اعمال 1:24 - کِتاب مُقدّس سرائیکی ترجمہ

²⁴ تے ایہ آکھ تے دُعا کیتی جو ”اے خُداوند! تُوں جیہڑا سبھ دے دِلاں کُوں جانڑدا ہیں، ساڈے اُتے ظاہر کر جو اِنہاں ڈوہائیں ءچوں تُوں کِینکُوں چُنڑیا ہے،

اعمال 1:24 Iomraidhean Croise

لُوقا 16:15

یسُوع اُنہاں کُوں آکھیا جو ”تُساں او ہیوے جیہڑے لوکاں دے سامنڑے آپنڑے آپ کُوں راستباز ظاہر کریندے ہیوے پر خُدا تُہاڈے دِلاں دی حالت کنُوں واقف ہے کیوں جو جیہڑی چیز آدمیاں دی نِگاہ ءچ اعلیٰ ہے او خُدا دے حضُور مکرُوہ ہے۔

یُوحنّا 21:17

یسُوع تریجھی پھیری ولا اُونکُوں آکھیا، ”یُوحنّا دے پوتر شمعون! کیا تُوں میکُوں عزیز رکھیندیں؟“ پطرس ڈُکھی تھی گِیا کیوں جو اُوں اُونکُوں تریجھی پھیری آکھیا ہا، ”کیا تُوں میکُوں عزیز رکھیندیں؟“ اُوں اُونکُوں آکھیا، ”اے خُداوند! تُساں تاں سبھ کُجھ جانڑدے ہیوے۔ تُہاکُوں پتہ ہے جو مَیں تُہاکُوں عزیز رکھیندا ہاں۔“ یسُوع اُونکُوں آکھیا، ”تُوں میڈیاں بھیڈاں چَرا۔

اعمال 14:23

اُنہاں ہر کلیسیا ءچ بزُرگاں کُوں مقرر کیتا تے روزہ رکھ تے، تے دُعاواں کر تے اُنہاں کُوں خُداوند دے سپُرد کیتا جئیں اُتے او اِیمان گِھن آئے ہَن۔

اعمال 15:8

تے خُدا جیہڑا دِلاں دا حال جانڑدے، اُنہاں کُوں وی ساڈے آلی کار رُوح القُدس ڈے تے گواہی ڈِتی جو اُوں اُنہاں کُوں قبول کر گِھدے،

اعمال 6:6

تے اِنہاں کُوں رسُولاں دے اگُوں کھڑا کیتا، تے رسُولاں اُنہاں اُتے ہتھ رکھ تے دُعا کیتی۔

رومیوں 8:27

تے او جیہڑا ساڈے دِلاں کُوں پرکھدا ہے رُوح القُدس دی سوچ کُوں جانڑدے کیوں جو رُوح القُدس خُدا دی مرضی دے مطابق مُقدّساں دی شفاعت کریندے۔

عبرانیوں 4:13

کائنات دی کوئی چیز خُدا دی نظر کنُوں لُکی ہوئی نئیں، بلکہ جیندے حضُور ءچ ساکُوں جواب ڈیونڑے، اُوندی نظر ءچ ہر چیز بے نقاب تے ظاہر ہے۔

مُکاشفہ 2:23

ہا، مَیں اُوں عورت دے فرزنداں کُوں جان کنُوں مار ڈیساں۔ وَل ساریاں کلیسیاواں کُوں پتا لگ ویسی جو مَیں ای ہاں جیہڑا دِلاں تے ذہناں کُوں پرکھدا ہاں تے مَیں تُہاڈے ءچوں ہر ہِک کُوں اُوندے کماں دے مطابق بدلہ ڈیساں۔