اعمال 2:32 - کِتاب مُقدّس سرائیکی ترجمہ

³² خُدا یسُوع کُوں زندہ کیتا تے اساں سارے اِیں گالھ دے گواہ ہیں۔

اعمال 2:32 Iomraidhean Croise

اعمال 3:15

تُساں زندگی دے مالک کُوں قتل کر ڈِتا جِینکُوں خُدا مُردیاں ءچوں زندہ کیتا۔ اساں اِیندے گواہ ہیں۔

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 4:33

تے رسُول وڈی قُدرت نال خُداوند یسُوع دے مُردیاں ءچوں زندہ تھیوݨ دی گواہی ڈیندے ہَن۔ تے اُنہاں ساریاں اُتے خُدا دا وڈا فضل ہا

اعمال 2:24

پر خُدا اُونکُوں زندہ کر ڈِتا تے موت دے قبضے تُوں چُھڑایا کیوں جو ایہ ممکن نہ ہا جو او موت دے قبضہ ءچ راہندا۔

یُوحنّا 15:27

تے تُساں وی گواہی ڈیسو کیوں جو شروع کنُوں میڈے نال ہیوے۔“

اعمال 3:26

خُدا آپنڑے خادم یسُوع کُوں زندہ کر تے پہلے تُہاڈے کولھ بھیجیا تاں جو تُہاڈے ءچوں ہر ہِک کُوں اُوندیاں بدکاریاں تُوں ہٹا تے برکت ڈیوے۔“

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

اعمال 5:30

ساڈے پِیُو ڈاڈا دے خُدا، یسُوع کُوں مُردیاں ءچوں زندہ کیتا جِینکُوں تُساں صلیب اُتے چڑھا تے مار ڈِتا ہا۔

اعمال 13:30

پر خُدا اُونکُوں مُردیاں ءچوں زندہ کر ڈِتا۔

اعمال 13:33

جو خُدا یسُوع کُوں زندہ کر تے اُنہاں دی اولاد یعنی ساڈے کیتے اُونہی وعدہ کُوں پُورا کیتا۔ جِینویں ڈُوجھے زبُور ءچ لِکھیا ہے جو ’تُوں میڈا پوتر ہیں، اَج مَیں تیڈا باپ بنڑیا۔‘

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

1کُرِنتھِیوں 6:14

تے خُدا آپنڑی قُدرت نال ساکُوں وی زندہ کریسی جِینویں خُداوند یسُوع کُوں زندہ کیتا۔

1کُرِنتھِیوں 15:15

تے اساں خُدا دے کُوڑے گواہ ثابت تھئے کیوں جو اساں گواہی ڈِتی ہے جو مسیح کُوں خُدا مُردیاں ءچوں زندہ کیتے۔ پر جے حقیقت ءچ مُردے زندہ نئیں تھیندے تاں خُدا اُونکُوں زندہ نئیں کیتا۔

2کُرِنتھِیوں 4:14

کیوں جو اساں جانڑدے ہیں جو خُداوند یسُوع کُوں مُردیاں ءچوں زندہ کرݨ آلا ساکُوں وی یسُوع دے وسیلے زندہ کریسی تے تُہاڈے نال آپنڑے سامنڑے حاضر کریسی۔

گلتِیوں 1:1

ایہ خط میں پولُس رسُول دی طرفوں ہے۔ مَیں نہ تاں اِنساناں دی طرفوں، نہ کہیں بندے دے وسیلے رسُول مقرر کیتا گِیا بلکہ یسُوع المسیح تے خُدا باپ دے وسیلے جئیں یسُوع مسیح کُوں مُردیاں ءچوں زندہ کیتا۔

اِفِسیوں 1:20

جِیندے نال اُوں مسیح کُوں مُردیاں ءچوں زندہ کر تے اسمان اُتے آپنڑے سجے پاسے بِلھایا،

کلُسِّیوں 2:12

جِیں ویلے تُساں بپتسمہ گِھدا تاں تُساں مسیح دے نال دفن تھی گئے، تے تُساں اُوندے نال زندہ وی کیتے گئے کیوں جو تُساں خُدا دی قُدرت اُتے اِیمان گِھن آئے جئیں مسیح کُوں مُردیاں ءچوں زندہ کیتا۔

عبرانیوں 13:20

اِطمینان دا خُدا جئیں اُوں ابدی عہد قائم کرݨ آلے خون دے ذریعے بھیڈاں دے عظیم آجڑی یعنی ساڈے خُداوند یسُوع کُوں مُردیاں ءچوں زندہ کیتا،

1 پطرس 1:21

تُساں مسیح دے وسیلے نال خُدا اُتے اِیمان گِھن آئے ہیوے، جئیں اُونکُوں مُردیاں ءچوں زندہ کیتا تے جلال بخشیا تاں جو تُہاڈا اِیمان تے تُہاڈی اُمید خُدا اُتے ہووے۔