال 3:4 - کِتاب مُقدّس سرائیکی ترجمہ

⁴ پطرس تے یُوحنّا اُوندے اُتے غور نال نِگاہ کیتی تے پطرس آکھیا، ”ساڈے دو ڈیکھ۔“

اعمال 3:4 Iomraidhean Croise

لُوقا 4:20

وَل اُوں صحیفہ بند کر تے خادم کُوں ڈے ڈِتا تے بہہ گِیا۔ تے جِتّی عبادت خانہ ءچ موجود ہَن، سبھ دے اکھیں اُوندے اُتے لگیاں ہَن۔

یُوحنّا 11:40

یسُوع اُونکُوں آکھیا، ”کیا مَیں تیکُوں نہ آکھیا ہم جو جے تُوں اِیمان گِھن آسیں تاں خُدا دا جلال ڈیکھسیں؟“

یُوحنّا 5:6

یسُوع اُونکُوں اُتھاں پِیا ڈِٹھا تے جاݨ گِھدا جو او بہُوں عرصے کنُوں اِیں حالت ءچ ہے تاں اُوں کنُوں پُچھیا، ”کیا تُوں شِفا پاوݨ چاہندیں؟“

اعمال 10:4

او ڈر گِیا تے اُونکُوں غور نال ڈیدھے ہوئے آکھیا ”مالک، کیا ہے؟“ فرشتہ اُونکُوں آکھیا ”تیڈی خیرات تے دُعاواں نذرانے دے طور تے خُدا دے حضُور پُج گئیاں ہِن،

اعمال 11:6

جِیں ویلے مَیں اُوندے اُتے غور نال نِگاہ کیتی تاں زمین دے ڈھورڈنگر تے جنگلی جانور تے کیڑے مکوڑے تے ہوا دے پکھی ڈِٹھے۔

اعمال 3:1

پطرس تے یُوحنّا، دُعا ویلے یعنی ڈوپہر ترے وجے ہیکل دو ویندے پئے ہَن۔

اعمال 3:11

جِیں ویلے او بندہ پطرس تے یُوحنّا کُوں پکڑ تے سُلیمانی برانڈے ءچ کھڑا ہا تاں سارے لوک بہُوں حیران تھی تے اُوں دو بھجدے آئے۔

اعمال 3:12

پطرس ایہ ڈیکھ تے لوکاں کُوں آکھیا، ”اِسرائیلیو! تُساں اِیں اُتے کیوں حیران تھیندے ہیوے تے ساکُوں اِینویں کیوں ڈیدھے پئے ہیوے جِینویں اساں آپنڑی قُدرت یا دینداری دے سببّوں اِیں منڈے کُوں ٹُرݨ پِھرݨ دے لائق بنڑا ڈِتے؟

اعمال 3:3

جِیں ویلے اُوں پطرس تے یُوحنّا کُوں ہیکل ءچ ویندے ڈِٹھا تاں اُنہاں کنُوں خیرات منگی۔

اعمال 3:5

او اُنہاں کنُوں کُجھ مِلنڑ دی اُمید تے اُنہاں دو متوجہ تھیّا۔