3 یُوحنّا 1:3 - کِتاب مُقدّس سرائیکی ترجمہ

³ میکُوں بہُوں خوشی تھئی جڈاں کُجھ بِھرانواں آ تے تیڈے بارے ءچ گواہی ڈِتی جو تُوں سچائی دے مطابق زندگی گُزریندا پئیں۔

3 یُوحنّا 1:3 Iomraidhean Croise

اعمال 1:15

اُنہاں ڈینہاں ءچ پطرس بِھرانواں دی جماعت ءچ جیہڑے تقریباً ہِک سو وِیہہ دے نیڑے ہَن، کھڑا تھی تے آکھنڑ لگا،

1کُرِنتھِیوں 13:6

بے اِنصافی تُوں نئیں بلکہ سچائی تُوں خوش تھیندی ہے۔

گلتِیوں 6:10

اِیں واسطے جئیں تئیں موقع مِلے اساں ساریاں نال نیکی کرُوں، خاص کر اہل ِ اِیمان نال۔

فِلِپّیوں 1:4

تُہاڈے کیتے آپنڑی ہر دُعا ءچ مَیں بہُوں خوشی نال دُعا کریندا ہاں،

2 یُوحنّا 1:2

کیوں جو سچائی ساڈے ءچ قائم راہندی ہے تے ہمیشاں تئیں ساڈے نال راہسی۔

2 یُوحنّا 1:4

جِیں ویلے میکُوں پتہ چلیا جو تیڈے کُچھ فرزند باپ دے حُکم دے مطابق سچائی اُتے ٹُردے ریہے ہِن تاں میکُوں خوشی تھئی۔

3 یُوحنّا 1:10

جِیں ویلے مَیں آساں تاں اُونکُوں اُوندے ایہ کم جیہڑے او کریندا پئے، یاد ڈیویساں کیوں جو او ساڈے خلاف بُرے گالھیں کریندے۔ تے صرف اِیہو نئیں بلکہ بِھرانواں کُوں خود وی قبول نئیں کریندا تے ڈُوجھیاں کُوں جیہڑے اُنہاں کُوں قبول کرݨ چاہندے ہِن، روکیندے، تے کلیسیا ءچوں کڈھ ڈیندے۔

3 یُوحنّا 1:2

میڈے عزیز! مَیں ایہ دُعا کریندا ہاں جو تُوں ہر لحاظ نال ترقی کریں، تے جِینویں تُوں رُوحانی طور تے صحت مند ہیں، اُونویں ای جِسمانی طور تے وی صحت مند ہوویں۔

3 یُوحنّا 1:4

میڈے کیتے اِیں کنُوں ودھ بئی کوئی خوشی نئیں، جو مَیں آپنڑے بالاں کُوں سچائی دے مطابق زندگی گُزریندے ہوئے سُنڑاں۔

3 یُوحنّا 1:5

میڈے عزیز! تُوں بِھرانواں کیتے جیہڑا کُجھ کریندیں، بہُوں دیانتداری نال کریندیں، بیشک او تیڈی جاݨ پچھاݨ آلے نئیں۔