اعمال 2:4 - کِتاب مُقدّس سرائیکی ترجمہ

⁴ تے او سارے رُوح القُدس نال بھریج گئے تے مختلف زباناں بولنڑ لگے جِینویں رُوح اُنہاں کُوں قابلیت بخشی ہئی۔

اعمال 2:4 Iomraidhean Croise

متّی 10:19

پر جِیں ویلے او تُہاکُوں پکڑواوݨ تاں فِکر نہ کرائے جو اساں کِینویں تے کیا آکھوں کیوں جو جیہڑا کُجھ آکھنڑا ہوسی اُوں ویلے تُہاکُوں ڈسا ڈِتا ویسی۔

مرقس 16:17

تے اِیمان گِھن آوݨ آلیاں دے وچال ایہ معجزے تھیسن: او میڈے ناں نال بدرُوحاں کُوں کڈھیسن، نوِیاں نوِیاں زباناں بُولیسن،

لُوقا 1:15

کیوں جو او خُداوند دے حضُور ءچ بزُرگ ہوسی۔ او ہرگز نہ انگُور دی نہ کوئی بئی شراب پی سی، تے آپنڑی ماء دے پیٹ تُوں ای رُوح القُدس نال بھریج ویسی۔

لُوقا 1:41

جِینویں ای اِلیشِبَع مریم دا سلام سُنڑیا تاں بال اُوندے پیٹ ءچ اُچھل پِیا۔ اِلیشِبَع رُوح القُدس نال بھریج گئی

لُوقا 1:67

وَل اُوندا پِیُو زکریاہ رُوح القُدس نال بھریج گِیا تے نبُوّت کرݨ لگا،

لُوقا 12:12

کیوں جو رُوح القُدس اُونہی ویلے تُہاکُوں سِکھا ڈیسی جو کیا آکھنڑاں چاہیدا ہے۔“

لُوقا 21:15

کیوں جو مَیں تُہاکُوں ایجھی زبان تے حِکمت عطا کریساں جو تُہاڈا کوئی وی مخالف نہ تاں تُہاڈا سامنڑا کر سگسی تے نہ تُہاڈے گالھیں کُوں غلط ثابت کر سگسی۔

لُوقا 4:1

وَل یسُوع رُوح القُدس کنُوں بھریج تے یردن کنُوں وَل آیا تے رُوح دی ہدایت نال چالیہہ ڈینہہ تئیں بیابان ءچ پِھردا ریہا،

یُوحنّا 14:26

پر او مددگار یعنی رُوح القُدس جِینکُوں میڈا باپ میڈے ناں نال بھجیسی، اُوہو تُہاکُوں سارے گالھیں سکھیسی تے جیہڑا کُجھ مَیں تُہاکُوں آکھیا ہے، او سبھ تُہاکُوں یاد ڈیویسی۔

یُوحنّا 20:22

ایہ آکھ تے اُوں اُنہاں اُتے پُھونکا ڈِتا تے آکھیا، ”رُوح القُدس گِھنو۔

اعمال 1:5

کیوں جو یُوحنّا تاں پانڑی نال بپتسمہ ڈِتا پر تُساں تھوڑے ڈینہاں دے بعد رُوح القُدس نال بپتسمہ پےسو۔“

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 10:46

کیوں جو اُنہاں کُوں طرحاں طرحاں دیاں زباناں بُولیندے تے خُدا دی حمد کریندے سُنڑیا۔ وَل پطرس آکھیا،

اعمال 10:47

”جِینویں ساکُوں رُوح القُدس مِلیا، اِنہاں کُوں وی مِلیا ہے۔ کیا کوئی اِنہاں لوکاں کُوں پانڑی دا بپتسمہ گِھننڑ کنُوں روک سگدے؟“

اعمال 11:15

جِیں ویلے مَیں کلام کرݨ لگا تاں رُوح القُدس اُنہاں اُتے اِینویں نازل تھیّا جِینویں شروع ءچ ساڈے اُتے نازل تھیّا ہا۔

