اعمال 2:22 - کِتاب مُقدّس سرائیکی ترجمہ

²² اِسرائیلیو! سُنڑو، یسُوع ناصری ایجھا بندہ ہا جیندے ذریعے خُدا تُہاڈے وچال معجزے، عجیب کم تے نشان ڈِکھا تے ثابت کیتا جو او خُدا دی طرفوں ہا۔ تُساں آپ ای ایہ گالھ جانڑدے ہیوے۔

اعمال 2:22 Iomraidhean Croise

متّی 12:28

پر جے مَیں خُدا دی رُوح دی مدد نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آݨ پُجی۔

متّی 2:23

اُتھاں پُج تے ناصرت ناں دے شہر ءچ راہنڑ لگا۔ تے جیہڑی گالھ نبی دی معرفت فرمائی گئی ہئی او پُوری تھئی جو ”او ناصری اکھویسی۔“

متّی 9:8

لوک ایہ ڈیکھ تے ڈر گئے تے خُدا دی حمد کرݨ لگے جئیں اِنسان کُوں ایجھا اِختیار بخشیا۔

لُوقا 11:20

پر جے مَیں خُدا دی قُدرت نال بدرُوحاں کُوں کڈھیندا ہاں تاں خُدا دی بادشاہی تُہاڈے کولھ آݨ پُجی۔

لُوقا 18:37

اُنہاں اُونکُوں خبر ڈِتی جو ”یسُوع ناصری ویندا پِیا ہے۔“

لُوقا 24:18

وَل او جِیندا ناں کلِیُپاس ہا، اُونکُوں آکھنڑ لگا، ”کیا تُوں یروشلیم شہر ءچ کلھا پردیسی ہیں جیہڑا نئیں جانڑدا جو اِنہاں ڈینہاں ءچ کیا تھئے؟“

یُوحنّا 1:45

فِلپُس، نتن ایل کُوں مِلیا تاں اُونکُوں آکھنڑ لگا جو ”جِیندا ذِکر مُوسیٰ توریت ءچ تے نبیاں صحائف ءچ کیتے، او ساکُوں مِل گِیا ہے۔ او یُوسف دا پوتر یسُوع ناصری ہے۔“

یُوحنّا 10:37

جے مَیں آپنڑے باپ دے کم نہ کراں تاں میڈا یقین نہ کرو۔

یُوحنّا 11:47

وَل سردار کاہِناں تے فریسیاں صدر عدالت دا کٹھ کیتا تے آکھنڑ لگے، ”اساں کیا کریندے ہیں؟ ایہ بندہ تاں بہُوں معجزے ڈکھیندا ہے۔

یُوحنّا 12:17

او لوک جیہڑے یسُوع دے نال ہَن جِیں ویلے اُوں اواز ڈے تے لعزر کُوں قبر ءچوں باہر سڈیا، تے مُردیاں ءچوں زندہ کیتا، اِیں گالھ دی گواہی ڈیندے ریہے۔

یُوحنّا 15:24

جے مَیں اُنہاں ءچ او کم نہ کریندا جیہڑے کہیں ڈُوجھے نئیں کیتے تاں او گُنہگار نہ ہوندے پر ہُنڑ اُنہاں ایہ سبھ ڈِٹھا تے وَل وی میڈے تے میڈے باپ ڈوہائیں نال نفرت کیتی ہے۔

یُوحنّا 19:19

تے پِیلاطُس ہِک تختی اُتے لِکھوا تے صلیب اُتے لٹکا ڈِتی۔ اُوندے اُتے ایہ لِکھیا ہا ”یسُوع ناصری یہُودیاں دا بادشاہ۔“

یُوحنّا 3:2

او رات دے ویلے یسُوع دے کولھ آ تے آکھنڑ لگا، ”ربّی! اساں جانڑدے ہیں جو تُساں خُدا دی طرفوں آئے ہوئے اُستاد ہیوے کیوں جو جیہڑے معجزے تُساں ڈکھیندے ہیوے، کوئی نئیں ڈِکھا سگدا جئیں تئیں خُدا اُوندے نال نہ ہووے۔“

یُوحنّا 4:48

یسُوع اُونکُوں آکھیا، ”جئیں تئیں تُساں لوک معجزہ تے عجیب کم نہ ڈیکھ گِھنو، اصلُوں اِیمان نہ گِھن آسو۔“

یُوحنّا 5:36

پر میڈے کولھ یُوحنّا دی گواہی کنُوں وڈی گواہی ہے، کیوں جو جیہڑے کم باپ میکُوں کرݨ کیتے ڈِتے یعنی جیہڑے مَیں کریندا ہاں او میڈے گواہ ہِن جو باپ میکُوں بھیجیا ہے۔

یُوحنّا 6:14

بس لوک یسُوع دا ایہ معجزہ ڈیکھ تے آکھنڑ لگے، ”یقیناً اِیہو او نبی ہے جیہڑا دُنیا ءچ آوݨ آلا ہا۔“

یُوحنّا 6:27

فانی خوراک کیتے محنت نہ کرو بلکہ اُوندے کیتے جیہڑی ہمیشاں دی زندگی تئیں باقی راہندی ہے جیہڑی اِبنِ آدم تُہاکُوں عطا کریسی۔ کیوں جو خُدا باپ اُونہی اُتے مُہر کیتی ہے۔“

