اعمال 16:3 - کِتاب مُقدّس سرائیکی ترجمہ

³ پولُس اُونکُوں سفر ءچ آپنڑے نال گِھن ونجنڑ چاہندا ہا اِیں واسطے اُوں اُوندا ختنہ کر ڈِتا کیوں جو اُوں علاقے دے سارے یہُودی جانڑدے ہَن جو اُوندا پِیُو یُونانی ہے۔

اعمال 16:3 Iomraidhean Croise

اعمال 15:20

پر اُنہاں کُوں خط لِکھ تے ایہ ڈساؤں جو او بُتاں کُوں نذر کیتیاں ہوئیاں چیزاں تے حرام کاری تے گَل گُھٹ تے مارے ہوئے جانوراں تے خون کنُوں پرہیز کرݨ۔

اعمال 15:37

برنباس، یُوحنّا کُوں جیہڑا مرقس اکھویندا ہے، نال گِھننڑ چاہندا ہا۔

اعمال 15:40

پر پولُس سِیلاس کُوں نال گِھن گِھدا تے بِھرانواں کنُوں خُداوند دے فضل دے سپُرد تھی تے اُتھوں روانہ تھیّا۔

1کُرِنتھِیوں 7:19

ختنہ کراوݨ یا نہ کراوݨ کوئی خاص گالھ نئیں بلکہ خُدا دے حُکماں اُتے عمل کرݨ ای سبھ کُجھ ہے۔

1کُرِنتھِیوں 9:20

یہُودیاں دے وچال مَیں آپنڑے آپ کُوں یہُودیاں آلی کار بنڑایا تاں جو یہُودیاں کُوں گِھن آواں۔ شریعت دے مننڑ آلیاں دے وچال شریعت دا مننڑ آلا بنڑیا تاں جو شریعت آلیاں کُوں گِھن آواں، بےشک مَیں آپ شریعت دا پابند نہ ہم۔

گلتِیوں 2:3

پر میڈے ساتھی طِطُس کُوں وی بھانویں او یُونانی ہا ختنہ کراوݨ اُتے مجبور نہ کیتا گِیا۔

گلتِیوں 2:8

کیوں جو خُدا جئیں یہُودیاں دے رسُول پطرس ءچ اثر پیدا کیتے اُوں ای غیر یہُودیاں کیتے میڈے ءچ اثر پیدا کیتے۔

گلتِیوں 5:6

کیوں جو مسیح یسُوع ءچ ہوندے ہوئے ختنہ کراوݨ یا نہ کراوݨ دی کوئی اہمیت نئیں۔ صرف او اِیمان اہم ہے جیہڑا محبت کرݨ نال ظاہر تھیندے۔

فِلِپّیوں 2:22

پر تُساں تاں جانڑدے ہیوے جو تِیمُتِھیُس بھروسے دے لائق ثابت تھئے کیوں جو جِینویں پوتر پِیُو نال کم کریندے، اُونویں ای اُوں میڈے نال رَل تے خوشخبری دی تبلیغ کرݨ دی خدمت کیتی ہے۔