اعمال 11:24

او نیک بندہ ہا تے اِیمان تے رُوح القُدس نال بھریا ہویا ہا۔ تے بہُوں سارے لوک خُداوند دی کلیسیا ءچ شامل تھی گئے۔

اعمال 13:52

پر شاگرد خوشی تے رُوح القُدس نال معمُور تھیندے ریہے۔

اعمال 13:9

پر ساؤل جِیندا ناں پولُس وی ہے، رُوح القُدس نال بھریج تے اُوندے اُتے غور نال نِگاہ کیتی

اعمال 15:8

تے خُدا جیہڑا دِلاں دا حال جانڑدے، اُنہاں کُوں وی ساڈے آلی کار رُوح القُدس ڈے تے گواہی ڈِتی جو اُوں اُنہاں کُوں قبول کر گِھدے،

اعمال 19:6

جِیں ویلے پولُس اُنہاں اُتے ہتھ رکھے تاں رُوح القُدس اُنہاں اُتے نازل تھیّا تے او غیر زباناں بولنڑ تے نبُوّت کرݨ لگے۔

اعمال 2:11

بھانویں پیدائشی یہُودی بھانویں اُنہاں دے مُرید، تے کریتی تے عرب ہِن۔ پر اساں آپنڑی آپنڑی بولی ءچ اُنہاں کنُوں خُدا دے عظیم کماں دا بیان سُنڑدے ہیں۔“

اعمال 2:3

اُنہاں کُوں بھاہ دیاں لَمباں وانگُوں زباناں ڈِکھالی ڈِتیاں جیہڑیاں اَنج اَنج تھی تے اُنہاں ءچوں ہر ہِک اُتے آ تے کھڑ گئیاں۔

اعمال 4:31

جِیں ویلے اُنہاں دُعا کر گِھدی تاں او جاہ جِتھاں او جمع ہَن کمب گئی تے او سارے رُوح القُدس نال بھریج گئے تے او خُدا دا کلام جُرأت نال سُنڑاوݨ لگے۔

اعمال 4:8

وَل پطرس رُوح القُدس نال بھریج تے اُنہاں کُوں آکھیا، ”اُمت دے سردارو تے بزُرگو!

اعمال 6:3

اِیں واسطے بِھراؤ! آپنڑے ءچوں سَت نیک ناں بندے چُنڑ گِھنو جیہڑے رُوح القُدس تے دانائی نال بھرے ہووݨ جو اساں اُنہاں کُوں اِیں کم کیتے مقرر کرُوں۔

اعمال 6:5

ایہ گالھ ساری جماعت کُوں پسند آئی۔ بس اُنہاں ستِفُنس ناں دے ہِک بندے کُوں جیہڑا اِیمان تے رُوح القُدس نال بھریا ہویا ہا تے فِلپُس، پرُخُرس، نِیکانور، تِیمون، پرمناس تے نیکُلاؤس کُوں چُنڑ گِھدا۔ نیکُلاؤس انطاکِیہ دا نو مُرید یہُودی ہا۔

اعمال 6:8

ستِفُنس فضل تے قوت نال بھریا ہویا لوکاں ءچ وڈے وڈے عجیب کم تے معجزے ظاہر کریندا ہا۔

اعمال 7:55

پر ستِفُنس رُوح القُدس نال بھریج تے اسمان دو غور نال نِگاہ کیتی تے خُدا دے جلال تے یسُوع کُوں خُدا دے سجے پاسُوں کھڑا ڈیکھ تے

