اعمال 1:13 - کِتاب مُقدّس سرائیکی ترجمہ

¹³ شہر ءچ داخل تھی تے او اُوں چوبارے اُتے گئے جِتھاں او یعنی پطرس، یُوحنّا، یعقُوب، اندریاس، فِلپُس، توما، بَرتُلمائی، متّی، حلفئی دا پوتر یعقُوب، شمعون جیہڑا حُریت پسند اکھویندا ہا تے یعقُوب دا پوتر یہُوداہ راہندے ہَن۔

اعمال 1:13 Iomraidhean Croise

متّی 9:9

یسُوع اُتھوں کنُوں اگُوں ودھ تے متّی ناں دے ہِک محصُول گِھننڑ آلے کُوں محصُول دی چوکی اُتے بیٹھے ڈِٹھا تے اُونکُوں آکھیا، ”میڈے پِچُھوں تھی پو۔“ او اُٹھی تے اُوندے پِچُھوں تھی پِیا۔

مرقس 14:15

او خود تُہاکُوں اُتلی منزل تے گِھن ویسی تے تیار کیتا ہویا ہِک وڈا چوبارہ ڈکھیسی، اُتھائیں ساڈے کیتے تیاری کرائے۔“

مرقس 14:33

او پطرس، یعقُوب تے یُوحنّا کُوں آپنڑے نال گِھن تے بہُوں پریشان تے بے چین تھیوݨ لگا۔

مرقس 2:14

اُتھوں لنگھدے ہوئے اُوں حلفئی دے پوتر لاوی کُوں محصُول دی چوکی اُتے بیٹھے ڈِٹھا تے اُونکُوں آکھیا، ”میڈے پِچُھوں تھی پو۔“ تے او اُٹھی تے اُوندے پِچُھوں تھی پِیا۔

مرقس 5:37

وَل اُوں پطرس، یعقُوب تے یعقُوب دے بِھرا یُوحنّا دے علاوہ کہیں بئے کُوں آپنڑے نال آوݨ دی اِجازت نہ ڈِتی۔

مرقس 9:2

چِھی ڈینہہ بعد یسُوع پطرس، یعقُوب تے یُوحنّا کُوں نال گِھدا تے اُنہاں کُوں ہِک اُچے پہاڑ اُتے کلھیپے ءچ گِھن گِیا۔ اُتھاں اُنہاں دے سامنڑے اُوندی صورت بدل گئی۔

لُوقا 22:12

او تُہاکُوں اُتلی منزل تے گِھن ویسی تے تیار کیتا ہویا ہِک وڈا چوبارہ ڈکھیسی۔ اُتھائیں تیاری کرائے۔“

یُوحنّا 11:16

وَل توما جِینکُوں جاڑا آدھے ہَن باقی شاگرداں کُوں آکھنڑ لگا جو ”آؤ اساں وی جُلوں تاں جو اُوندے نال مرُوں۔“

یُوحنّا 14:22

وَل اُوں یہُوداہ جیہڑا اِسکریُوتی نہ ہا اُونکُوں آکھیا، ”مالک! کیا وجہ ہے جو تُساں آپنڑے آپ کُوں ساڈے اُتے تاں ظاہر کریسو پر دُنیا اُتے نئیں؟“

یُوحنّا 18:17

دربان عورت پطرس کنُوں پُچھیا، ”کیا تُوں وی اُوں بندے دے شاگرداں ءچوں ہیں؟“ اُوں آکھیا، ”مَیں نئیں۔“

یُوحنّا 21:2

شمعون پطرس تے توما جیہڑا جاڑا اکھویندے تے نتن ایل جیہڑا گلیل دی وستی قانا دا ہا، تے زبدی دے پوتر، تے ڈُوجھے بئے شاگرد اُتھاں جمع ہَن۔

اعمال 12:17

اُوں اُنہاں کُوں ہتھ نال اِشارہ کیتا جو چُپ راہوݨ تے اُنہاں کُوں ڈسایا جو خُداوند اُونکُوں کِینویں قید خانہ ءچوں باہر کڈھے۔ وَل آکھیا، ”یعقُوب تے بِھرانواں کُوں اِیں گالھ دی خبر ڈے ڈیوائے“ تے خود کہیں بئی جاہ چلیا گِیا۔

