اعمال 20:9 - کِتاب مُقدّس سرائیکی ترجمہ

⁹ تے یُوتخُس ناں دا ہِک نوجوان کِھڑکی ءچ بیٹھا ہا۔ جڈاں پولُس دیر تئیں گالھیں کریندا ریہا تاں او سُنڑدے سُنڑدے سَم گِیا تے ڈاڈھی نیندر ءچ تریجھی منزل تُوں تلے وَنج ڈھٹھا۔ جِیں ویلے اُونکُوں چاتا گِیا تاں او مویا پِیا ہا۔

اعمال 20:9 Iomraidhean Croise

مرقس 13:36

اِینویں نہ تھیوے جو او اچانک آ تے تُہاکُوں سُتا ڈیکھے۔

مرقس 9:26

بدرُوح چیخ مار تے، تے چھوہر کُوں بہُوں مروڑ تے نِکل گئی۔ چھوہر مُردے وانگُوں تھی گِیا ایہ تئیں جو بہُوں سارے آکھنڑ پے گئے جو ”او مر گئے۔“

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

اعمال 20:10

پولُس تلے لتھا تے اُوں نوجوان نال وَلھٹیج گِیا تے اُونکُوں آپنڑے باہیں ءچ گِھن تے آکھنڑ لگا، ”گھبراؤ نہ، اِیندے ءچ جان ہے۔“

اعمال 20:7

ہفتے دے پہلے ڈینہہ جِیں ویلے اساں خُداوند دی یادگاری ءچ روٹی تروڑن کیتے کٹھے تھئے تاں پولُس لوکاں نال گالھ کرݨ لگا۔ اُوں ڈُوجھے ڈینہہ اُتھوں کنُوں روانہ تھیونڑا ہا، اِیں واسطے او رات دیر تئیں کلام کریندا ریہا۔

اعمال 20:8

جِیں چوبارے ءچ اساں کٹھے ہسے، اُوندے ءچ بہُوں سارے ڈیوے بلدے پئے ہَن۔