اعمال 27:12 - کِتاب مُقدّس سرائیکی ترجمہ

¹² کیوں جو او بندرگاہ سیالا گُزارݨ کیتے چنگی نہ ہئی اِیں واسطے ڈھیر لوکاں دا فیصلہ ایہ ہا جو اساں اگُوں ودُھوں تے جے تھی سگے تاں فِینِکس ءچ پُج تے سیالے دا موسم لنگھاؤں۔ ایہ کریتے دی ہِک بندرگاہ ہئی جِیندا رُخ شمال مشرق تے جنُوب مشرق دو ہا۔

اعمال 27:12 Iomraidhean Croise

اعمال 2:11

بھانویں پیدائشی یہُودی بھانویں اُنہاں دے مُرید، تے کریتی تے عرب ہِن۔ پر اساں آپنڑی آپنڑی بولی ءچ اُنہاں کنُوں خُدا دے عظیم کماں دا بیان سُنڑدے ہیں۔“

اعمال 27:13

جِیں ویلے جنُوب کنُوں ہلکی ہلکی ہوا گُھلنڑ شروع تھی گئی تاں او سمجھے جو ”ہُنڑ ساڈا مقصد پُورا تھی سگدے۔“ اِیں واسطے اُنہاں لنگر چا تے جہاز ٹوریا تے کریتے دے ساحل دے نال نال اگُوں ودھے۔

اعمال 27:21

بہُوں عرصے تُوں اُنہاں کُجھ نہ کھادا ہا تاں آخر کار پولُس اُنہاں دے اَدھ ءچ کھڑا تھی تے آکھیا، ”بِھراؤ! جے تُساں میڈی نصیحت منیندے تے کریتے کنُوں روانہ نہ تھیندے تاں ایہ نُقصان تے ڈُکھ نہ چیندے۔

اعمال 27:7

اساں بہُوں ڈینہاں تئیں ہولے ہولے اگُوں ودھدے ریہے تے مُشکل نال کَنِدُس دے سامنڑے پُجے پر تیز ہوا ساکُوں سِدھے اگُوں نہ ونجنڑ ڈِتا۔ وَل اساں ہوا تُوں بچنڑ کیتے سلمونے دے سامنڑے کنُوں تھی تے کریتے دے جنُوب کنُوں ٹُرے،

اعمال 27:8

تے بہُوں مُشکل نال ساحل دے نال نال اگُوں ودھدے ہوئے حسِین ناں دی بندرگاہ ءچ پُجے جِتُھوں لَسَیہ شہر نزدیک ہا۔

طِطُس 1:12

اُنہاں دے آپنڑے نبیاں ءچوں ہِک تاں اِتُھوں تئیں آکھ ڈِتے جو ”کریتی لوک ہمیشاں کُوڑے، ظالم جنگلی جانور، سُست پیٹُو ہوندے ہِن۔“

طِطُس 1:5

مَیں تیکُوں کریتے ءچ اِیں واسطے چھوڑ ڈِتا ہا تاں جو جیہڑا کم اُتھاں ادُھورا رہ گِیا ہا، تُوں اُونکُوں پُورا کر سگیں، تے ہر شہر ءچ بزُرگاں کُوں مقرر کریں جِینویں مَیں تیکُوں ہدایت ڈِتی ہئی۔