اعمال 17:7 - کِتاب مُقدّس سرائیکی ترجمہ

⁷ تے یاسون اُنہاں کُوں آپنڑے گھر ءچ ٹِکایا ہے۔ ایہ سبھ لوک رومی بادشاہ قیصر دے حُکماں دی مخالفت کریندن تے آدھے ہِن جو بادشاہ تاں کوئی بِیا ای ہے جِیندا ناں یسُوع ہے۔“

اعمال 17:7 Iomraidhean Croise

لُوقا 10:38

وَل جِیں ویلے او ویندے پئے ہَن تاں یسُوع ہِک وستی ءچ داخل تھیّا تے مَرتھا ناں دی ہِک عورت اُونکُوں آپنڑے گھر ءچ ٹِکایا۔

لُوقا 23:2

تے اُنہاں اُوندے اُتے اِلزام لاوݨ شروع کیتا جو ”اساں اِیں بندے کُوں آپنڑی قوم کُوں ورغلیندے تے رومی بادشاہ قیصر کُوں ٹیکس ڈیوݨ کنُوں منع کریندے تے آپنڑے آپ کُوں المسیح بادشاہ آدھے ڈِٹھے۔“

یُوحنّا 19:12

اِیندے بعد پِیلاطُس اُونکُوں چھوڑ ڈیوݨ دی کوشش کیتی پر یہُودی چیخ چیخ تے آکھنڑ لگے جو ”جے تُوں اِیں بندے کُوں چھوڑ ڈیسیں تاں تُوں رومی بادشاہ قیصر دا خیر خواہ نئیں۔ جیہڑا کوئی آپنڑے بادشاہ ہووݨ دا اعلان کریندے تاں او قیصر دا مخالف ہے۔“

اعمال 16:21

تے ایجھے رسماں دی تعلیم ڈیندے ہِن جِنہاں کُوں مننڑا تے اُنہاں اُتے عمل کرنڑا اساں رومیاں کُوں اصلُوں جائز نئیں۔“

اعمال 17:5

پر یہُودیاں حسد دے سببّوں بازاری لوکاں ءچوں کُجھ بدمعاشاں کُوں آپنڑے نال گِھدا تے شہر ءچ ہنگامہ شروع کر ڈِتا تے یاسون دے گھر اُتے حملہ کر ڈِتا کیوں جو پولُس تے سِیلاس کُوں لوکاں دے سامنڑے گِھن آوݨ چاہندے ہَن۔

اعمال 17:8

ایہ گالھ سُنڑ تے عوام تے شہر دے حاکم گھبرا گئے۔

یعقُوب 2:25

اِینویں ای کیا راحب طوائف آپنڑے اعمال دی وجہ تُوں راستباز نہ کھڑائی گئی جڈاں اُوں جاسُوساں کُوں پناہ ڈِتی تے ڈُوجھے رستے کنُوں بھیج ڈِتا؟

1 پطرس 2:15

کیوں جو خُدا دی مرضی ایہ ہے جو تُساں نیکی کر تے جہالت دے گالھیں کرݨ آلے ناسمجھ لوکاں دے مُنہ بند کر ڈیؤ۔