اعمال 8:17

وَل پطرس تے یُوحنّا اُنہاں اُتے ہتھ رکھے تے اُنہاں رُوح القُدس پایا۔

اعمال 9:17

بس حننیاہ وَنج تے اُوں گھر ءچ داخل تھیّا تے آپنڑے ہتھ اُوندے اُتے رکھ تے آکھیا ”بِھرا ساؤل! خُداوند یسُوع جیہڑا رستے ءچ تیڈے اُتے ظاہر تھیّا جِیں ویلے تُوں آندا پِیا ہَویں، اُوں میکُوں بھیجیا ہے جو تُوں ولا کنُوں ڈیکھ سگیں تے رُوح القُدس نال بھریج ونجیں۔“

رومیوں 15:13

خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

1کُرِنتھِیوں 12:10

کہیں کُوں معجزے ڈِکھاوݨ دی قُدرت، تے کہیں کُوں نبُوّت کرݨ دی، کہیں کُوں رُوحاں دا اِمتیاز کرݨ دی، کہیں کُوں طرحاں طرحاں دیاں زباناں بولنڑ دی، تے کہیں کُوں زباناں دا ترجمہ کرݨ دی توفیق مِلی ہے۔

1کُرِنتھِیوں 13:1

جے مَیں اِنساناں تے فرشتیاں دیاں زباناں بولاں پر محبت نہ رکھاں تاں مَیں صرف ٹن ٹن کریندا گھنٹا یا جھن جھن کریندی جھانجھ ہاں۔

1کُرِنتھِیوں 13:8

محبت کڈھائیں ختم نئیں تھیندی پر نبُوّتاں ختم تھی ویسن، غیر زباناں مُک ویسن تے علم ختم تھی ویسی۔

1کُرِنتھِیوں 14:18

مَیں خُدا دا شُکر کریندا ہاں جو مَیں تُہاڈے ءچوں سبھ تُوں زیادہ غیر زباناں بُولیندا ہاں۔

1کُرِنتھِیوں 14:5

مَیں چاہندا ہاں جو تُساں سارے غیر زباناں ءچ گالھیں کرو پر اِیں تُوں زیادہ ایہ چاہندا ہاں جو نبُوّت کرو۔ جے غیر زباناں بولنڑ آلا کلیسیا دی ترقی کیتے ترجمہ نہ کرے تاں نبُوّت کرݨ آلا اُوں کنُوں وڈا ہے۔

اِفِسیوں 3:19

یعنی مسیح دی محبت کُوں سمجھ سگو جیہڑی سمجھ کنُوں باہر ہے تاں جو تُساں خُدا دی ذات دیاں خُوبیاں نال بھریج ونجو۔

اِفِسیوں 5:18

شراب ءچ دُھت نہ تھیؤ کیوں جو ایہ بدکاری دو گِھن ویندی ہے بلکہ رُوح القُدس نال بھریندے راہو۔

اِفِسیوں 6:18

ہر ویلے رُوح القُدس ءچ ہر طرحاں نال دُعا تے مِنت کریندے راہو۔ تے اِیں مقصد کیتے جاگدے راہو تے سارے مُقدّساں کیتے ہر ویلے دُعا کریندے راہو۔

1 پطرس 1:12

رُوح القُدس نبیاں اُتے ایہ ظاہر کیتا جو ایہ گالھیں کریندے ہوئے او آپنڑی نئیں بلکہ تُہاڈی خدمت کریندے پئے ہِن تے ہُنڑ خوشخبری دی تبلیغ کرݨ آلیاں، اسمان کنُوں بھیجے ہوئے رُوح القُدس دی قُدرت نال تُہاکُوں ایہ گالھیں ڈسائیاں۔ ایہ گالھیں ایجھیاں ہِن جو فرشتے وی اِنہاں کُوں سمجھنڑ دی بہُوں سِک رکھیندے ہِن۔

2 پطرس 1:21

کیوں جو نبُوّت دی کوئی گالھ اِنسان دی خواہش نال کڈھائیں نئیں تھئی بلکہ بندے رُوح القُدس دی تحریک دے سببّوں خُدا دی طرفوں بُولیندے ہَن۔