اعمال 3:1 - کِتاب مُقدّس سرائیکی ترجمہ

¹ پطرس تے یُوحنّا، دُعا ویلے یعنی ڈوپہر ترے وجے ہیکل دو ویندے پئے ہَن۔

اعمال 3:1 Iomraidhean Croise

متّی 17:1

چِھی ڈینہہ بعد یسُوع پطرس، یعقُوب تے یعقُوب دے بِھرا یُوحنّا کُوں نال گِھدا تے اُنہاں کُوں ہِک اُچے پہاڑ اُتے اَنج گِھن گِیا۔

متّی 26:37

او پطرس تے زبدی دے ڈوہائیں پوتراں کُوں نال گِھن گِیا تے غمگین تے بے چین تھیوݨ لگا۔

متّی 27:45

ڈوپہر کنُوں گِھن تے تریجھے پہر تئیں سارے مُلک ءچ اندھارا چھایا ریہا۔

لُوقا 1:10

لوکاں دی ساری بِھیڑ خوشبودار مصالحہ ساڑݨ ویلے باہر دُعا کریندی پئی ہئی۔

لُوقا 18:10

”ڈُو بندے دُعا کرݨ کیتے ہیکل ءچ گئے۔ ہِک فریسی تے ڈُوجھا محصُول گِھننڑ آلا۔

لُوقا 22:8

یسُوع پطرس تے یُوحنّا کُوں ایہ آکھ تے بھیجیا جو ”ساڈے کیتے فسح کھاوݨ دی تیاری کرو۔“

لُوقا 24:53

تے او ہر ویلے ہیکل ءچ حاضر تھی تے خُدا دی حمد کریندے راہندے ہَن۔

یُوحنّا 21:7

وَل اُوں شاگرد جِینکُوں یسُوع عزیز رکھیندا ہا، پطرس کُوں آکھیا، ”ایہ تاں خُداوند ہے۔“ جِینویں ای شمعون پطرس ایہ سُنڑیا جو ایہ خُداوند ہے اُوں آپنڑا چولا چیل نال بدھیا کیوں جو اُوں اُونکُوں کم کیتے لہایا ہویا ہا تے پانڑی ءچ ٹپّا مار ڈِتا۔

اعمال 10:3

ہِک ڈینہہ اُوں ڈوپہر دے ترے وجے دے نیڑے رویا ءچ صاف صاف ڈِٹھا جو خُدا دا ہِک فرشتہ میڈے کولھ آ تے اکھیندے، ”کُرنیلیُس۔“

اعمال 10:30

کُرنیلیُس آکھیا، ”چار ڈینہہ پہلے مَیں آپنڑے گھر ءچ اِیں ویلے یعنی ڈوپہر دے ترے وجے دُعا کریندا پِیا ہم جو اچانک ہِک بندہ چمکدار پُشاک ءچ میڈے سامنڑے آ کھڑا تھیّا

اعمال 2:46

او ہر روز ہِک دل تھی تے ہیکل ءچ جمع تھیندے تے گھراں ءچ روٹی تروڑ تے خوشی تے سادہ دِلی نال کٹھے کھانڑا کھاندے ہَن۔

اعمال 3:3

جِیں ویلے اُوں پطرس تے یُوحنّا کُوں ہیکل ءچ ویندے ڈِٹھا تاں اُنہاں کنُوں خیرات منگی۔

اعمال 3:4

پطرس تے یُوحنّا اُوندے اُتے غور نال نِگاہ کیتی تے پطرس آکھیا، ”ساڈے دو ڈیکھ۔“

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

اعمال 5:25

اُوں ویلے کہیں آ تے اُنہاں کُوں خبر ڈِتی جو ”ڈیکھو، او بندے جِنہاں کُوں تُساں قید کیتا ہا، ہیکل ءچ کھڑے لوکاں کُوں تعلیم ڈیندے پئے ہِن۔“

اعمال 8:14

جِیں ویلے یروشلیم ءچ رسُولاں سُنڑیا جو سامریہ دے لوکاں خُدا دا کلام قبول کر گِھدے تاں پطرس تے یُوحنّا کُوں اُنہاں کولھ بھیجیا۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