اعمال 24:10 - کِتاب مُقدّس سرائیکی ترجمہ

¹⁰ جِیں ویلے گورنر پولُس کُوں بولنڑ دا اِشارہ کیتا تاں اُوں جواب ڈِتا، ”کیوں جو مَیں جانڑدا ہاں جو تُساں بہُوں سالاں تُوں اِیں قوم دی عدالت کریندے ہیوے، اِیں واسطے مَیں خوشی نال آپنڑی صفائی پیش کریندا ہاں۔

اعمال 24:10 Iomraidhean Croise

لُوقا 12:11

تے جیہڑے ویلے او تُہاکُوں عبادت خانیاں ءچ تے حاکماں تے اِختیار آلیاں دے کولھ گِھن ونجنڑ تاں فِکر نہ کرائے جو اساں کِینویں یا کیا جواب ڈیؤں، یا کیا آکھوں،

لُوقا 12:14

یسُوع اُونکُوں آکھیا، ”میاں، کئیں میکُوں تُہاڈا مُنصف یا ونڈاوݨ آلا مقرر کیتے؟“

لُوقا 18:2

”کہیں شہر ءچ ہِک قاضی ہا۔ نہ او خُدا کنُوں ڈردا ہا، تے نہ ای اِنسان دی کوئی پرواہ کریندا ہا۔

اعمال 12:17

اُوں اُنہاں کُوں ہتھ نال اِشارہ کیتا جو چُپ راہوݨ تے اُنہاں کُوں ڈسایا جو خُداوند اُونکُوں کِینویں قید خانہ ءچوں باہر کڈھے۔ وَل آکھیا، ”یعقُوب تے بِھرانواں کُوں اِیں گالھ دی خبر ڈے ڈیوائے“ تے خود کہیں بئی جاہ چلیا گِیا۔

اعمال 13:16

بس پولُس کھڑا تھی تے ہتھ نال اِشارہ کر تے آکھیا، ”اِسرائیلیو تے خُدا دا خوف مننڑ آلیو! سُنڑو۔

اعمال 18:15

پر تُہاڈا اِلزام تاں کُجھ لفظاں، نانواں تے تُہاڈی آپنڑی شریعت دے مسئلیاں نال تعلق رکھیندے۔ اِیں واسطے تُساں خود ای بُھگتا گِھنو۔ مَیں ایجھے گالھیں دا مُنصف نہ بنڑساں۔“

اعمال 19:33

ایہ ڈیکھ تے یہُودیاں اِسکندر کُوں مجمع ءچوں کڈھ تے اگُوں کر ڈِتا۔ اِسکندر لوکاں کُوں چُپ تھی ونجنڑ دا اِشارہ کیتا تاں جو او اُنہاں کُوں آپنڑی صفائی پیش کر سگے۔

اعمال 21:40

جِیں ویلے سپہ سالار تُوں اِجازت گِھن گِھدی تاں اُوں پوڑیاں اُتے کھڑا تھی تے لوکاں کُوں ہتھ دا اِشارہ کیتا۔ جِیں ویلے او چُپ تھی گئے تاں اُنہاں کُوں عبرانی زبان ءچ اِینویں آکھنڑ لگا:

اعمال 23:24

وَل حُکم ڈِتا جو پولُس کیتے سواری دا اِنتظام کیتا ونجے تاں جو او گورنر فیلِکس کولھ حفاظت نال پُج ونجے۔

اعمال 26:1

اِیں گالھوں اگرِپّا بادشاہ پولُس کُوں آکھیا، ”تیکُوں آپنڑے حق ءچ بولنڑ دی اِجازت ہے۔“ اِیں واسطے پولُس ہتھ چا تے آپنڑی صفائی پیش کرݨ لگا جو

1 پطرس 3:15

مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