اعمال 23:9 - کِتاب مُقدّس سرائیکی ترجمہ

⁹ بس اُتھاں ہنگامہ تھی گِیا، تے فریسیاں ءچوں کُجھ شریعت دے عالم کھڑے تھی گئے تے جھیڑا کر تے آکھنڑ لگے جو ”اساں اِیں بندے ءچ کوئی قصُور نئیں ڈیدھے تے جے کہیں فرشتے یا رُوح اِیندے نال گالھ کیتی ہے تاں کیا تھیّا؟“

اعمال 23:9 Iomraidhean Croise

مرقس 2:16

فریسیاں دے شریعت دے عالماں یسُوع کُوں گُنہگاراں تے محصُول گِھننڑ آلیاں نال کھاندے ڈِٹھا تاں اُوندے شاگرداں کُوں آکھیا، ”ایہ محصُول گِھننڑ آلیاں تے گُنہگاراں دے نال کیوں کھاندے پِیندے۔“

لُوقا 23:22

اُوں تریجھی پھیری اُنہاں کنُوں پُچھیا، ”کیوں؟ آخر اُوں کیہڑی بُرائی کیتی ہے؟ مَیں اُوندے ءچ قتل دی کوئی وجہ نئیں پاتی۔ بس مَیں اُونکُوں کُٹوا تے چھوڑ ڈیندا ہاں۔“

لُوقا 23:4

پِیلاطُس سردار کاہِناں تے عوام کُوں آکھیا، ”مَیں اِیں بندے ءچ کوئی قصُور نئیں ڈیدھا۔“

لُوقا 5:30

فریسی تے اُنہاں دے شریعت دے عالم یسُوع دے شاگرداں کُوں شکایت کر تے ایہ آکھنڑ لگے جو ”تُساں محصُول گِھننڑ آلیاں تے گُنہگاراں دے نال کیوں کھاندے پِیندے ہیوے؟“

یُوحنّا 12:29

جیہڑے لوک اُتھاں کھڑے سُنڑدے ہَن، اُنہاں آکھیا جو ”بدّل دی گاج ہے۔“ بیاں آکھیا جو ”فرشتہ اُوندے نال کلام کیتے۔“

اعمال 11:17

بس جِیں ویلے خُدا اُنہاں کُوں وی اُوہو نعمت ڈِتی جیہڑی ساکُوں خُداوند یسُوع مسیح اُتے اِیمان گِھن آوݨ دے سببّوں مِلی ہئی، تاں مَیں کوݨ ہم جو خُدا کُوں روک سگدا؟“

اعمال 22:6

مَیں جِیں ویلے سفر کریندا کریندا دمشق دے نیڑے پُجیا تاں ڈوپہر ویلے اسمان کنُوں ہِک تیز روشنی آئی تے میڈے چودھارُوں چمکنڑ لگ پئی۔

اعمال 22:7

مَیں زمین اُتے ڈھے پِیا تے ہِک اواز سُنڑی جیہڑی میکُوں آدھی پئی ہئی، ’ساؤل! ساؤل! تُوں میکُوں کیوں سَتیندیں؟‘

اعمال 23:29

تے پتہ لگیا جو اُنہاں دا اِلزام اُنہاں دی شریعت دے مسئلیاں نال تعلق رکھیندے پر اُوندے خلاف ایجھا کوئی اِلزام نئیں جیندی وجہ تُوں اُونکُوں موت یا قید دی سزا ڈِتی ونجے۔

اعمال 23:8

کیوں جو صدوقی تاں آدھے ہَن جو قیامت نہ تھیسی تے نہ ای فرشتے کوئی چیز ہِن نہ رُوح، پر فریسی اِنہاں سبھ کُوں منیندے ہِن۔

اعمال 25:25

پر میکُوں معلوم تھئے جو اِیں قتل دے لائق ایجھا کوئی جُرم نئیں کیتا تے جِیں ویلے اُوں شہنشاہ کُوں اپیل کیتی تاں مَیں اِینکُوں اُتھائیں بھیج ڈیوݨ دا فیصلہ کیتا۔

اعمال 26:31

تے باہر نِکل تے ہِک ڈُوجھے کُوں آکھنڑ لگے، ”ایہ بندہ کُجھ ایجھا نئیں کریندا جو اِینکُوں موت دی سزا ڈِتی ونجے یا قید ءچ رکھیا ونجے۔“

اعمال 27:23

کیوں جو خُدا جِیندا مَیں بندہ ہاں تے جیندی مَیں عبادت وی کریندا ہاں، اُوندا فرشتہ اِیں رات میڈے کولھ آیا،

اعمال 5:39

پر جے خُدا دی طرفوں ہے تاں تُساں اِنہاں بندیاں کُوں روک نہ سگسو بلکہ خُدا نال لڑن آلے کھڑائے ویسو۔“

اعمال 9:4

او زمین اُتے ڈھے پِیا تے ایہ اواز سُنڑی جو ”ساؤل! ساؤل! تُوں میکُوں کیوں سَتیندیں؟“

1کُرِنتھِیوں 10:22

کیا اساں اِینویں کرݨ نال خُداوند دے قہر کُوں نئیں بھڑکیندے؟ کیا اساں اُوں کنُوں زیادہ زورآور ہیں؟