اعمال 26:10 - کِتاب مُقدّس سرائیکی ترجمہ

¹⁰ اِیں واسطے مَیں یروشلیم ءچ اِینویں ای کیتا۔ مَیں سردار کاہِناں کنُوں اِختیار گِھن تے بہُوں سارے مُقدّساں کُوں قید ءچ سٹیا تے جِیں ویلے اُنہاں کُوں سزائے موت سُنڑائی ویندی ہئی تاں مَیں وی اِیہو صلاح ڈیندا ہم۔

اعمال 26:10 Iomraidhean Croise

اعمال 7:58

تے اُونکُوں شہر کنُوں باہر کڈھ تے سنگسار کرݨ لگے تے اُوندے خلاف گواہی ڈیوݨ آلیاں آپنڑے کپڑے ساؤل ناں دے ہِک جوان دے پیراں کولھ رکھ ڈِتے۔

اعمال 8:1

تے ساؤل اُوندے قتل اُتے راضی ہا۔ اُونہی ڈینہہ اُوں کلیسیا اُتے جیہڑی یروشلیم ءچ ہئی، وڈے ظلم دا سلسلہ شروع تھیّا تے رسُولاں دے علاوہ سارے لوک یہُودیہ تے سامریہ دے چودھارُوں تِتربِتر تھی گئے۔

اعمال 8:3

پر ساؤل کلیسیا کُوں تباہ کریندا ریہا۔ او گھر گھر وَنج تے مرداں تے عورتاں کُوں گِھیل تے قید کرویندا ہا۔

اعمال 9:21

سبھ سُنڑݨ آلے حیران تھی تے آکھنڑ لگے ”کیا ایہ اُوہو بندہ نئیں جیہڑا یروشلیم ءچ اِیں ناں دے گِھننڑ آلیاں کُوں برباد کریندا ہا تے اِتھاں وی اِیں مقصد نال آیا ہا جو اُنہاں کُوں گرفتار کر تے سردار کاہِناں کولھ گِھن ونجے؟“

اعمال 9:26

ساؤل یروشلیم ءچ پُج تے شاگرداں ءچ شامل تھیوݨ دی کوشش کیتی پر سارے اُوں تُوں ڈردے ہَن کیوں جو اُنہاں کُوں یقین نہ آندا ہا جو ایہ شاگرد ہے۔

اعمال 9:32

تے پطرس جاہ جاہ پِھردا ہویا اُنہاں مُقدّساں کولھ وی پُجیا جیہڑے لُدہ ءچ راہندے ہَن۔

اعمال 9:41

اُوں ہتھ پکڑ تے اُونکُوں کھڑا کیتا تے مُقدّساں تے بیوہ عورتاں کُوں سڈ تے تبِیتا کُوں زندہ اُنہاں دے حوالے کیتا۔

1کُرِنتھِیوں 15:9

کیوں جو مَیں رسُولاں ءچوں ساریاں کنُوں کمتر ہاں بلکہ رسُول اکھواوݨ دے لائق وی نئیں، اِیں واسطے جو مَیں خُدا دی کلیسیا کُوں سَتیندا ہم۔

گلتِیوں 1:13

تُساں تاں سُنڑیا ہے جو جِیں ویلے مَیں یہُودی طور طریقے دا پابند ہم تاں میڈا چال چلنڑ کیجھا ہا۔ مَیں خُدا دی کلیسیا کُوں کِینویں حد تُوں زیادہ ستیندا تے اُنہاں کُوں تباہ کرݨ دی کوشش کریندا ہم۔

اِفِسیوں 1:1

ایہ خط میں پولُس دی طرفوں ہے جیہڑا خُدا دی مرضی نال یسُوع مسیح دا رسُول ہاں، اُنہاں مُقدّساں دے ناں جیہڑے اِفِسُس ءچ راہندے ہِن تے یسُوع مسیح ءچ وفادار ہِن۔

مُکاشفہ 17:6

مَیں ڈِٹھا جو او عورت مُقدّساں تے یسُوع دے شہیداں دا خون پی پی تے مدہوش تھی گئی ہئی۔ اُونکُوں ڈیکھ تے میکُوں بہُوں حیرانگی تھئی۔