اعمال 2:23 - کِتاب مُقدّس سرائیکی ترجمہ

²³ جِیں ویلے او خُدا دے پہلے کنُوں بنڑائے منصوبے تے علم دے مطابق پکڑوایا گِیا تاں تُساں اُونکُوں بدکار لوکاں دے ہتُھوں صلیب اُتے چڑھا تے قتل کر ڈِتا۔

اعمال 2:23 Iomraidhean Croise

متّی 20:19

تے اُونکُوں غیر قوماں دے حوالے کریسن تاں جو او اُوندا مذاق اُڈاوݨ، کوڑے مارݨ تے مصلُوب کرݨ۔ پر او تریجھے ڈینہہ زندہ تھی ویسی۔“

متّی 26:24

اِبنِ آدم تاں جِینویں اُوندے حق ءچ لِکھیا ہے ویندا ای ہے، پر اُوں بندے اُتے افسوس جیندے ذریعے اِبنِ آدم پکڑوایا ویندے۔ اُوندے کیتے چنگا ہا جو او پیدا ای نہ تھیندا۔“

متّی 27:35

سپاہیاں یسُوع کُوں مصلُوب کیتا تے پرچی پا تے اُوندے کپڑے آپس ءچ وَنڈ گِھدے۔

مرقس 15:24

تے اُنہاں اُونکُوں مصلُوب کیتا تے پرچی پا تے اُوندے کپڑے آپس ءچ وَنڈ گِھدے۔

لُوقا 22:22

اِبنِ آدم تاں جِینویں اُوندے حق ءچ پہلے کنُوں مقرر ہے ویندے، پر اُوں بندے اُتے افسوس جیندے ذریعے پکڑوایا ویندے۔“

لُوقا 22:37

کیوں جو مَیں تُہاکُوں آدھا ہاں جو ایہ نوِشتہ جو ’او بدکاراں ءچ شمار کیتا گِیا،‘ اُوندا میڈے حق ءچ پُورا تھیوݨ ضرور ہے۔ اِیں واسطے ہر او گالھ جیہڑی میڈے کیتے ہے پُوری تھیوݨ آلی ہے۔“

لُوقا 23:33

جِیں ویلے او اُوں جاہ اُتے پُجے جِینکُوں کھوپڑی آدھے ہِن تاں اُنہاں اُتھاں اُونکُوں صلیب چڑھا ڈِتا تے اُنہاں ڈُو مُجرماں کُوں وی، ہِک کُوں سجے پاسُوں تے ڈُوجھے کُوں کھبے پاسُوں۔

لُوقا 24:20

سردار کاہِناں تے ساڈے حاکماں اُونکُوں پکڑوا ڈِتا تاں جو اُوندے قتل دا حُکم ڈِتا ونجے، تے اُونکُوں صلیب چڑھا ڈِتا۔

یُوحنّا 19:18

اُتھاں اُنہاں اُونکُوں تے اُوندے نال ڈُو بئے بندیاں کُوں وی صلیب اُتے چڑھا ڈِتا، ہِک کُوں سجے پاسُوں تے ڈُوجھے کُوں کھبے پاسُوں تے یسُوع کُوں اَدھ ءچ۔

یُوحنّا 19:24

اُنہاں آپس ءچ آکھیا، ”اِیندے ٹوٹے نہ کرُوں بلکہ اِیندے اُتے پرچی پا تے ڈیدھے ہیں جو ایہ کیندے حصہ ءچ آندے۔“ ایہ اِیں واسطے تھیّا جو او نوِشتہ پُورا تھیوے جو ”اُنہاں میڈی پُشاک آپس ءچ وَنڈ گِھدی تے میڈے کپڑیاں اُتے پرچی پاتی۔“ تے سپاہیاں اِینویں ای کیتا۔

اعمال 13:27

کیوں جو یروشلیم دے راہنڑ آلیاں تے اُوندے سرداراں یسُوع کُوں نہ سُنجانڑیا تے نہ نبیاں دیاں گالھیں سمجھیاں جیہڑیاں ہر سبت کُوں سُنڑائیاں ویندیاں ہِن۔ اِیں واسطے اُوندے اُتے سزا دا حُکم ڈے تے اُنہاں کُوں پُورا کیتا۔

اعمال 15:18

جیہڑا دُنیا دے شروع تُوں اِنہئی گالھیں دی خبر ڈیندا آیا ہے۔

اعمال 2:36

بس اِسرائیل دا سارا خاندان جاݨ گِھنے جو خُدا اُوں یسُوع کُوں جِینکُوں تُساں صلیب چڑھایا، خُداوند وی بنڑایا تے المسیح وی۔“

