اعمال 19:11 - کِتاب مُقدّس سرائیکی ترجمہ

¹¹ تے خُدا پولُس دے ہتُھوں وڈے وڈے معجزے ڈکھیندا ہا۔

اعمال 19:11 Iomraidhean Croise

یُوحنّا 14:12

مَیں تُہاکُوں سچ آدھا ہاں جو جیہڑا میڈے اُتے اِیمان رکھیندے او وی اُوہو کم کریسی جیہڑے مَیں کریندا ہاں بلکہ اِنہاں کنُوں وی وڈے کم کریسی کیوں جو مَیں باپ دے کولھ ویندا ہاں۔

اعمال 14:3

بس پولُس تے برنباس اُتھاں بہُوں عرصے تئیں ریہے تے خُداوند دے بھروسے تے دلیری نال کلام کریندے ہَن۔ خُداوند اُنہاں معجزیاں تے عجیب کماں دے ذریعے جیہڑے اُنہاں دے ہتُھوں تھیندے ہَن، آپنڑے فضل دے کلام کُوں برحق ثابت کریندا ریہا۔

اعمال 15:12

وَل ساری جماعت چُپ ریہی تے پولُس تے برنباس دا بیان سُنڑݨ لگی جو خُدا اُنہاں دے ذریعے غیر قوماں ءچ کیجھے کیجھے معجزے تے عجیب کم ظاہر کیتے۔

اعمال 16:18

او بہُوں ڈینہاں تئیں اِینویں ای کریندی ریہی۔ آخر پولُس بہُوں تنگ تھی گِیا تے اُوں مُڑ تے بدرُوح کُوں آکھیا جو ”مَیں تیکُوں یسُوع مسیح دے ناں نال حُکم ڈیندا ہاں جو اِیندے ءچوں نِکل وَنج۔“ تے اُونہی ویلے او بدرُوح اُوں چھوہیر ءچوں نِکل گئی۔

اعمال 5:12

تے رسُولاں دے ہتُھوں بہُوں سارے معجزے تے عجیب کم لوکاں ءچ تھیندے ہَن۔ تے سارے اِیماندار ہِک دل تھی تے سُلیمان دے برانڈے ءچ جمع تھیندے ہَن۔

اعمال 8:13

تے شمعون خود وی یقین کیتا تے بپتسمہ گِھن تے فِلپُس نال تھی پِیا تے نشان تے وڈے وڈے معجزے تھیندے ڈیکھ تے حیران تھیّا۔

گلتِیوں 3:5

خُدا جیہڑا تُہاکُوں رُوح القُدس بخشیندا تے معجزے ظاہر کریندا ہے۔ کیا او ایہ اِیں واسطے کریندے جو تُساں شریعت اُتے عمل کریندے ہیوے یا اِیں واسطے جو تُساں پیغام سُنڑ تے اِیمان گِھن آئے ہیوے؟

عبرانیوں 2:4

نال ای خُدا آپنڑی مرضی دے مطابق نشاناں، عجیب کماں، قِسم قِسم دے معجزیاں تے رُوح القُدس دیاں ونڈیاں ہوئیاں نعمتاں دے ذریعے خود وی اُوندی گواہی ڈیندا ریہا۔