اعمال 22:1 - کِتاب مُقدّس سرائیکی ترجمہ

¹ ”بِھراؤ تے بزُرگو، ہُنڑ میڈے گالھیں سُنڑو جیہڑیاں مَیں آپنڑے دفاع ءچ اکھیندا ہاں۔“

اعمال 22:1 Iomraidhean Croise

لُوقا 12:11

تے جیہڑے ویلے او تُہاکُوں عبادت خانیاں ءچ تے حاکماں تے اِختیار آلیاں دے کولھ گِھن ونجنڑ تاں فِکر نہ کرائے جو اساں کِینویں یا کیا جواب ڈیؤں، یا کیا آکھوں،

لُوقا 21:14

بس آپنڑے دل ءچ پکّا اِرادہ کر گِھنو جو پہلے کنُوں فِکر نہ کریسو جو کیا جواب ڈیؤں۔

اعمال 13:26

بِھراؤ! ابرہام دے فرزندو تے خُدا دا خوف مننڑ آلیو! اِیں نجات دا کلام ساڈے کولھ بھیجیا گِیا۔

اعمال 19:33

ایہ ڈیکھ تے یہُودیاں اِسکندر کُوں مجمع ءچوں کڈھ تے اگُوں کر ڈِتا۔ اِسکندر لوکاں کُوں چُپ تھی ونجنڑ دا اِشارہ کیتا تاں جو او اُنہاں کُوں آپنڑی صفائی پیش کر سگے۔

اعمال 23:1

پولُس عدالت دے ارکان کُوں غور نال ڈیکھ تے آکھیا، ”میڈے بِھراؤ! مَیں اَج تئیں بہُوں نیک نیّتی نال خُدا دے حُکماں دے مطابق زندگی گُزریندا ریہا ہاں۔“

اعمال 23:6

جِیں ویلے پولُس کُوں پتہ لگیا جو اُنہاں ءچوں کُجھ صدوقی ہِن تے کُجھ فریسی تاں اُوں عدالت ءچ اُچی اواز ءچ آکھیا، ”بِھراؤ! مَیں فریسی ہاں تے فریسی پِیُو دا پوتر ہاں۔ میڈے اُتے اِیں واسطے مقدمہ چلایا ویندا پئے جو مَیں اُمید رکھیندا ہاں جو مُردے وَل زندہ تھیسن۔“

اعمال 24:10

جِیں ویلے گورنر پولُس کُوں بولنڑ دا اِشارہ کیتا تاں اُوں جواب ڈِتا، ”کیوں جو مَیں جانڑدا ہاں جو تُساں بہُوں سالاں تُوں اِیں قوم دی عدالت کریندے ہیوے، اِیں واسطے مَیں خوشی نال آپنڑی صفائی پیش کریندا ہاں۔

اعمال 25:16

مَیں اُنہاں کُوں ڈسایا جو رومی دستور دے مطابق کوئی بندہ سزا پاوݨ کیتے حوالہ نئیں کیتا وَنج سگدا جئیں تئیں جو اُونکُوں آپنڑے اِلزام لاوݨ آلیاں دے آمنڑے سامنڑے اُنہاں دے اِلزام دے بارے آپنڑی سچائی پیش کرݨ دا موقع نہ ڈِتا ونجے۔

اعمال 25:8

پولُس آپنڑی صفائی ءچ ایہ آکھیا جو ”مَیں نہ تاں یہُودیاں دی شریعت دے خلاف کوئی قصُور کیتے، نہ ہیکل دے تے نہ ای قیصر بادشاہ دے خلاف۔“

اعمال 26:24

جِیں ویلے پولُس آپنڑی صفائی ءچ ایہ آدھا ای پِیا ہا تاں فیستُس اُونکُوں روک تے اُچی اواز نال آکھیا، ”پولُس تُوں دیوانہ تھی گئیں۔ علم دی زیادتی تیکُوں پاگل کر ڈِتے۔“

اعمال 28:17

ترے ڈینہہ بعد پولُس یہُودی راہنماواں کُوں سڈوایا۔ جِیں ویلے او جمع تھئے تاں پولُس اُنہاں کُوں آکھیا، ”بِھراؤ، مَیں آپنڑی اُمت دے تے پِیُو ڈاڈا دیاں رسماں دے خلاف کوئی کم نئیں کیتا وَل وی میکُوں یروشلیم ءچ گرفتار کر تے رومیاں دے حوالے کر ڈِتا گئے۔

اعمال 7:2

اُوں آکھیا ”بِھراؤ تے بزُرگو سُنڑو! جلالی خُدا ساڈے پِیُو ابرہام اُتے اُوں ویلے ظاہر تھیّا جِیں ویلے او حاران شہر ءچ آباد تھیوݨ کنُوں پہلے مسوپتامیہ ءچ ہا،

رومیوں 2:15

او ایہ ظاہر کریندے ہِن جو شریعت دے حُکم اُنہاں دے دِلاں اُتے لِکھے ہوئے ہِن تے اُنہاں دا ضمیر وی اِیں گالھ دی گواہی ڈیندا ہے، کیوں جو اُنہاں دے خیال کہیں ویلے اُنہاں اُتے اِلزام لیندن تے کہیں ویلے اُنہاں کُوں بےقصُور آدھن۔

1کُرِنتھِیوں 9:3

میکُوں پرکھنڑ آلیاں کیتے اِیہو میڈا جواب ہے:

2کُرِنتھِیوں 12:19

کیا تُساں ہُنڑ تئیں اِیہو سمجھدے ہیوے جو اساں تُہاڈے سامنڑے آپنڑا دفاع پیش کریندے ہیں؟ اساں تاں مسیح دے بندے ہوندے ہوئے خُدا کُوں حاضر جاݨ تے بُولیندے ہیں تے عزیزو، اساں جیہڑا کُجھ وی کریندے ہیں او تُہاڈی ترقی کیتے کریندے ہیں۔

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

فِلِپّیوں 1:17

پر ڈُوجھے خلوص دل نال نئیں بلکہ حسد دی وجہ کنُوں مسیح دی تبلیغ کریندے ہِن تاں جو قید ءچ میڈے ڈُکھ کُوں ودھاوݨ۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

2 تِیمُتھِیُس 4:16

عدالت ءچ میڈی پہلی پیشی ویلے کوئی میڈی مدد کیتے نہ آیا بلکہ ساریاں میکُوں چھوڑ ڈِتا۔ خُدا اُنہاں تُوں اِیندا حساب نہ گِھنے۔

1 پطرس 3:15

مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