اعمال 1:3 - کِتاب مُقدّس سرائیکی ترجمہ

³ ڈُکھ سہنڑ تُوں بعد اُوں آپنڑے آپ کُوں رسُولاں اُتے ظاہر کر تے، آپنڑے زندہ ہووݨ دے بہُوں سارے ثبوت ڈِتے۔ چالیہہ ڈینہہ تئیں او اُنہاں کُوں نظر آندا تے خُدا دی بادشاہی دے بارے ءچ ڈسیندا ریہا۔

اعمال 1:3 Iomraidhean Croise

متّی 21:43

اِیں واسطے مَیں تُہاکُوں آدھا ہاں جو خُدا دی بادشاہی تُہاڈے کنُوں گِھن گِھدی ویسی تے اُوں قوم کُوں ڈے ڈِتی ویسی جیہڑی بادشاہ دی مرضی دے مطابق پھل گِھن آسی۔

متّی 28:9

تے ڈیکھو یسُوع اُنہاں کُوں مِلیا تے آکھیا، ”سلام!“ اُنہاں کولھ آ تے اُوندے پیر پکڑ گِھدے تے اُونکُوں سجدہ کیتا۔

متّی 3:2

”توبہ کرو کیوں جو اسمان دی بادشاہی نیڑے آ گئی ہے۔“

متّی 4:2

چالیہہ ڈینہہ تے چالیہہ رات دے روزے تُوں بعد آخر اُونکُوں بُکھ لگی۔

مرقس 16:19

خُداوند یسُوع اُنہاں نال کلام کرݨ تُوں بعد اسمان اُتے چا گِھدا گِیا تے خُدا دے سجے پاسُوں بہہ گِیا۔

یُوحنّا 20:26

اَٹھ ڈینہہ بعد یسُوع دے شاگرد ہِک پھیری ولا گھر دے اندر ہَن تے توما وی اُنہاں دے نال ہا۔ دروازے بند ہَن، پر یسُوع آ تے اُنہاں دے وچال کھڑا تھی گِیا تے آکھیا، ”تُہاڈی سلامتی ہووے!“

یُوحنّا 21:1

اِنہاں گالھیں دے بعد یسُوع ہِک پھیری وَل آپنڑے آپ کُوں شاگرداں اُتے تِبریاس دی جھیل دے کنارے ظاہر کیتا۔ تے اِینویں ظاہر کیتا۔

یُوحنّا 21:14

یسُوع مُردیاں ءچوں زندہ تھی ونجنڑ دے بعد ایہ تریجھی پھیری آپنڑے شاگرداں اُتے ظاہر تھیّا۔

اعمال 13:31

تے جیہڑے لوک گلیل کنُوں اُوندے نال یروشلیم آئے ہَن، او اُنہاں کُوں بہُوں ڈینہاں تئیں ڈِکھالی ڈِتا۔ ہُنڑ اُوہو لوک اُمت دے سامنڑے اُوندے گواہ ہِن۔

اعمال 19:8

وَل پولُس ترے مہینے تئیں عبادت خانہ ءچ وَنج تے دلیری نال خُدا دی بادشاہی دے بارے ءچ بحث کریندا تے لوکاں کُوں قائل کریندا ریہا۔

اعمال 28:23

وَل اُنہاں پولُس دے گالھیں سُنڑݨ کیتے ہِک ڈینہہ مقرر کیتا۔ جِیں ویلے او ڈینہہ آیا تاں او پہلے کنُوں وی زیادہ تعداد ءچ اُوں گھر ءچ آئے جِتھاں او راہندا ہا۔ سویل تُوں گِھن تے شام تئیں پولُس اُنہاں کُوں سمجھا سمجھا تے خُدا دی بادشاہی دے بارے ءچ گواہی ڈِتی تے مُوسیٰ دی توریت تے نبیاں دے صحیفیاں ءچوں اُنہاں کُوں یسُوع دے بارے ءچ قائل کرݨ دی کوشش کیتی۔

اعمال 28:31

او بہُوں دلیری نال خُدا دی بادشاہی دی خوشخبری سُنڑیندا تے خُداوند یسُوع المسیح دے بارے ءچ تعلیم ڈیندا ریہا تے کہیں اُونکُوں روکنڑ دی کوشش نہ کیتی۔

اعمال 8:12

پر جِیں ویلے اُنہاں فِلپُس دا یقین کیتا جیہڑا خُدا دی بادشاہی تے یسُوع مسیح دے ناں دی خوشخبری ڈیندا ہا تاں سبھ لوک بھانویں مرد بھانویں عورت بپتسمہ گِھننڑ لگے۔

رومیوں 14:17

کیوں جو خُدا دی بادشاہی کھاوݨ پِیوݨ دے بارے ءچ نئیں بلکہ راستبازی، میل مِلاپ تے اُوں خوشی دے بارے ءچ ہے جیہڑی رُوح القُدس دی طرفوں مِلدی ہے۔

کلُسِّیوں 1:13

خُدا ساکُوں اندھارے دے قبضے ءچوں چُھڑا تے آپنڑے عزیز پوتر دی بادشاہی ءچ داخل کیتے،

1تھِسّلُنیکیوں 2:12

اساں ہر ہِک کُوں نصیحت تے تسلی ڈیندے ریہے تے سمجھیندے ریہے جو تُساں خُدا دے لائق زندگی گُزارو، جئیں تُہاکُوں آپنڑی بادشاہی تے جلال ءچ شریک تھیوݨ کیتے سڈیا ہے۔

1 یُوحنّا 1:1

اساں زندگی دا او کلام بیان کریندے ہیں جیہڑا شروع کنُوں ہا، جِینکُوں اساں سُنڑیا تے آپنڑے اکھیں نال ڈِٹھا تے غور نال نظر کیتی بلکہ ہتھ لا تے ڈِٹھا۔