2 تِیمُتھِیُس 4:10 - کِتاب مُقدّس سرائیکی ترجمہ

¹⁰ کیوں جو دیماس دُنیا نال محبت کر تے میکُوں چھوڑ ڈِتے تے تھِسّلُنِیکے چلیا گئے۔ تے کریسکینس گلِتیہ تے طِطُس دلمتیہ کُوں روانہ تھی گئے۔

2 تِیمُتھِیُس 4:10 Iomraidhean Croise

متّی 12:32

تے جے کوئی اِبنِ آدم دے خلاف کوئی گالھ کریسی اُونکُوں معاف کیتا ویسی، پر جیہڑا رُوح القُدس دے خلاف کوئی گالھ کریسی او اُونکُوں معاف نہ کیتی ویسی نہ اِیں جہان ءچ نہ آوݨ آلے ءچ۔

متّی 26:56

پر ایہ سبھ کُجھ اِیں واسطے تھیّا جو نبیاں دے صحیفیاں ءچ لِکھیاں ہوئیاں گالھیں پُوریاں تھیوݨ۔“ وَل سبھ شاگرد اُونکُوں چھوڑ تے بھج گئے۔

لُوقا 14:33

بس اِیں طرحاں تُہاڈے ءچوں جیہڑا کوئی آپنڑا سبھ کُجھ چھوڑ نہ ڈیوے، میڈا شاگرد نئیں تھی سگدا۔

لُوقا 16:13

کوئی نوکر ڈُو مالکاں دی خدمت نئیں کر سگدا، کیوں جو یا تاں ہِک کنُوں نفرت کریسی تے ڈُوجھے نال محبت، یا ہِک نال وفا کریسی تے ڈُوجھے کُوں حقیر جانڑسی۔ تُساں خُدا تے دولت ڈوہائیں دی خدمت نئیں کر سگدے۔“

لُوقا 17:32

لُوط دی ذال کُوں یاد رکھو۔

اعمال 13:13

وَل پولُس تے اُوندے ساتھی جہاز دے ذریعے پافُس تُوں روانہ تھی تے پمفِیلیہ صوبے دے شہر پِرگہ ءچ آئے۔ اُتھاں یُوحنّا اُنہاں کُوں چھوڑ تے یروشلیم کُوں واپس وَل گِیا۔

اعمال 15:38

پر پولُس ایہ مناسب نہ سمجھیا جو جیہڑے بندے اُنہاں نال پمفِیلیہ ءچ ونجنڑ تُوں کنارہ کیتا تے اِیں کم کیتے اُنہاں دے نال نہ گِیا ہا، اُونکُوں نال گِھن ونجُوں۔

اعمال 16:6

وَل پولُس تے سِیلاس فروگیہ تے گلِتیہ دے علاقے ءچوں لنگھے کیوں جو رُوح القُدس اُنہاں کُوں آسِیہ ءچ کلام سُنڑاوݨ تُوں روک ڈِتا ہا۔

اعمال 17:1

اِیندے بعد پولُس تے سِیلاس، امفِپُلِس تے اَپُلّونیہ ءچوں تھیندے ہوئے تھِسّلُنِیکے آئے جِتھاں یہُودیاں دا ہِک عبادت خانہ ہا۔

اعمال 17:11

ایہ لوک تھِسّلُنِیکے دے لوکاں کنُوں زیادہ چنگے ہَن کیوں جو اُنہاں پیغام کُوں بہُوں شوق نال قبول کیتا تے او ہر روز خُدا دے کلام دا مطالعہ کریندے ہَن جو واقعی ایہ گالھیں اِینویں ای ہِن یا نئیں۔

اعمال 17:13

جِیں ویلے تھِسّلُنِیکے دے یہُودیاں کُوں پتہ لگیا جو پولُس بیرِیہ ءچ خُدا دے کلام دی تبلیغ کریندا پِیا ہے تاں او اُتھاں وی آ پُجے تے لوکاں کُوں ہنگامہ کرݨ اُتے اُکساوݨ لگے۔

