اعمال 10:42 - کِتاب مُقدّس سرائیکی ترجمہ

⁴² تے اُوں ساکُوں حُکم ڈِتا جو لوکاں ءچ تبلیغ کرُوں تے گواہی ڈیؤں جو ایہ اُوہو ہے جیہڑا خُدا دی طرفوں زندیاں تے مُردیاں دا مُنصف مقرر کیتا گئے۔

اعمال 10:42 Iomraidhean Croise

لُوقا 16:28

کیوں جو میڈے پنج بِھرا ہِن تاں جو او اُنہاں دے سامنڑے اِنہاں گالھیں دی گواہی ڈیوے، اِینویں نہ تھیوے جو او وی اِیں عذاب آلی جاہ ءچ آ ونجنڑ۔‘

لُوقا 22:22

اِبنِ آدم تاں جِینویں اُوندے حق ءچ پہلے کنُوں مقرر ہے ویندے، پر اُوں بندے اُتے افسوس جیندے ذریعے پکڑوایا ویندے۔“

اعمال 1:2

اُوں ڈینہہ تئیں جِیں ویلے او اسمان اُتے چاتا گِیا۔ چاتے ونجنڑ تُوں پہلے اُوں آپنڑے چُنڑے ہوئے رسُولاں کُوں رُوح القُدس دے وسیلہ نال ہدایت کیتی۔

اعمال 1:8

پر جِیں ویلے رُوح القُدس تُہاڈے اُتے نازل تھیسی تاں تُہاکُوں قوت مِلسی تے تُساں یروشلیم تے یہُودیہ تے سامریہ دے سارے علاقے ءچ بلکہ زمین دی اِنتہا تئیں میڈے گواہ ہوسو۔“

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

اعمال 24:25

جِیں ویلے او راستبازی، پرہیزگاری تے آوݨ آلی عدالت دے بارے ءچ بیان کریندا پِیا ہا تاں فیلِکس ڈر تے آکھنڑ لگا، ”اجنڑ ایہ بہُوں ہے، تُوں وَنج سگدیں۔ جڈاں میکُوں فُرصت مِلسی تاں مَیں تیکُوں ولا سڈوا گِھنساں۔“

اعمال 5:20

”ونجو ہیکل ءچ کھڑے تھی تے اِیں زندگی دے بارے ءچ سارے گالھیں لوکاں کُوں ڈساؤ۔“

رومیوں 2:16

ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

2کُرِنتھِیوں 5:10

کیوں جو اساں ساریاں کُوں مسیح دے تختِ عدالت دے سامنڑے حاضر تھیونڑاں ہے تاں جو ہر بندہ آپنڑے کماں دا بدلہ پاوے جیہڑے اُوں آپنڑے بدن ءچ راہندے ہوئے کیتے ہِن، بھانویں چنگے ہِن یا بُرے۔

2 تِیمُتھِیُس 4:1

مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

1 پطرس 4:5

پر اُنہاں کُوں اُونکُوں حساب ڈیونڑا پوسی جیہڑا زندیاں تے مُردیاں دی عدالت کرݨ کُوں تیار ہے۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“

مُکاشفہ 22:12

”ڈیکھ، مَیں جلدی آوݨ آلا ہاں۔ تے ہر ہِک دے کم دے مطابق ڈیوݨ کیتے اجر میڈے کولھ ہے۔