اعمال 3:11 - کِتاب مُقدّس سرائیکی ترجمہ

¹¹ جِیں ویلے او بندہ پطرس تے یُوحنّا کُوں پکڑ تے سُلیمانی برانڈے ءچ کھڑا ہا تاں سارے لوک بہُوں حیران تھی تے اُوں دو بھجدے آئے۔

اعمال 3:11 Iomraidhean Croise

لُوقا 22:8

یسُوع پطرس تے یُوحنّا کُوں ایہ آکھ تے بھیجیا جو ”ساڈے کیتے فسح کھاوݨ دی تیاری کرو۔“

لُوقا 8:38

پر جیہڑے بندے ءچوں بدرُوحاں نِکل گئیاں ہَن، او اُوندی مِنت کرݨ لگا جو ”میکُوں آپنڑے نال ای ونجنڑ ڈیؤ۔“ پر یسُوع اُونکُوں روانہ کر تے آکھیا،

یُوحنّا 10:23

یسُوع ہیکل دے سُلیمانی برانڈے ءچ ٹہلدا پِیا ہا۔

اعمال 2:6

جِیں ویلے اُنہاں ایہ اواز سُنڑی تاں بِھیڑ جمع تھی گئی تے لوک ہکے بکے رہ گئے کیوں جو ہر ہِک کُوں اِیہو سُنڑدا ہا جو ایہ میڈی ای بولی بُولیندے پئے ہِن۔

اعمال 3:12

پطرس ایہ ڈیکھ تے لوکاں کُوں آکھیا، ”اِسرائیلیو! تُساں اِیں اُتے کیوں حیران تھیندے ہیوے تے ساکُوں اِینویں کیوں ڈیدھے پئے ہیوے جِینویں اساں آپنڑی قُدرت یا دینداری دے سببّوں اِیں منڈے کُوں ٹُرݨ پِھرݨ دے لائق بنڑا ڈِتے؟

اعمال 3:3

جِیں ویلے اُوں پطرس تے یُوحنّا کُوں ہیکل ءچ ویندے ڈِٹھا تاں اُنہاں کنُوں خیرات منگی۔

اعمال 3:4

پطرس تے یُوحنّا اُوندے اُتے غور نال نِگاہ کیتی تے پطرس آکھیا، ”ساڈے دو ڈیکھ۔“

اعمال 5:12

تے رسُولاں دے ہتُھوں بہُوں سارے معجزے تے عجیب کم لوکاں ءچ تھیندے ہَن۔ تے سارے اِیماندار ہِک دل تھی تے سُلیمان دے برانڈے ءچ جمع تھیندے ہَن۔