اعمال 23:6 - کِتاب مُقدّس سرائیکی ترجمہ

⁶ جِیں ویلے پولُس کُوں پتہ لگیا جو اُنہاں ءچوں کُجھ صدوقی ہِن تے کُجھ فریسی تاں اُوں عدالت ءچ اُچی اواز ءچ آکھیا، ”بِھراؤ! مَیں فریسی ہاں تے فریسی پِیُو دا پوتر ہاں۔ میڈے اُتے اِیں واسطے مقدمہ چلایا ویندا پئے جو مَیں اُمید رکھیندا ہاں جو مُردے وَل زندہ تھیسن۔“

اعمال 23:6 Iomraidhean Croise

متّی 10:16

ڈیکھو مَیں تُہاکُوں بھجیندا ہاں جِینویں بھیڈاں کُوں نہراں ءچ۔ اِیں واسطے تُساں نانگاں وانگُوں ہوشیار تے کبوتراں وانگُوں بھولے بنڑو۔

متّی 22:23

اُوں ڈینہہ صدوقی جیہڑے قیامت دے مُنکر ہَن اُوندے کولھ آئے تے اُوں کنُوں ایہ پُچھیا جو

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

اعمال 22:3

”مَیں یہُودی ہاں تے کلکیہ دے شہر تَرسُس ءچ پیدا تھیّا، پر میڈی تربیت اِیں شہر ءچ گملی ایل دے پیراں ءچ تھئی۔ مَیں پِیُو ڈاڈا دی شریعت اُتے پابندی نال عمل کرݨ دی تعلیم گِھدی۔ مَیں خُدا کیتے ایجھا جوشیلا ہم جِینویں اَج تُساں ہیوے۔

اعمال 22:30

ڈُوجھے ڈینہہ پلٹن دے سپہ سالار پولُس کُوں کھول ڈِتا تے ایہ حقیقت جانڑن کیتے جو یہُودی اُوندے اُتے کیوں اِلزام لیندے ہِن، سردار کاہِناں تے یہُودیاں دی صدر ِ عدالت کُوں جمع تھیوݨ دا حُکم ڈِتا۔ وَل پولُس کُوں تلے گِھن وَنج تے سامنڑے کھڑا کر ڈِتا۔

اعمال 22:5

کاہِن ِ اعظم تے سارے بزُرگ میڈے گواہ ہِن جو بِھرانواں کیتے مَیں اُنہاں کنُوں خط گِھدے تے دمشق دو روانہ تھیّا جو اِیں راہ اُتے ٹُرݨ آلے جِتّی اُتھاں ہووݨ، اُنہاں کُوں وی بَدھ تے یروشلیم گِھن آواں تے سزا ڈیواں۔

اعمال 23:1

پولُس عدالت دے ارکان کُوں غور نال ڈیکھ تے آکھیا، ”میڈے بِھراؤ! مَیں اَج تئیں بہُوں نیک نیّتی نال خُدا دے حُکماں دے مطابق زندگی گُزریندا ریہا ہاں۔“

اعمال 23:15

بس ہُنڑ تُساں صدر ِ عدالت آلیاں نال رَل تے پلٹن دے سپہ سالار کُوں درخاست کرو جو پولُس کُوں تُہاڈے سامنڑے گِھن آوے تاں جو اُوندے مقدمہ دی حقیقت مزید پُچھی ونجے۔ اُوندے اِتھاں پُجنڑ کنُوں پہلے اساں اُونکُوں قتل کر ڈیوݨ کیتے تیار ہیں۔“

اعمال 23:20

اُوں آکھیا، ”یہُودیاں ایکا کر تے تُہاکُوں درخاست کرݨ دا فیصلہ کیتا ہے جو تُساں پولُس کُوں مزید تفتیش کیتے کل صدر ِ عدالت دے سامنڑے گِھن آؤ۔

اعمال 23:7

اُوندے ایہ آدھے ای فریسیاں تے صدوقیاں ءچ تکرار شروع تھی گئی تے حاضرین ءچ پُھٹ پے گئی۔

اعمال 24:15

مَیں وی خُدا تُوں اُوہو اُمید رکھیندا ہاں جیہڑی ایہ رکھیندے ہِن جو راستباز تے ناراست ڈوہائیں دی قیامت تھیسی۔

اعمال 24:21

سوائے اِیں ہِک گالھ دے جیہڑی مَیں اُچی اواز ءچ آکھی ہئی جو اَج تُہاڈے سامنڑے میڈے اُتے مُردیاں دی قیامت دے بارے ءچ مقدمہ کیتا گِیا ہے۔“

اعمال 28:20

بس مَیں تُہاکُوں اِیں واسطے سڈوایا جو تُہاڈے نال مُلاقات کراں تے گالھ کراں کیوں جو مَیں بنی اِسرائیل دی اُمید دی وجہ کنُوں زنجیراں نال بدھیا پِیا ہاں۔“

فِلِپّیوں 3:5

اٹھویں ڈینہہ میڈا ختنہ تھیّا، مَیں اِسرائیلی قوم تے بِنیمِین دے قبیلہ ءچوں ہاں، عبرانیاں دا عبرانی۔ شریعت اُتے عمل کرݨ دے اعتبار نال مَیں فریسی ہاں،

کلُسِّیوں 1:5

ایہ اُنہاں اُمید کیتیاں ہوئیاں برکتاں دی وجہ کنُوں ہے جیہڑیاں تُہاڈے کیتے اسمان اُتے رکھیاں ہِن تے جِیندا ذِکر تُساں خوشخبری دے سچے کلام ءچ پہلے سُنڑ گِھدے،

عبرانیوں 6:19

ایہ اُمید ساڈے کیتے ایجھے لنگر آلی کار ہے جیہڑا مضبوط تے قائم راہندے۔ تے ایہ اُمید ساکُوں پڑدے دے پِچُھوں خُدا دی سبھ تُوں مُقدّس جاہ تئیں پُچیندی ہے،