اعمال 26:23 - کِتاب مُقدّس سرائیکی ترجمہ

²³ جو المسیح ضرور ڈُکھ چیسی تے ساریاں کنُوں پہلے مُردیاں ءچوں زندہ تھی تے اِیں اُمت تے غیر قوماں کُوں نُور دا پیغام ڈیسی۔“

اعمال 26:23 Iomraidhean Croise

متّی 26:24

اِبنِ آدم تاں جِینویں اُوندے حق ءچ لِکھیا ہے ویندا ای ہے، پر اُوں بندے اُتے افسوس جیندے ذریعے اِبنِ آدم پکڑوایا ویندے۔ اُوندے کیتے چنگا ہا جو او پیدا ای نہ تھیندا۔“

متّی 27:53

یسُوع دے زندہ تھیوݨ تُوں بعد او قبراں ءچوں نِکل تے مُقدّس شہر ءچ گئے تے بہُوں سارے لوکاں کُوں ڈِکھالی ڈِتے۔

لُوقا 2:32

تاں جو او غیر قوماں کُوں روشنی ڈیوݨ آلا نُور تے تیڈی اُمت اِسرائیل دا جلال بنڑے۔“

لُوقا 24:26

کیا المسیح کیتے لازم نہ ہا جو او ڈُکھاں کُوں برداشت کرݨ تُوں بعد آپنڑے جلال ءچ داخل تھیندا؟“

لُوقا 24:46

تے اُنہاں کُوں آکھیا، ”اِینویں لِکھیا ہے جو المسیح ڈُکھ چے سی تے تریجھے ڈینہہ مُردیاں ءچوں زندہ تھی ویسی۔

یُوحنّا 10:18

میڈی جان مَیں کنُوں کوئی وی نئیں کھسیندا بلکہ مَیں آپنڑی مرضی نال اُونکُوں قُربان کریندا ہاں۔ میڈے کولھ اُونکُوں ڈیوݨ دا وی اِختیار ہے تے اُونکُوں ولا گِھننڑ دا وی اِختیار ہے۔ ایہ حُکم میکُوں میڈے باپ کنُوں مِلیا ہے۔“

یُوحنّا 11:25

یسُوع اُونکُوں آکھیا، ”قیامت تے زندگی تاں مَیں ہاں۔ جیہڑا میڈے اُتے اِیمان گِھن آندے بھانویں او مر وی ونجے، وَل وی زندہ راہسی۔

اعمال 13:34

تے یسُوع دے مُردیاں ءچوں زندہ تھیوݨ تے اُوندے جِسم دے سڑن دے بارے ءچ خُدا اِینویں آکھیا ہے، ’مَیں تیکُوں داؤد نال وعدہ کیتیاں ہوئیاں پاک تے سچیاں نعمتاں ڈیساں۔‘

اعمال 26:18

جو تُوں اُنہاں دے اکھیں کھولیں تاں جو او اندھارے کنُوں روشنی دو تے شیطان دے اِختیار کنُوں خُدا دو رجُوع گِھن آوݨ، تے میڈے اُتے اِیمان گِھن آ تے گُناہاں دی معافی پاوݨ، تے خُدا دے پاک لوکاں ءچ شریک تھی تے میراث حاصل کرݨ۔‘

اعمال 26:8

تُساں اِیں گالھ دا کیوں یقین نئیں کریندے جو خُدا مُردیاں کُوں ولا کنُوں زندہ کر ڈیسی؟

اعمال 3:18

پر خُدا او سارے گالھیں جیہڑیاں اُوں آپنڑے نبیاں دی زبانی آکھیاں ہَن جو اُوندا مسیح ڈُکھ چیسی، اِیں طرحاں پُوریاں کیتیاں۔

اعمال 3:24

بلکہ سموئیل کنُوں گِھن تے پِچھلیاں تئیں جِتّی نبیاں کلام کیتا اُنہاں ساریاں اِنہاں ڈینہاں دی خبر ڈِتی ہے۔

1کُرِنتھِیوں 15:3

کیوں جو مَیں تُہاکُوں سبھ تُوں زیادہ ضروری گالھ پُچا ڈِتی ہے جیہڑی میکُوں وی پُجی ہئی، جو مسیح خُدا دے کلام دے مطابق ساڈے گُناہاں کیتے مویا،

2کُرِنتھِیوں 4:4

اِیں جہان دے خُدا یعنی شیطان غیر اِیمانداراں دی عقل کُوں اندھا کر ڈِتے تاں جو او خوشخبری دا نُور نہ ڈیکھ سگنڑ، جیہڑا مسیح دے جلال کُوں ظاہر کریندے یعنی مسیح دے جیہڑا خُدا دی صورت اُتے ہے۔

کلُسِّیوں 1:18

اُوہو بدن یعنی کلیسیا دا سر ہے۔ اُوہو مُنڈھ ہے تے مُردیاں ءچوں زندہ تھیوݨ آلیاں ءچوں پلوٹھا، تاں جو سارے گالھیں ءچ اُوندا درجہ پہلا ہووے۔

عبرانیوں 2:10

کیوں جو مناسب ہا جو خُدا جیندے کیتے تے جیندے وسیلے نال سبھ چیزاں موجود ہِن، جِیں ویلے او بہُوں سارے فرزنداں کُوں آپنڑے جلال ءچ شامل کرے تاں اُنہاں دی نجات دے بانی یسُوع کُوں ڈُکھاں دے ذریعے کامِل بنڑاوے۔

مُکاشفہ 1:5

تے یسُوع مسیح دی طرفوں جیہڑا سچا گواہ تے مُردیاں ءچوں زندہ تھیوݨ آلیاں ءچوں پلوٹھا تے دُنیا دے بادشاہاں اُتے حُکمران ہے۔ او ساڈے نال محبت رکھیندے تے اُوں آپنڑے خون دے وسیلہ نال ساکُوں ساڈے گُناہاں تُوں رہائی بخشی،