2 تِیمُتھِیُس 4:16 - کِتاب مُقدّس سرائیکی ترجمہ

¹⁶ عدالت ءچ میڈی پہلی پیشی ویلے کوئی میڈی مدد کیتے نہ آیا بلکہ ساریاں میکُوں چھوڑ ڈِتا۔ خُدا اُنہاں تُوں اِیندا حساب نہ گِھنے۔

2 تِیمُتھِیُس 4:16 Iomraidhean Croise

مرقس 14:50

وَل سارے شاگرد اُونکُوں چھوڑ تے بھج گئے۔

لُوقا 12:11

تے جیہڑے ویلے او تُہاکُوں عبادت خانیاں ءچ تے حاکماں تے اِختیار آلیاں دے کولھ گِھن ونجنڑ تاں فِکر نہ کرائے جو اساں کِینویں یا کیا جواب ڈیؤں، یا کیا آکھوں،

یُوحنّا 16:32

ڈیکھو او ویلا آندے بلکہ آ گِیا ہے جو تُساں سارے تِتربِتر تھی تے آپنڑے آپنڑے گھراں کُوں ٹُر پوسو تے میکُوں کلھا چھوڑ ڈیسو۔ وَل وی مَیں کلھا نئیں کیوں جو باپ میڈے نال ہے۔

اعمال 22:1

”بِھراؤ تے بزُرگو، ہُنڑ میڈے گالھیں سُنڑو جیہڑیاں مَیں آپنڑے دفاع ءچ اکھیندا ہاں۔“

اعمال 25:16

مَیں اُنہاں کُوں ڈسایا جو رومی دستور دے مطابق کوئی بندہ سزا پاوݨ کیتے حوالہ نئیں کیتا وَنج سگدا جئیں تئیں جو اُونکُوں آپنڑے اِلزام لاوݨ آلیاں دے آمنڑے سامنڑے اُنہاں دے اِلزام دے بارے آپنڑی سچائی پیش کرݨ دا موقع نہ ڈِتا ونجے۔

اعمال 7:60

وَل اُوں گوڈے ٹیک تے وڈی اواز نال آکھیا جو ”اے خُداوند! ایہ گُناہ اِنہاں دے ذمہ نہ لا۔“ تے ایہ آکھ تے سَم گِیا۔

1کُرِنتھِیوں 13:5

بدتمیزی نئیں کریندی، خود غرضی نئیں کریندی، جلدی کاوڑ ءچ نئیں آندی، ڈُوجھیاں دی غلطی یاد نئیں رکھیندی،

1کُرِنتھِیوں 9:3

میکُوں پرکھنڑ آلیاں کیتے اِیہو میڈا جواب ہے:

2کُرِنتھِیوں 7:11

بس ڈیکھو، او ڈُکھ جیہڑا خُدا دے مقصد دے مطابق ہا، اُوں تُہاڈے ءچ کتنا جوش، آپنڑا دفاع کرݨ دا کِتنا شوق، کِتنی ناراضگی، کِتنا ڈر، کِتنی سِک تے کِتنی غیرت پیدا کر ڈِتی تے سزا ڈیوݨ دی کِتنی تیاری۔ تُساں ہر لحاظ نال ثابت کر ڈِتے جو تُساں اِیں معاملے ءچ بے قصُور ہیوے۔

فِلِپّیوں 1:17

پر ڈُوجھے خلوص دل نال نئیں بلکہ حسد دی وجہ کنُوں مسیح دی تبلیغ کریندے ہِن تاں جو قید ءچ میڈے ڈُکھ کُوں ودھاوݨ۔

فِلِپّیوں 1:7

ایہ مناسب ہے جو میں تُہاڈے ساریاں دے بارے ءچ ایجھا خیال کراں، کیوں جو تُساں ہمیشاں میڈے دل ءچ راہندے ہیوے۔ تے بھانویں میں قید ءچ ہوواں یا خوشخبری دا دفاع تے تصدیق کریندا ہوواں، تُساں میڈے نال خُدا دے فضل ءچ شریک ہیوے۔

2 تِیمُتھِیُس 1:15

تُوں جانڑدا ہیں جو آسِیہ صوبے ءچ سارے لوکاں میکُوں چھوڑ ڈِتے۔ اُنہاں ءچ فُوگلُس تے ہرمُگِنیُس وی شامل ہِن۔

2 تِیمُتھِیُس 4:10

کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

2 تِیمُتھِیُس 4:15

تُوں اُوں کنُوں خبردار راہویں کیوں جو اُوں ساڈے پیغام دی سخت مخالفت کیتی ہئی۔

1 پطرس 3:15

مسیح کُوں آپنڑے دِلاں ءچ خُداوند مَن تے مُقدّس جانڑو۔ تے جے کوئی تُہاڈے کنُوں تُہاڈی اُمید دی وجہ پُچھے تاں اُونکُوں جواب ڈیوݨ کیتے ہمیشاں تیار راہو، پر حلیمی تے خُدا دے خوف نال۔