اعمال 3:2 - کِتاب مُقدّس سرائیکی ترجمہ

² اُوں ویلے لوک ہِک بندے کُوں جیہڑا جماندرُو مَنڈا ہا، چاتی آندے ہَن۔ او اُونکُوں اندر ونجنڑ آلیاں کنُوں خیرات منگنڑ کیتے ہر روز ہیکل دے دروازے اُتے جیہڑا خُوبصُورت اکھویندا ہے، چھوڑ ویندے ہَن۔

اعمال 3:2 Iomraidhean Croise

لُوقا 16:20

تے لعزر ناں دا ہِک غریب، جیہڑا ناسُوراں نال بھریا ہویا، اُوندے دروازے اُتے سَٹ ڈِتا گِیا ہا۔

لُوقا 18:35

جِیں ویلے یسُوع ٹُردے ٹُردے یرِیحُو دے نیڑے پُجیا تاں ہِک اندھا رستے دے کنارے بیٹھا بِھیک منگدا پِیا ہا۔

یُوحنّا 9:8

بس ہمسائے تے ڈُوجھے لوک جِنہاں پہلے اُونکُوں منگدے ڈِٹھا ہا، آکھنڑ لگے، ”کیا ایہ اُوہو بندہ نئیں جیہڑا بیٹھا منگدا ہوندا ہا؟“

اعمال 10:31

تے آکھیا، ’کُرنیلیُس! خُدا تیڈی دُعا سُنڑ گِھدی تے تیڈی خیرات دی خُدا دے حضُور یاد تھئی ہے۔

اعمال 10:4

او ڈر گِیا تے اُونکُوں غور نال ڈیدھے ہوئے آکھیا ”مالک، کیا ہے؟“ فرشتہ اُونکُوں آکھیا ”تیڈی خیرات تے دُعاواں نذرانے دے طور تے خُدا دے حضُور پُج گئیاں ہِن،

اعمال 14:8

لُسترہ ءچ ہِک بندہ بیٹھا ہا جیہڑا پیراں کنُوں معذور ہا۔ او جماندرُو مَنڈا ہا تے کڈھائیں نہ ٹُریا ہا۔

اعمال 3:10

اُونکُوں پچھاݨ گِھدا جو ایہ تاں اُوہو ہے جیہڑا ہیکل دے خُوب صورت دروازے اُتے بہہ تے خیرات منگدا ہا، تے او جیہڑا اُوندے نال تھیّا ہا، اُوں تُوں بہُوں ای حیران تھئے۔

اعمال 4:22

کیوں جو جیہڑا بندہ اِیں معجزے کنُوں شِفا پا گِیا ہا، چالیہہ سالہاں کنُوں زیادہ عُمر دا ہا۔