اعمال 13:4 - کِتاب مُقدّس سرائیکی ترجمہ

⁴ بس او ڈوہائیں رُوح القُدس دے بھیجے ہوئے، سِلُوکیہ گئے تے اُتھوں کنُوں جہاز اُتے کُپرُس چلے گئے۔

اعمال 13:4 Iomraidhean Croise

اعمال 11:19

بس جیہڑے لوک اُوں مُصیبت پارُوں جِیندا آغاز ستِفُنس دی موت تُوں تھیّا ہا، کِھنڈ گئے ہَن، او پِھردے پِھردے فینیکے تے کُپرُس تے انطاکِیہ ءچ پُجے پر یہُودیاں دے علاوہ کہیں بئے کُوں کلام نہ سُنڑیندے ہَن۔

اعمال 13:2

جِیں ویلے او خُداوند دی عبادت کریندے تے روزے رکھیندے پئے ہَن تاں رُوح القُدس آکھیا، ”میڈے کیتے برنباس تے ساؤل کُوں اُوں کم کیتے مخصوص کر ڈیؤ جیندے کیتے مَیں اُنہاں کُوں سڈیا ہے۔“

اعمال 13:3

وَل اُنہاں روزہ رکھیا تے دُعا کیتی تے اُنہاں اُتے ہتھ رکھ تے اُنہاں کُوں رُخصت کیتا۔

اعمال 15:36

کُجھ ڈینہہ بعد پولُس، برنباس کُوں آکھیا جو ”جِنہاں شہراں ءچ اساں خُداوند دا کلام سُنڑایا ہا، آؤ وَل اُنہاں ءچ وَنج تے بِھرانواں کُوں ڈیکھوں جو اُنہاں دا کیا حال ہے۔“

اعمال 20:23

فقط اِیہو جانڑدا ہاں جو رُوح القُدس دی طرفوں ہر شہر ءچ اِیہو آگاہی مِلدی ریہی جو قید تے مُصیبتاں میڈے اِنتظار ءچ ہِن۔

اعمال 27:4

اُتھوں کنُوں ولا اساں جہاز اُتے روانہ تھئے تے کیوں جو ہوا ساڈے مخالف ہئی اِیں واسطے اساں [ہوا تُوں بچنڑ کیتے] کُپرُس دے شمال کنُوں لنگھے۔

اعمال 4:36

لاوی قبیلے دا یُوسف ناں دا ہِک بندہ ہا جیہڑا کُپرُس دا راہنڑ آلا ہا۔ رسُولاں اُوندا ناں برنباس رکھیا ہا جِیندا مطلب ہے حوصلہ ڈیوݨ آلا۔