اعمال 17:5 - کِتاب مُقدّس سرائیکی ترجمہ

⁵ پر یہُودیاں حسد دے سببّوں بازاری لوکاں ءچوں کُجھ بدمعاشاں کُوں آپنڑے نال گِھدا تے شہر ءچ ہنگامہ شروع کر ڈِتا تے یاسون دے گھر اُتے حملہ کر ڈِتا کیوں جو پولُس تے سِیلاس کُوں لوکاں دے سامنڑے گِھن آوݨ چاہندے ہَن۔

اعمال 17:5 Iomraidhean Croise

متّی 27:18

کیوں جو اُونکُوں پتہ ہا جو اُنہاں اُونکُوں حسد نال پکڑوائے۔

اعمال 13:45

پر یہُودی اِتی بِھیڑ ڈیکھ تے حسد نال بھریج گئے تے پولُس دے گالھیں دی مخالفت کرݨ تے بُرا بھلا آکھنڑ لگے۔

اعمال 14:19

وَل کُجھ یہُودی انطاکِیہ تے اکُنیُم تُوں آئے تے لوکاں کُوں آپنڑے نال مِلا تے پولُس کُوں سنگسار کر ڈِتا تے اُونکُوں مُردہ سمجھ تے شہر تُوں باہر گِھیل تے گِھن گئے۔

اعمال 14:2

پر جیہڑے یہُودی اِیمان نہ گِھن آئے ہَن، اُنہاں یہُودیاں، غیریہُودیاں کُوں بھڑکایا تے اُنہاں دی سوچ مسیحی بِھرانواں دے خلاف کر ڈِتی۔

اعمال 17:13

جِیں ویلے تھِسّلُنِیکے دے یہُودیاں کُوں پتہ لگیا جو پولُس بیرِیہ ءچ خُدا دے کلام دی تبلیغ کریندا پِیا ہے تاں او اُتھاں وی آ پُجے تے لوکاں کُوں ہنگامہ کرݨ اُتے اُکساوݨ لگے۔

اعمال 17:6

پر جِیں ویلے اُنہاں کُوں او نہ مِلے تاں یاسون تے بہُوں سارے ڈُوجھے مسیحی بِھرانواں کُوں گِھیل تے شہر دے حاکماں دے کولھ گِھن گئے تے چیخ تے آکھیا ”او بندے جِنہاں ساری دُنیا کُوں اُلٹ پُلٹ کر ڈِتے، ہُنڑ اِتھاں وی آ گئے ہِن،

اعمال 17:7

تے یاسون اُنہاں کُوں آپنڑے گھر ءچ ٹِکایا ہے۔ ایہ سبھ لوک رومی بادشاہ قیصر دے حُکماں دی مخالفت کریندن تے آدھے ہِن جو بادشاہ تاں کوئی بِیا ای ہے جِیندا ناں یسُوع ہے۔“

اعمال 17:9

تے اُنہاں یاسون تے باقی مسیحی لوکاں کُوں ضمانت اُتے چھوڑ ڈِتا۔

اعمال 18:12

جِیں ویلے گلیّو اَخیہ دا گورنر ہا تاں یہُودیاں رَل تے پولُس اُتے ہَلہ بول ڈِتا تے اُونکُوں پکڑ تے عدالت ءچ گِھن گئے،

اعمال 19:40

ساکُوں تاں خطرہ ہے جو اَج دے ہنگامے دے مُجرم نہ کھڑائے ونجُوں کیوں جو اِیں تماشے دے بارے ءچ ساڈے کولھ کوئی جواب نئیں۔“

اعمال 7:9

بزُرگاں حسد ءچ آ تے یُوسف کُوں مِصریاں دے ہتھ ویچ ڈِتا۔ پر خُدا اُوندے نال ہا،

رومیوں 16:21

میڈا ہم خدمت تِیمُتِھیُس تے میڈی قوم آلے لُوکِیُس، یاسون تے سوسِپطرُس تُہاکُوں سلام آدھے ہِن۔

1کُرِنتھِیوں 3:3

تُساں اجنڑ تئیں جِسمانی لوکاں وانگُوں زندگی گُزریندے پئے ہیوے۔ کیوں جو تُہاڈے ءچ حسد تے جھیڑے ہِن تاں کیا تُساں دُنیاوی نئیں؟ کیا تُساں اِنسانی طور طریقے اُتے نئیں چلدے پئے؟

2کُرِنتھِیوں 11:26

مَیں لگاتار سفر ءچ ریہا، دریا دے خطریاں ءچ، ڈاکواں دے خطریاں ءچ، آپنڑی قوم آلیاں دے خطریاں ءچ، غیر قوماں دے خطریاں ءچ، شہر دے خطریاں ءچ، بیابان دے خطریاں ءچ، سمندر دے خطریاں ءچ، تے کُوڑے اِیمانداراں دے خطریاں ءچ ریہا۔

گلتِیوں 5:21

بُغض، نشہ بازی، نچنڑ ٹپنڑ تے اِنہاں جِیہے بئے کم۔ اِنہاں گالھیں دے بارے ءچ مَیں پہلے تُہاکُوں آکھیا ہا تے ہُنڑ ولا آدھا ہاں، جو ایجھے کم کرݨ آلے خُدا دی بادشاہی دے وارث نہ ہوسن۔

گلتِیوں 5:26

اساں غیر مناسب فخر، ہِک ڈُوجھے کُوں بھڑکاوݨ تے ہِک ڈُوجھے کنُوں حسد کرݨ چھوڑ ڈیؤں۔

1تھِسّلُنیکیوں 1:6

بھانویں سخت مُصیبت آئی، وَل وی تُساں کلام کُوں رُوح القُدس دی ڈِتی ہوئی خوشی نال قبول کر تے ساڈے تے خُداوند دے نمونے اُتے چلنڑ آلے بنڑ گئے۔

یعقُوب 4:5

کیا تُساں ایہ سوچیندے ہیوے جو خُدا دا کلام بے مقصد فرمیندے جو خُدا اُوں رُوح کیتے جیہڑا اُوں ساڈے دِلاں ءچ وسایا ہے غیرت رکھیندا ہے ؟