اعمال 1:10 - کِتاب مُقدّس سرائیکی ترجمہ

¹⁰ او حالی تئیں اُونکُوں اسمان دو ویندے ہوئے غور نال ڈیدھے پئے ہَن جو ڈیکھو ڈُو مرد سفید پُشاک ءچ اُنہاں دے کولھ آ کھڑے تھئے،

اعمال 1:10 Iomraidhean Croise

متّی 17:2

اُتھاں اُنہاں دے سامنڑے اُوندی شکل بدل گئی۔ اُوندا مُنہ سِجھ وانگُوں چمکنڑ پے گِیا تے اُوندا لباس نُور وانگُوں چِٹّا تھی گِیا۔

متّی 28:3

اُوندی شکل بجلی وانگُوں ہئی تے اُوندے کپڑے برف وانگُوں چِٹے ہَن۔

مرقس 16:5

قبر آلی غار دے اندر داخل تھی تے اُنہاں ہِک جوان کُوں چِٹا چولا پاتے سجے پاسُوں بیٹھے ڈِٹھا تے بہُوں حیران تھیّاں۔

لُوقا 24:4

جِیں ویلے او اِیں گالھ تُوں حیران ہَن تاں اچانک ڈُو بندے چمکنڑی پُشاک ءچ اُنہاں دے کولھ آ کھڑے تھئے۔

یُوحنّا 20:12

تاں اُوں ڈُو فرشتیاں کُوں چِٹے کپڑے پاتے ہوئے اُتھاں بیٹھے ڈِٹھا، جِتھاں یسُوع دی لاش رکھی گئی ہئی، ہِک کُوں سراہنڑے تے ڈُوجھے کُوں پیراں آلے پاسے۔

اعمال 10:3

ہِک ڈینہہ اُوں ڈوپہر دے ترے وجے دے نیڑے رویا ءچ صاف صاف ڈِٹھا جو خُدا دا ہِک فرشتہ میڈے کولھ آ تے اکھیندے، ”کُرنیلیُس۔“

اعمال 10:30

کُرنیلیُس آکھیا، ”چار ڈینہہ پہلے مَیں آپنڑے گھر ءچ اِیں ویلے یعنی ڈوپہر دے ترے وجے دُعا کریندا پِیا ہم جو اچانک ہِک بندہ چمکدار پُشاک ءچ میڈے سامنڑے آ کھڑا تھیّا

مُکاشفہ 3:4

پر سردِیس ءچ تیڈے کُجھ لوک ایجھے ہِن جِنہاں آپنڑے کپڑیاں کُوں ناپاک نئیں کیتا۔ او چِٹے کپڑے پاتے ہوئے میڈے نال ٹُرسن، کیوں جو او اِیندے لائق ہِن۔

مُکاشفہ 7:14

مَیں جواب ڈِتا ”میڈے آقا! ایہ تاں تُساں ای جانڑدے ہیوے۔“ وَل اُوں آکھیا جو ”ایہ لوک او ہِن جیہڑے وڈی مُصیبت ءچوں نِکل تے آئے ہِن۔ اُنہاں آپنڑے کپڑے لیلے دے خون نال دھو تے چِٹے کیتے ہِن۔