اعمال 18:23

انطاکِیہ ءچ کُجھ عرصہ گُزارݨ تُوں بعد پولُس اُتھوں روانہ تھیّا تے گلِتیہ تے فروگیہ دے سارے علاقیاں ءچوں لنگھدے ہوئے سبھ شاگرداں دے اِیمان کُوں مضبوط کریندا گِیا۔

2کُرِنتھِیوں 2:13

وَل وی میکُوں دِلی سکون نہ تھیّا کیوں جو میکُوں میڈا بِھرا طِطُس اُتھاں نہ مِلیا ہا۔ اِیں واسطے مَیں اُنہاں لوکاں تُوں رُخصت تھی تے مَکِدُنیہ روانہ تھی گِیا۔

2کُرِنتھِیوں 7:6

وَل وی خُدا جیہڑا مایُوس لوکاں کُوں حوصلہ ڈیندے، طِطُس کُوں اُتھاں بھیج تے ساکُوں تسلی ڈِتی۔

2کُرِنتھِیوں 8:16

خُدا دا شُکر ہے جئیں تُہاڈے کیتے طِطُس دے دل ءچ ایجھا جوش پیدا کیتے جِینویں میڈا تُہاڈے کیتے ہے۔

2کُرِنتھِیوں 8:23

جے کوئی طِطُس دے بارے ءچ پُچھے تاں او میڈا ساتھی تے تُہاڈی مدد کرݨ کیتے میڈا نال خدمت کریندے۔ جے بئے بِھرانواں دے بارے ءچ سوال ہووے تاں او کلیسیاواں دے نمائندے تے مسیح دے جلال دا سبب ہِن۔

2کُرِنتھِیوں 8:6

اِیں واسطے اساں طِطُس کُوں نصیحت کیتی جو جِینویں اُوں اِیں خیرات دے کم کُوں پہلے شروع کیتا ہا، اُونویں ای تُہاڈے ءچ اِیں کم کُوں پُورا کرے۔

گلتِیوں 1:2

تے او سارے مسیحی بِھرا وی جیہڑے میڈے نال ہِن، گلِتیہ دی کلیسیاواں کُوں سلام آدھن۔

فِلِپّیوں 2:21

سبھ آپنڑے آپنڑے گالھیں دی فِکر ءچ ہِن نہ جو یسُوع مسیح دی۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

1 تِیمُتھِیُس 6:17

اِیں موجودہ جہان دے دولت منداں کُوں حُکم ڈے جو او مغرُور نہ تھیوݨ تے دولت جیہی غیر یقینی چیز اُتے اُمید نہ رکھنڑ بلکہ خُدا اُتے، جیہڑا ساڈی خوشی کیتے ساریاں چیزاں ساکُوں کثرت نال ڈیندے۔

2 تِیمُتھِیُس 1:15

تُوں جانڑدا ہیں جو آسِیہ صوبے ءچ سارے لوکاں میکُوں چھوڑ ڈِتے۔ اُنہاں ءچ فُوگلُس تے ہرمُگِنیُس وی شامل ہِن۔

2 تِیمُتھِیُس 4:16

عدالت ءچ میڈی پہلی پیشی ویلے کوئی میڈی مدد کیتے نہ آیا بلکہ ساریاں میکُوں چھوڑ ڈِتا۔ خُدا اُنہاں تُوں اِیندا حساب نہ گِھنے۔

طِطُس 1:4

ایہ خط طِطُس دے ناں ہے جیہڑا اِیمان دی شراکت دے مطابق میڈا سچا فرزند ہے۔ تیکُوں خُدا باپ تے ساڈے نجات ڈیوݨ آلے مسیح یسُوع دی طرفوں فضل تے اِطمینان حاصل تھیندا راہوے۔

فِلیمون 1:24

تے مرقس، ارِسترخُس، دیماس تے لُوقا وی جیہڑے میڈے نال خدمت کریندے ہِن، تیکُوں سلام آدھے ہِن۔

2 پطرس 2:15

او صحیح راہ کُوں چھوڑ تے گُمراہ تھی گئے ہِن تے بلعام بِن بعور دے رستے اُتے ٹُردے پئے ہِن جئیں بُرے کماں دی مزدُوری کُوں پسند کیتا۔