اعمال 15:5 - کِتاب مُقدّس سرائیکی ترجمہ

⁵ پر فریسیاں دے فرقہ ءچوں جیہڑے اِیمان گِھن آئے ہَن، کُجھ کھڑے تھی تے آکھنڑ لگے جو ”غیریہُودیاں ءچوں اِیمان گِھن آوݨ آلیاں دا ختنہ کراوݨ تے اُنہاں کُوں مُوسیٰ دی شریعت اُتے عمل کرݨ دا حُکم ڈیوݨ ضرور ہے۔“

اعمال 15:5 Iomraidhean Croise

متّی 3:7

پر جِیں ویلے اُوں بہُوں سارے فریسیاں تے صدوقیاں کُوں بپتسمہ کیتے آپنڑے کولھ آندے ڈِٹھا تاں اُنہاں کُوں آکھیا جو ”نانگ دے بالو! تُہاکُوں کئیں چتا ڈِتے جو آوݨ آلے قہر کنُوں بھجو؟

اعمال 15:1

وَل کُجھ لوک یہُودیہ تُوں آ تے مسیحی بِھرانواں کُوں ایہ تعلیم ڈیوݨ لگے جو ”جے مُوسیٰ دی رسم دے مطابق تُہاڈا ختنہ نہ تھیّا ہووے تاں تُساں نجات نئیں پا سگدے۔“

اعمال 15:24

کیوں جو اساں سُنڑیا ہے جو ساڈے ءچوں کُجھ لوکاں جِنہاں کُوں اساں حُکم نہ ڈِتا ہا تُہاکُوں آپنڑے گالھیں نال پریشان کر ڈِتے۔

اعمال 21:20

ایہ سُنڑ تے اُنہاں خُدا دی حمد کیتی تے وَل اُونکُوں آکھیا، ”بِھرا! تُوں آپ ڈیدھیں جو ہزاراں یہُودی اِیمان گِھن آئے ہِن تے او سارے شریعت اُتے عمل کرݨ ءچ بہُوں جوشیلے ہِن۔

اعمال 24:14

پر مَیں تُہاڈے سامنڑے اِقرار کریندا ہاں جو مسیح دی راہ جِینکُوں او بِدعت قرار ڈیندے ہِن اُوندے مطابق مَیں آپنڑے پِیُو ڈاڈا دے خُدا دی عبادت کریندا ہاں تے جیہڑا کُجھ توریت تے نبیاں دے صحائف ءچ لِکھیا ہے اُنہاں ساریاں اُتے میڈا اِیمان ہے۔

اعمال 24:5

اساں ڈِٹھے جو ایہ بندہ بہُوں خطرناک ہے۔ ایہ دُنیا دے سارے یہُودیاں ءچ فساد پیدا کریندے تے ناصری دے بِدعتی فرقہ دا راہنما ہے۔

اعمال 28:22

پر اساں تُہاڈے خیال جاننڑاں چاہندے ہیں۔ ایہ تاں ساکُوں معلوم ہے جو لوک ہر جاہ اِیں فرقہ دے خلاف گالھیں کریندے ہِن۔“

اعمال 5:17

اِیں گالھ اُتے کاہِن ِ اعظم تے اُوندے سارے ساتھی جیہڑے صدوقیاں دے فرقہ دے ہَن، حسد کنُوں بھریج گئے۔

1کُرِنتھِیوں 7:18

جیہڑا ختنے دی حالت ءچ سڈیا گئے، او ختنے دی حالت ءچ راہوے تے جیہڑا ختنے دے بغیر سڈیا گئے او ختنہ نہ کراوے۔

گلتِیوں 2:11

پر جِیں ویلے پطرس انطاکِیہ ءچ آیا تاں مَیں اُوندے سامنڑے اُوندی مخالفت کیتی کیوں جو او ملامت دے لائق ہا۔

گلتِیوں 2:14

جِیں ویلے مَیں ڈِٹھا جو او خوشخبری دی سچائی دے مطابق نئیں چلدے، تاں مَیں سبھ دے سامنڑے پطرس کُوں آکھیا جو ”تُوں یہُودی ہوندے ہوئے غیر قوماں وانگُوں زندگی گُزریندا پئیں نہ جو یہُودیاں وانگُوں۔ وَل تُوں کِینویں غیر قوماں کُوں یہُودیاں وانگُوں زندگی گُزارݨ کیتے مجبور کر سگدیں؟“