اعمال 2:7 - کِتاب مُقدّس سرائیکی ترجمہ

⁷ سارے بہُوں حیران تھی تے آکھنڑ لگے ”کیا ایہ بولنڑ آلے یکے گلیل دے راہوݨ آلے نئیں؟

اعمال 2:7 Iomraidhean Croise

متّی 21:11

بِھیڑ آکھیا ”ایہ گلیل دے شہر ناصرت دا نبی یسُوع ہے۔“

متّی 26:73

کُجھ دیر بعد او لوک جیہڑے اُتھاں کھڑے ہَن پطرس دے کولھ آئے تے آکھنڑ لگے، ”بےشک تُوں وی اُنہاں ءچوں ای ہیں کیوں جو تیڈے لہجے تُوں وی اِیہو ظاہر تھیندے۔“

متّی 8:10

یسُوع ایہ سُنڑ تے حیران تھیّا تے او آپنڑے پِچُھوں آوݨ آلیاں کُوں آکھنڑ لگا جو ”مَیں تُہاکُوں سچ آدھا ہاں جو مَیں اِسرائیل ءچ وی ایجھا اِیمان نئیں ڈِٹھا۔

مرقس 1:27

سارے لوک حیران تھئے تے ہِک ڈُوجھے کُوں آکھنڑ لگے ”ایہ کیا ہے؟ ایہ تاں نوِیں تعلیم ہے جیہڑی اِختیار نال ڈِتی ویندی پئی ہے۔ او بدرُوحاں کُوں حُکم ڈیندے تے او اُوندا حُکم منیندیاں ہِن۔“

مرقس 2:12

او اُٹھیا تے فوراً کَھٹ چا تے اُنہاں ساریاں دے سامنڑے لگا گِیا۔ او سارے حیران تھی گئے تے خُدا دی حمد کر تے آکھنڑ لگے، ”اساں اِینویں پہلے کڈھائیں نئیں ڈِٹھا۔“

یُوحنّا 7:52

اُنہاں جواب ڈِتا، ”کیا تُوں وی گلیل دے علاقے دا ہیں؟ کلام دی تحقیق کر تے ڈیکھ جو گلیل دے علاقے ءچوں کوئی نبی نہ ہوسی۔“

اعمال 1:11

تے آکھنڑ لگے ”گلیل دے مردو! تُساں کھڑے کھڑے اسمان دو کیوں ڈیدھے پئے ہیوے؟ اِیہو یسُوع جیہڑا تُہاڈے سامنڑے اسمان اُتے چا گِھدا گِیا ہے اِینویں ای ولا آسی جِینویں تُساں اُونکُوں اسمان دو ویندے ڈِٹھے۔“

اعمال 2:12

سبھ حیران تھئے تے پریشان تھی تے ہِک بئے کُوں آکھنڑ لگے، ”ایہ کیا تھیندا پئے؟“

اعمال 2:8

وَل ایہ کِینویں تھی سگدے جو ہر ہِک آپنڑے آپنڑے وطن دی بولی سُنڑدا پِیا ہے؟

اعمال 3:10

اُونکُوں پچھاݨ گِھدا جو ایہ تاں اُوہو ہے جیہڑا ہیکل دے خُوب صورت دروازے اُتے بہہ تے خیرات منگدا ہا، تے او جیہڑا اُوندے نال تھیّا ہا، اُوں تُوں بہُوں ای حیران تھئے۔