اعمال 26:7 - کِتاب مُقدّس سرائیکی ترجمہ

⁷ اُونہی وعدے دے پُورے تھیوݨ دی اُمید اُتے ساڈے بارہاں دے بارہاں قبیلے ڈینہہ رات دل و جان نال خُدا دی عبادت کریندے راہندے ہِن۔ پر بادشاہ سلامت! اِیں اُمید دے سببّوں یہُودی میڈے اُتے مقدمہ دائر کریندے پئے ہِن۔

اعمال 26:7 Iomraidhean Croise

متّی 19:28

یسُوع اُنہاں کُوں آکھیا، ”مَیں تُہاکُوں سچ آدھا ہاں جو نوِیں دُنیا ءچ جِیں ویلے اِبنِ آدم آپنڑے جلالی تخت اُتے بَہسی تاں تُساں وی جیہڑے میڈے پِچُھوں تھی پئے ہیوے بارہاں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

لُوقا 2:25

یروشلیم ءچ ہِک بندہ ہا جِیندا ناں شمعون ہا۔ او نیک تے خُدا ترس تے اِسرائیل دی نجات دا اِنتظار کریندا پِیا ہا تے رُوح القُدس اُوندے اُتے ہا۔

لُوقا 22:30

تاں جو تُساں میڈی بادشاہی ءچ میڈے دسترخوان اُتے کھاؤ پِیو بلکہ تُساں تختاں اُتے بہہ تے بنی اِسرائیل دے بارہاں قبیلیاں دا اِنصاف کریسو۔

اعمال 20:31

اِیں واسطے خبردار رہوائے تے یاد رکھائے جو مَیں ترے سال تئیں ڈینہہ رات ہنجُو وہا وہا تے ہر ہِک کُوں خطرے تُوں آگاہ کریندا ریہا۔

اعمال 24:15

مَیں وی خُدا تُوں اُوہو اُمید رکھیندا ہاں جیہڑی ایہ رکھیندے ہِن جو راستباز تے ناراست ڈوہائیں دی قیامت تھیسی۔

اعمال 26:2

”اگرِپّا بادشاہ! مَیں آپنڑے آپ کُوں خوش قسمت سمجھدا ہاں جو تُہاڈے سامنڑے یہُودیاں دے اِلزاماں دے جواب ءچ آپنڑی صفائی پیش کریندا پِیا ہاں۔

اعمال 26:3

خاص کر اِیں واسطے جو تُساں سارے یہُودی رسم و رواج تے مسئلیاں تُوں واقف ہیوے۔ اِیں واسطے مَیں مِنت کریندا ہاں جو تُساں صبر نال میڈی سُنڑو۔

اعمال 28:20

بس مَیں تُہاکُوں اِیں واسطے سڈوایا جو تُہاڈے نال مُلاقات کراں تے گالھ کراں کیوں جو مَیں بنی اِسرائیل دی اُمید دی وجہ کنُوں زنجیراں نال بدھیا پِیا ہاں۔“

فِلِپّیوں 3:11

تاں جو کہیں طرحاں مُردیاں ءچوں زندہ تھیوݨ دے درجہ تئیں پُج ونجاں۔

1تھِسّلُنیکیوں 3:10

اساں ڈینہہ رات بہُوں دُعا کریندے ہیں جو تُہاکُوں مِلُوں تے تُہاڈے اِیمان دی کمی کُوں پُورا کر ڈیؤں۔

1 تِیمُتھِیُس 5:5

جیہڑی عورت واقعی ضرورت مند بیوہ ہے تے جِیندا کوئی نئیں، او خُدا اُتے اُمید رکھیندی ہے تے ڈینہہ رات خُدا کنُوں مدد منگدی تے دُعا کریندی ہے۔

یعقُوب 1:1

ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