اعمال 13:13 - کِتاب مُقدّس سرائیکی ترجمہ

¹³ وَل پولُس تے اُوندے ساتھی جہاز دے ذریعے پافُس تُوں روانہ تھی تے پمفِیلیہ صوبے دے شہر پِرگہ ءچ آئے۔ اُتھاں یُوحنّا اُنہاں کُوں چھوڑ تے یروشلیم کُوں واپس وَل گِیا۔

اعمال 13:13 Iomraidhean Croise

اعمال 12:12

جِیں ویلے پطرس ایہ جاݨ گِھدا تاں مریم دے گھر گِیا جیہڑی اُوں یُوحنّا دی ماء ہئی جیہڑا مرقس اکھویندے۔ اُتھاں بہُوں سارے لوک جمع تھی تے دُعا کریندے پئے ہَن۔

اعمال 15:36

کُجھ ڈینہہ بعد پولُس، برنباس کُوں آکھیا جو ”جِنہاں شہراں ءچ اساں خُداوند دا کلام سُنڑایا ہا، آؤ وَل اُنہاں ءچ وَنج تے بِھرانواں کُوں ڈیکھوں جو اُنہاں دا کیا حال ہے۔“

اعمال 15:38

پر پولُس ایہ مناسب نہ سمجھیا جو جیہڑے بندے اُنہاں نال پمفِیلیہ ءچ ونجنڑ تُوں کنارہ کیتا تے اِیں کم کیتے اُنہاں دے نال نہ گِیا ہا، اُونکُوں نال گِھن ونجُوں۔

اعمال 2:10

فروگیہ، پمفِیلیہ، مِصر تے لِبیا دے اُوں علاقے دے راہنڑ آلے ہیں جیہڑا کُرینے دے نیڑے ہے۔ تے اِتھاں رومی مسافر

اعمال 27:13

جِیں ویلے جنُوب کنُوں ہلکی ہلکی ہوا گُھلنڑ شروع تھی گئی تاں او سمجھے جو ”ہُنڑ ساڈا مقصد پُورا تھی سگدے۔“ اِیں واسطے اُنہاں لنگر چا تے جہاز ٹوریا تے کریتے دے ساحل دے نال نال اگُوں ودھے۔

اعمال 27:5

وَل اساں کلکیہ تے پمفِیلیہ دے سمندر کنُوں لنگھ تے اگُوں ودھے تے لُوکیہ دے شہر مُورہ ءچ وَنج لتھے۔

کلُسِّیوں 4:10

ارِسترخُس جیہڑا میڈے نال قید ءچ ہے تے مرقس جیہڑا برنباس دا رشتے دار ہے، تُہاکُوں سلام آدھے۔ تُہاکُوں مرقس کیتے ہدایت ڈِتی گئی ہے جو جے او تُہاڈے کولھ آوے تاں اُونکُوں خوشی نال قبول کرائے۔

2 تِیمُتھِیُس 4:11

صرف لُوقا میڈے نال ہے۔ تُوں مرقس کُوں آپنڑے نال گِھن آ کیوں جو او میڈی خدمت ءچ میڈے کیتے فائدہ مند ہے۔