اعمال 3:18

پر خُدا او سارے گالھیں جیہڑیاں اُوں آپنڑے نبیاں دی زبانی آکھیاں ہَن جو اُوندا مسیح ڈُکھ چیسی، اِیں طرحاں پُوریاں کیتیاں۔

اعمال 4:28

تاں جو جیہڑا کُجھ تیڈی قُدرت تے اِرادہ دے مطابق پہلے ای مقرر کر ڈِتا گِیا ہا اُوہو تھیوے۔

اعمال 5:28

”اساں تاں تُہاکُوں سخت تاکید کیتی ہئی جو ایہ ناں گِھن تے تعلیم نہ ڈیوائے پر ڈیکھو تُساں سارے یروشلیم ءچ آپنڑی تعلیم پھیلا ڈِتی تے اُوں بندے دا خون ساڈی گردن اُتے رکھنڑ چاہندے ہیوے۔“

اعمال 5:30

ساڈے پِیُو ڈاڈا دے خُدا، یسُوع کُوں مُردیاں ءچوں زندہ کیتا جِینکُوں تُساں صلیب اُتے چڑھا تے مار ڈِتا ہا۔

اعمال 7:52

نبیاں ءچوں کِینکُوں تُہاڈے پِیُو ڈاڈا نئیں ستایا؟ اُنہاں تاں اُوں راستباز [یعنی المسیح] دے آوݨ دی خبر ڈیوݨ آلے کُوں قتل کر ڈِتا تے ہُنڑ تُساں اُوندے پکڑواوݨ آلے تے قاتل تھئے۔

رومیوں 2:12

جیہڑے لوکاں کُوں شریعت نئیں مِلی تے گُناہ کریندے ہِن، او شریعت دے بغیر ہلاک تھیسن تے او جِنہاں کولھ شریعت ہے تے گُناہ کریندے ہِن، اُنہاں کُوں شریعت دے مطابق سزا مِلسی۔

رومیوں 4:17

جِینویں لِکھیا ہے جو ”مَیں تیکُوں بہُوں ساریاں قوماں دا پِیُو مقرر کیتے۔“ ابرہام خُدا دی نِگاہ ءچ ساڈا پِیُو ہے جیندے اُتے او اِیمان رکھیندا ہا تے جیہڑا مُردیاں کُوں زندہ کریندے تے غیر موجود چیزاں کُوں اِینویں سڈ گِھندے جِینویں او موجود ہِن۔

1تھِسّلُنیکیوں 2:15

یہُودیاں خُداوند یسُوع کُوں تے نبیاں کُوں وی مار سٹیا تے ساکُوں وی بہُوں ستایا۔ او لوک خُدا کُوں پسند نئیں، تے سارے لوکاں دے دُشمنڑ ہِن،

1 پطرس 1:2

خُدا باپ تُہاکُوں ازلی علم دے مطابق چُنڑ گِھدا تے اُوندے رُوح تُہاکُوں مخصوص تے مُقدّس کیتا۔ نتیجے ءچ تُساں یسُوع مسیح دی فرمانبرداری کریندے ہیوے تے اُوندے چِھنڈکے گئے خون نال پاک صاف تھی گئے ہیوے۔ تُہاکُوں ڈھیر سارا فضل تے اِطمینان حاصل تھیندا راہوے۔

1 پطرس 1:20

خُدا مسیح کُوں دُنیا بنڑاوݨ تُوں پہلے مقرر کیتا پر تُہاڈے کیتے اُونکُوں اِیں آخری زمانے ءچ ظاہر کیتا۔

1 پطرس 2:8

تے او ”تُھڈا لواوݨ دا ہِک پتھر تے ٹھوکر کھواوݨ دی ہِک چٹان بنڑ گِیا۔“ او کلام اُتے اِیمان نہ گِھن آوݨ دی وجہ کنُوں تُھڈا کھاندے ہِن۔ تے اِیہو کُجھ اُنہاں دا مُقدر وی ہا۔

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔

مُکاشفہ 13:8

زمین دے سبھ راہنڑ آلے اُوں حیوان دی عبادت کریسن، یعنی او سبھ جِنہاں دے ناں دُنیا دے شروع تُوں اُوں لیلے دی کتاب ِ حیات ءچ نئیں لِکھے گئے جیہڑا ذبح تھئے۔