اعمال 15:13

جِیں ویلے اُنہاں دے گالھیں ختم تھیّاں تاں یعقُوب آکھنڑ لگا جو ”بِھراؤ! میڈی گالھ سُنڑو۔

اعمال 2:14

پر پطرس باقی یارہاں دے نال کھڑا تھیّا تے اُچی اواز ءچ لوکاں کُوں آکھیا، ”یہُودی بِھراؤ تے یروشلیم دے سارے راہنڑ آلیو! ایہ جاݨ گِھنو تے میڈی گالھ توجہ نال سُنڑو۔

اعمال 2:38

پطرس اُنہاں کُوں آکھیا، ”توبہ کرو تے تُہاڈے ءچوں ہر ہِک آپنڑے گُناہاں دی معافی کیتے یسُوع مسیح دے ناں ءچ بپتسمہ گِھنے تاں تُساں رُوح القُدس دی نعمت پے سو۔

اعمال 20:8

جِیں چوبارے ءچ اساں کٹھے ہسے، اُوندے ءچ بہُوں سارے ڈیوے بلدے پئے ہَن۔

اعمال 4:13

جِیں ویلے اُنہاں پطرس تے یُوحنّا دی جُرأت ڈِٹھی تے معلوم تھیّا جو او اَن پڑھ تے عام بندے ہِن تاں بہُوں حیران تھئے۔ نال نال اُنہاں جاݨ گِھدا جو ایہ ڈوہائیں یسُوع دے نال رہ چُکے ہِن۔

اعمال 4:19

پر پطرس تے یُوحنّا جواب ڈِتا، ”تُساں ای فیصلہ کرو جو خُدا دی نِگاہ ءچ کیا ٹھیک ہے، اساں تُہاڈی گالھ منُوں یا خُدا دی؟

1کُرِنتھِیوں 15:7

وَل او یعقُوب کُوں ڈِکھالی ڈِتا تے اِیندے بعد سارے رسُولاں کُوں۔

گلتِیوں 1:19

پر ڈُوجھے رسُولاں ءچوں کہیں کُوں نہ مِلیا سوائے خُداوند دے بِھرا یعقُوب دے۔

گلتِیوں 2:9

تے جِیں ویلے یعقُوب، پطرس تے یُوحنّا جیہڑے کلیسیا دے سربراہ سمجھے ویندے ہَن، ایہ ڈِٹھا جو خُدا میکُوں وی خاص توفیق ڈِتی ہے تاں اُنہاں میکُوں تے برنباس کُوں سجا ہتھ ڈے تے آپنڑی شراکت ءچ قبول کر گِھدا۔ تے اِیں گالھ اُتے اِتفاق کیتا جو اساں غیر قوماں ءچ خدمت کرُوں تے او یہُودیاں ءچ۔

یعقُوب 1:1

ایہ خط میں یعقُوب دی طرفوں ہے جیہڑا خُدا دا تے خُداوند یسُوع مسیح دا خادم ہاں، بنی اِسرائیل دے بارہاں قبیلیاں کُوں جیہڑے غیر یہُودی قوماں ءچ تِتربِتر تھی گئے ہِن، سلام پُجے۔

2 یُوحنّا 1:1

ایہ خط مَیں بزُرگ دی طرفوں، خُدا دی اُوں چُنڑی ہوئی بی بی تے اُوندے فرزنداں دے ناں ہے جِنہاں نال نہ صرف مَیں بلکہ او سارے جیہڑے سچائی کنُوں واقف ہِن، سچی محبت رکھیندے ہِن،

یہُوداہ 1:1

ایہ خط میں یہُوداہ دی طرفوں ہے جیہڑا یسُوع مسیح دا خادم تے یعقُوب دا بِھرا ہاں، اُنہاں لوکاں دے ناں جیہڑے سڈے گئے ہِن تے خُدا باپ دے عزیز ہِن تے یسُوع مسیح دے وسیلے نال محفوظ رکھے گئے ہِن۔