2 تِیمُتھِیُس 4:4 - کِتاب مُقدّس سرائیکی ترجمہ

⁴ او سچائی سُنڑݨ تُوں آپنڑے کَن پھیر گِھنسن تے فرضی کہانڑیاں دو توجہ ڈیسن۔

2 تِیمُتھِیُس 4:4 Iomraidhean Croise

متّی 13:15

کیوں جو اِیں اُمت دے دل اُتے چربی چڑھ گئی ہے تے او کَناں کنُوں اُچا سُنڑدے ہِن تے اُنہاں آپنڑے اکھیں بند کر گِھدیاں ہِن کِتھائیں اِینویں نہ تھیوے جو او اکھیں کنُوں ڈیکھنڑ تے کَناں نال سُنڑݨ دل نال سمجھنڑ تے رجُوع گِھن آوݨ تے مَیں اُنہاں کُوں شِفا بخشاں۔‘

اعمال 7:57

ایہ سُنڑ تے اُنہاں وڈے زور نال چیخ تے آپنڑے کَن بند کر گِھدے تے کٹھے تھی تے اُوندے اُتے جھپٹے۔

2تھِسّلُنیکیوں 2:11

اِیں واسطے خُدا اُنہاں کُوں گُمراہی ءچ پھسنڑ ڈیندے تاں جو او کُوڑ کُوں سچ مننڑ۔

1 تِیمُتھِیُس 1:4

تے فرضی کہانڑیاں تے ختم نہ تھیوݨ آلے شِجریاں اُتے غور نہ کرݨ۔ ایجھے گالھیں جھیڑے پیدا کریندیاں ہِن تے خُدا دے کم کُوں پُورا نئیں کریندیاں جیہڑا اِیمان نال کیتا ویندے۔

1 تِیمُتھِیُس 4:7

پر اُنہاں بے ہُودہ تے فرضی کہانڑیاں کنُوں کنارہ کر بلکہ دینداری کیتے مشق کر۔

1 تِیمُتھِیُس 6:20

تِیمُتِھیُس! اِیں امانت دی جیہڑی تیڈے سپُرد کیتی گئی ہے، حفاظت کر، تے بے ہُودہ گالھیں تے فضول خیالاں کنُوں کنارہ کر، کیوں جو ایجھے علم کُوں علم آکھنڑ ای غلط ہے۔

2 تِیمُتھِیُس 1:15

تُوں جانڑدا ہیں جو آسِیہ صوبے ءچ سارے لوکاں میکُوں چھوڑ ڈِتے۔ اُنہاں ءچ فُوگلُس تے ہرمُگِنیُس وی شامل ہِن۔

طِطُس 1:14

تے او یہُودیاں دیاں فرضی کہانڑیاں تے ایجھے لوکاں دے حُکماں اُتے دھیان نہ ڈیوݨ جیہڑے سچائی کنُوں مُنہ پھیر گِھندے ہِن۔

عبرانیوں 13:25

تُساں ساریاں اُتے فضل تھیندا راہوے۔

2 پطرس 1:16

کیوں جو جِیں ویلے اساں تُہاکُوں آپنڑے خُداوند یسُوع مسیح دی قُدرت تے واپس آوݨ دے بارے ءچ ڈسایا ہا تاں اساں چالاکی نال گھڑیاں کہانڑیاں دی پیروی نہ کیتی ہئی بلکہ اساں اُوندی عظمت دے اکھیں ڈِٹھے گواہ ہسے۔