یُوحنّا 7:31

پر بِھیڑ ءچوں بہُوں سارے اُوندے اُتے اِیمان گِھن آئے تے آکھنڑ لگے جو ”جِیں ویلے المسیح آسی تاں کیا او اِیں بندے کنُوں زیادہ معجزے ڈکھیسی؟“

یُوحنّا 9:33

جے ایہ بندہ خُدا دی طرفوں نہ ہوندا تاں کُجھ نہ کر سگدا۔“

اعمال 13:16

بس پولُس کھڑا تھی تے ہتھ نال اِشارہ کر تے آکھیا، ”اِسرائیلیو تے خُدا دا خوف مننڑ آلیو! سُنڑو۔

اعمال 14:27

اُتھاں پُج تے اُنہاں کلیسیا کُوں کٹھا کر تے او سبھ ڈسایا جیہڑا کُجھ خُدا اُنہاں دے ذریعے کیتا ہا تے ایہ جو اُوں غیر قوماں کیتے اِیمان دا دروازہ کھول ڈِتے۔

اعمال 2:19

مَیں اسمان اُتے عجیب کم تے تلے زمین اُتے نشانیاں ڈِکھیساں یعنی خون تے بھاہ تے گھاٹا دُھواں۔

اعمال 2:43

ہر بندے اُتے خوف چھا گِیا تے رسُولاں دے ذریعے بہُوں سارے معجزے تے عجیب کم، ظاہر تھیندے ہَن۔

اعمال 21:28

چیخنڑ لگے جو ”اِسرائیلیو! ساڈی مدد کرو۔ اِیہو بندہ ہے جیہڑا ہر جاہ لوکاں کُوں ساڈے خلاف، ساڈی شریعت دے خلاف تے اِیں ہیکل دے خلاف تعلیم ڈیندا ہے۔ اِیندے علاوہ اُوں یُونانیاں کُوں وی ہیکل ءچ گِھن آ تے اِیں پاک جاہ کُوں ناپاک کر ڈِتے۔“

اعمال 22:8

مَیں پُچھیا، ’اے خُداوند! تُساں کوݨ ہیوے؟‘ اُوں آکھیا، ’مَیں یسُوع ناصری ہاں جِینکُوں تُوں سَتیندیں۔‘

اعمال 24:5

اساں ڈِٹھے جو ایہ بندہ بہُوں خطرناک ہے۔ ایہ دُنیا دے سارے یہُودیاں ءچ فساد پیدا کریندے تے ناصری دے بِدعتی فرقہ دا راہنما ہے۔

اعمال 26:26

بادشاہ اِنہاں گالھیں تُوں واقف ہے تے مَیں اُوندے نال کُھل تے گالھ کر سگدا ہاں۔ میکُوں یقین ہے جو اِنہاں گالھیں ءچوں کوئی وی اُوں کنُوں لُکی نئیں کیوں جو ایہ قصہ کہیں کونے ءچ نئیں تھیّا۔

اعمال 26:9

ہِک وقت ہا جڈاں مَیں یسُوع ناصری دے ناں دی ہر طرحاں مخالفت کرݨ آپنڑا فرض سمجھدا ہم۔

اعمال 3:12

پطرس ایہ ڈیکھ تے لوکاں کُوں آکھیا، ”اِسرائیلیو! تُساں اِیں اُتے کیوں حیران تھیندے ہیوے تے ساکُوں اِینویں کیوں ڈیدھے پئے ہیوے جِینویں اساں آپنڑی قُدرت یا دینداری دے سببّوں اِیں منڈے کُوں ٹُرݨ پِھرݨ دے لائق بنڑا ڈِتے؟

اعمال 3:6

پطرس آکھیا، ”چاندی، سونا تاں میڈے کولھ نئیں پر جیہڑا کُجھ میڈے کولھ ہے مَیں تیکُوں ڈے ڈیندا ہاں۔ یسُوع مسیح ناصری دے ناں نال اُٹھی، تے ٹُر پِھر۔“

اعمال 4:10

تاں تُساں تے ساری اِسرائیلی قوم ایہ جاݨ گِھنے جو یسُوع مسیح ناصری دے ناں نال جِینکُوں تُساں صلیب اُتے چڑھا ڈِتا تے جِینکُوں خُدا مُردیاں ءچوں زندہ کیتا، ایہ بندہ تُہاڈے سامنڑے تندرُست کھڑا ہے۔

اعمال 5:35

وَل اُنہاں کُوں آکھیا، ”اِسرائیلیو! اِنہاں بندیاں دے نال جیہڑا کُجھ کرݨ چاہندے ہیوے، ہوشیاری نال کرائے،

اعمال 6:14

کیوں جو اساں اُونکُوں ایہ آدھے سُنڑیا ہے جو اِیہو یسُوع جیہڑا ناصرۃ دا ہے، اِیں مقام کُوں برباد کر ڈیسی تے اُنہاں رسماں کُوں بدل ڈیسی، جیہڑیاں مُوسیٰ ساکُوں ڈِتیاں ہِن۔“

2کُرِنتھِیوں 12:12

مَیں بہُوں صبر نال، تے نشاناں تے عجیب کماں تے معجزیاں دے وسیلے نال تُہاڈے وچال رسُول ہووݨ دے ثبوت ظاہر کریندا ریہا۔

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