اعمال 21:4 - کِتاب مُقدّس سرائیکی ترجمہ

⁴ اُتھاں راہنڑ آلے شاگرداں کُوں گولھ تے اساں اُنہاں نال سَت ڈینہہ تئیں ریہے۔ اُنہاں رُوح دی ہدایت نال پولُس کُوں یروشلیم ونجنڑ تُوں منع کیتا۔

اعمال 21:4 Iomraidhean Croise

متّی 10:11

تُساں جیہڑے وی شہر یا وستی ءچ داخل تھیوائے تاں پتہ کرائے جو کیہڑا اُوندے ءچ لائق ہے تے جئیں تئیں اُتھوں روانہ نہ تھیؤ، اُتھائیں ٹِکائے۔

اعمال 11:26

تے جِیں ویلے او مِلیا تاں اُونکُوں انطاکِیہ ءچ گِھن آیا۔ تے ساؤل تے برنباس ہِک سال تئیں اُتھاں دی کلیسیا ءچ شامل تھیندے تے بہُوں سارے لوکاں کُوں تعلیم ڈیندے ریہے۔ شاگرد پہلی پھیری انطاکِیہ ءچ ای مسیحی اکھوائے۔

اعمال 19:1

جِیں ویلے اپُلّوس کُرِنتُھس ءچ ہا تاں پولُس پہاڑی علاقہ ءچوں لنگھدے ہوئے اِفِسُس پُجیا۔ اُتھاں اُونکُوں کُجھ شاگرد مِلے۔

اعمال 21:16

قیصریہ دے کُجھ شاگرد وی ساڈے نال ٹُر پئے تے ساکُوں مَنَاسون دے گھر گِھن آئے جِتھاں اساں ٹِکنڑاں ہا۔ مَنَاسون کُپرُس دا راہنڑ آلا ہا تے پُرانڑے شاگرداں ءچوں ہا۔

اعمال 28:14

اُتھاں ساکُوں کُجھ بِھرا مِلے۔ اُنہاں دی دعوت اُتے اساں سَت ڈینہہ تئیں اُنہاں دے کولھ ریہے۔ تے اِینویں اساں روم وَنج پُجے۔

اعمال 9:16

تے مَیں اُونکُوں ڈِکھا ڈیساں جو میڈے ناں دی خاطر اُونکُوں کتنا ڈُکھ جھلنڑا پوسی۔“

2 تِیمُتھِیُس 1:17

بلکہ جڈاں او روم ءچ آیا تاں بہُوں کوشش نال گولھ تے میکُوں مِلیا۔

مُکاشفہ 1:10

خُداوند دے ڈینہہ میں رُوح القُدس دے اثر ءچ آ گِیا ہم تے مَیں آپنڑے پِچُھوں نرسِنگے جیہی ہِک اواز سُنڑی،