اعمال 10:11 - کِتاب مُقدّس سرائیکی ترجمہ

¹¹ اُوں ڈِٹھا جو اسمان کُھل گئے تے کوئی چیز ہِک وڈی چادر آلی کار چارے کونیاں کنُوں لٹکدی ہوئی زمین دو آندی پئی ہئی،

اعمال 10:11 Iomraidhean Croise

متّی 8:11

تے مَیں تُہاکُوں آدھا ہاں جو بہُوں سارے لوک مشرق تے مغرب تُوں آ تے ابرہام تے اِضحاق تے یعقُوب دے نال اسمان دی بادشاہی دی ضیافت ءچ شریک تھیسن۔

لُوقا 3:21

جِیں ویلے سبھ لوکاں بپتسمہ گِھن گِھدا تاں یسُوع وی بپتسمہ گِھدا۔ جِیں ویلے او دُعا کریندا پِیا ہا تاں اسمان کُھل گِیا،

یُوحنّا 1:51

وَل اُونکُوں آکھیا، ”مَیں تُہاکُوں سچ آدھا ہاں جو تُساں اسمان کُوں کُھلا تے خُدا دے فرشتیاں کُوں اُتے ویندے تے اِبنِ آدم اُتے لہندے ڈیکھسو۔“

یُوحنّا 11:52

تے نہ صرف یہُودی قوم کیتے بلکہ اِیں واسطے وی جو خُدا دے فرزنداں کُوں جیہڑے تِتربِتر تھی گئے ہَن جمع کر تے ہِک کر ڈیوے۔

یُوحنّا 12:32

تے جِیں ویلے مَیں زمین کنُوں اُتے چڑھایا ویساں تاں ساریاں کُوں آپنڑے کولھ چھیک گِھنساں۔“

اعمال 10:12

جیندے ءچ زمین دے سبھ قِسم دے ڈھورڈنگر تے کیڑے مکوڑے تے ہوا دے پکھی ہِن۔

اعمال 11:5

”مَیں یافا شہر ءچ دُعا کریندا پِیا ہم تے بے خُودی دی حالت ءچ مَیں ہِک رویا ڈِٹھی جو کوئی چیز وڈی چادر وانگُوں چارے کونیاں کنُوں لٹکدی ہوئی اسمان کنُوں تلے لتھی تے مَیں تئیں آئی۔

اعمال 7:56

آکھیا جو ”ڈیکھو، مَیں اسمان کُوں کُھلیا تے اِبنِ آدم کُوں خُدا دے سجے پاسُوں کھڑا ڈیدھا ہاں۔“

رومیوں 1:16

مَیں خوشخبری کنُوں نئیں شرمیندا کیوں جو او ہر اِیمان گِھن آوݨ آلے دی نجات کیتے خُدا دی قُدرت ہے۔ پہلے یہُودی کیتے، وَل غیریہُودی کیتے۔

رومیوں 9:4

او بنی اِسرائیل ءچوں ہِن تے لےپالک تھیوݨ دا حق تے جلال تے یکے عہد تے شریعت تے عبادت تے وعدے وی اُنہاں کیتے ای ہِن۔

گلتِیوں 2:15

”اساں پیدائشی یہُودی ہیں، گُنہگار غیر قوماں ءچوں نئیں۔

گلتِیوں 3:28

ہُنڑ نہ کوئی یہُودی ریہا نہ کوئی یُونانی، نہ کوئی غُلام نہ کوئی ازاد تے نہ کوئی مرد تے نہ کوئی عورت، کیوں جو ہُنڑ تُساں سارے مسیح یسُوع ءچ ہِک ہیوے۔

اِفِسیوں 1:10

تے خُدا دی مرضی ایہ ہے جو مناسب وقت اُتے او ساریاں چیزاں کُوں مسیح ءچ کٹھا کرے، بھانویں اسمان دیاں ہووݨ یا زمین دیاں۔

اِفِسیوں 3:6

او بھید ایہ ہے جو مسیح یسُوع ءچ غیر قوماں وی بنی اِسرائیل نال خوشخبری دے وسیلے میراث ءچ شریک ہِن تے ہِکو بدن دے اَنگ ہِن تے خُدا دے وعدہ ءچ شامل ہِن۔

کلُسِّیوں 3:11

اِیں نوِیں زندگی ءچ نہ تاں کوئی یہُودی ریہا، نہ یُونانی، نہ ختنے آلا نہ بغیر ختنے آلا، نہ جنگلی نہ وحشی، نہ غُلام نہ آزاد، صرف مسیح ای سبھ کُجھ تے ساریاں ءچ ہے۔

مُکاشفہ 11:19

وَل خُدا دی ہیکل جیہڑی اسمان ءچ ہے کھول ڈِتی گئی تے اُوندے اندر اُوندے عہد دا صندوق نظر آیا۔ تے بجلیاں تے گجکار دیاں اوازاں پیدا تھیّاں، زلزلہ آیا تے بہُوں ننڑاوے پئے۔

مُکاشفہ 19:11

وَل مَیں اسمان کُوں کُھلیا ڈِٹھا تے میکُوں ہِک چِٹا گھوڑا نظر آیا جِیندا سوار وفادار تے سچا اکھویندے تے اِنصاف نال عدالت تے جنگ کریندے۔

مُکاشفہ 4:1

اِنہاں گالھیں دے بعد مَیں نِگاہ چاتی تاں اسمان ءچ ہِک دروازہ کُھلیا ہویا ڈِٹھا تے اُوں نرسِنگے جیہی اواز کُوں جئیں پہلے میڈے نال گالھ کیتی ہئی، ایہ اکھیندے ہوئے سُنڑیا جو ”اِتھاں اُتاں آ وَنج۔ مَیں تیکُوں او گالھیں ڈِکھیساں، جِنہاں دا اِیندے بعد تھیوݨ ضرور ہے۔“