اعمال 24:5 - کِتاب مُقدّس سرائیکی ترجمہ

⁵ اساں ڈِٹھے جو ایہ بندہ بہُوں خطرناک ہے۔ ایہ دُنیا دے سارے یہُودیاں ءچ فساد پیدا کریندے تے ناصری دے بِدعتی فرقہ دا راہنما ہے۔

اعمال 24:5 Iomraidhean Croise

متّی 10:25

شاگرد کیتے کافی ہے جو او آپنڑے اُستاد وانگُوں تے نوکر کیتے ایہ جو او آپنڑے مالک وانگُوں ہووے۔ جِیں ویلے اُنہاں گھر دے مالک کُوں شیطان آکھیا تاں اُوندے گھر آلیاں کُوں کیوں نہ اکھیسن۔

متّی 2:23

اُتھاں پُج تے ناصرت ناں دے شہر ءچ راہنڑ لگا۔ تے جیہڑی گالھ نبی دی معرفت فرمائی گئی ہئی او پُوری تھئی جو ”او ناصری اکھویسی۔“

مرقس 1:24

جو ”یسُوع ناصری! ساکُوں تیڈے نال کیا کم؟ کیا تُوں ساکُوں ہلاک کرݨ آئیں؟ مَیں جانڑدا ہاں جو تُوں کوݨ ہیں؟ تُوں خُدا دا قدُّوس ہیں۔“

لُوقا 23:19

برابّا شہر ءچ بغاوت تے قتل کرݨ دی وجہ تُوں قید ہا۔

لُوقا 23:2

تے اُنہاں اُوندے اُتے اِلزام لاوݨ شروع کیتا جو ”اساں اِیں بندے کُوں آپنڑی قوم کُوں ورغلیندے تے رومی بادشاہ قیصر کُوں ٹیکس ڈیوݨ کنُوں منع کریندے تے آپنڑے آپ کُوں المسیح بادشاہ آدھے ڈِٹھے۔“

لُوقا 23:25

تے جیہڑا بندہ بغاوت تے خون دے جُرم ءچ قید ہا تے جیندی رہائی کیتے اُنہاں درخاست کیتی ہئی اُونکُوں چھوڑ ڈِتا، پر یسُوع کُوں اُنہاں دی مرضی دے مطابق سپاہیاں دے حوالے کر ڈِتا۔

لُوقا 23:5

پر او ضد کر تے آکھنڑ لگے جو ”او تمام یہُودیہ ءچ بلکہ گلیل تُوں گِھن تے اِتھاں تئیں لوکاں کُوں سِکھا سِکھا تے ورغلیندے۔“

اعمال 15:5

پر فریسیاں دے فرقہ ءچوں جیہڑے اِیمان گِھن آئے ہَن، کُجھ کھڑے تھی تے آکھنڑ لگے جو ”غیریہُودیاں ءچوں اِیمان گِھن آوݨ آلیاں دا ختنہ کراوݨ تے اُنہاں کُوں مُوسیٰ دی شریعت اُتے عمل کرݨ دا حُکم ڈیوݨ ضرور ہے۔“

اعمال 21:28

چیخنڑ لگے جو ”اِسرائیلیو! ساڈی مدد کرو۔ اِیہو بندہ ہے جیہڑا ہر جاہ لوکاں کُوں ساڈے خلاف، ساڈی شریعت دے خلاف تے اِیں ہیکل دے خلاف تعلیم ڈیندا ہے۔ اِیندے علاوہ اُوں یُونانیاں کُوں وی ہیکل ءچ گِھن آ تے اِیں پاک جاہ کُوں ناپاک کر ڈِتے۔“

اعمال 22:22

بِھیڑ اِیں گالھ تئیں تاں پولُس دی سُنڑدی ریہی۔ وَل اُچی اواز نال آکھنڑ پے گئی جو ایجھے بندے کُوں زمین تُوں ختم کر ڈے۔ او زندہ راہنڑ دے لائق نئیں۔

اعمال 24:14

پر مَیں تُہاڈے سامنڑے اِقرار کریندا ہاں جو مسیح دی راہ جِینکُوں او بِدعت قرار ڈیندے ہِن اُوندے مطابق مَیں آپنڑے پِیُو ڈاڈا دے خُدا دی عبادت کریندا ہاں تے جیہڑا کُجھ توریت تے نبیاں دے صحائف ءچ لِکھیا ہے اُنہاں ساریاں اُتے میڈا اِیمان ہے۔

اعمال 24:4

ہُنڑ تُہاکُوں تکلیف ڈِتے بغیر درخاست کریندا ہاں جو مہربانی نال ساڈے ہِک ڈُو گالھیں سُنڑ گِھنو۔

اعمال 25:7

جِیں ویلے پولُس حاضر تھیّا تاں یہُودیاں جیہڑے یروشلیم کنُوں آئے ہَن، اُوندے چودھارُوں کھڑے تھی تے بہُوں سارے سخت اِلزام لاوݨ شروع کر ڈِتے پر کوئی ثبوت پیش نہ کر سگے۔

اعمال 26:5

او شروع کنُوں میکُوں جانڑدے ہِن تے جے چاہوݨ تاں میڈے حق ءچ گواہی ڈے سگدے ہِن جو مَیں فریسی ہوندے ہوئے آپنڑے مذہب دے سبھ کنُوں پابند فرقہ دے مطابق زندگی گُزریندا ہم۔

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

اعمال 5:17

اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

اعمال 6:13

تے کُوڑے گواہ پیش کیتے جِنہاں آکھیا جو ”ایہ بندہ اِیں پاک مقام تے شریعت دے خلاف بولنڑ تُوں باز نئیں آندا،

1کُرِنتھِیوں 11:19

تُہاڈے ءچ تفرقے دا ہووݨ ضرور ہے تاں جو ظاہر تھی ونجے جو تُہاڈے ءچ کیہڑے لوک سچے ہِن۔

1کُرِنتھِیوں 4:13

او ساکُوں بدنام کریندے ہِن پر اساں نرم مزاجی نال جواب ڈیندے ہیں۔ اساں اَج تئیں دُنیا دے گند تے کُوڑے وانگُوں ہیں۔

1 پطرس 2:19

جے کوئی خُدا دی مرضی دا خیال کریندے ہوئے نا حق ڈُکھ تے تکلیفاں برداشت کریندے تاں ایہ گالھ قابلِ تعریف ہے۔