اعمال 12:8 - کِتاب مُقدّس سرائیکی ترجمہ

⁸ وَل فرشتے اُونکُوں آکھیا، ”کمر بَدھ تے آپنڑی جُتی پا گِھن۔“ اُوں اِینویں ای کیتا۔ وَل فرشتے اُونکُوں آکھیا، ”آپنڑا چولا پا تے میڈے پِچُھوں تھی پو۔“

اعمال 12:8 Iomraidhean Croise

متّی 3:11

مَیں تاں تُہاکُوں توبہ کیتے پانڑی نال بپتسمہ ڈیندا ہاں پر جیہڑا میڈے بعد آندے او مَیں تُوں زیادہ زور آور ہے۔ مَیں تاں اُوندیاں جُتیاں چاوݨ دے وی لائق نئیں۔ او تُہاکُوں رُوح القُدس تے بھاہ نال بپتسمہ ڈیسی۔

مرقس 6:9

جُتیاں پا گِھنائے پر ڈُو چولے نہ پوائے۔“

لُوقا 12:37

او نوکر مُبارک ہِن، جِنہاں کُوں اُنہاں دا مالک آ تے جاگدا ڈیکھے۔ مَیں تُہاکُوں سچ آدھا ہاں جو او خود تیار تھی تے اُونکُوں دسترخوان اُتے بِلھیسی تے اُنہاں دی خدمت کرݨ لگ ویسی۔

اعمال 12:7

ابڑغُت خُداوند دا ہِک فرشتہ ظاہر تھیّا تے پُوری کوٹھڑی ءچ سوجھلا تھی گِیا۔ اُوں پطرس دی پسلی کُوں ہتھ لا تے اُونکُوں جگایا تے آکھیا جو ”جلدی اُٹھی۔ تے زنجیراں اُوندے ہتھاں ءچوں کُھل پئیاں۔“

اعمال 12:9

پطرس نِکل تے اُوندے پِچُھوں تھی پِیا تے اُونکُوں پتہ نہ لگیا جو فرشتہ جیہڑا کُجھ کریندا پئے او سچ ہے بلکہ ایہ سمجھیا جو مَیں کوئی رویا ڈیدھا پِیا ہاں۔

اعمال 27:23

کیوں جو خُدا جِیندا مَیں بندہ ہاں تے جیندی مَیں عبادت وی کریندا ہاں، اُوندا فرشتہ اِیں رات میڈے کولھ آیا،

اعمال 8:26

وَل خُداوند دے فرشتہ فِلپُس کُوں آکھیا جو ”اُٹھی تے جنُوب دو اُوں راہ تئیں وَنج جیہڑی بیابان ءچوں تھی تے یروشلیم تُوں غزہ کُوں ویندی ہے۔“