2 تِیمُتھِیُس 4:1 - کِتاب مُقدّس سرائیکی ترجمہ

¹ مَیں خُدا تے یسُوع مسیح کُوں جیہڑا زندیاں تے مُردیاں دی عدالت کریسی، گواہ بنڑا تے مسیح دے ظہور تے بادشاہی دی یاد ڈیوا تے تیکُوں تاکید کریندا ہاں،

2 تِیمُتھِیُس 4:1 Iomraidhean Croise

متّی 16:27

کیوں جو اِبنِ آدم آپنڑے باپ دے جلال ءچ آپنڑے فرشتیاں نال آسی۔ اُوں ویلے ہر ہِک کُوں اُوندے کماں دے مطابق اجر ڈیسی۔

لُوقا 19:12

بس اُوں آکھیا: ”ہِک امیر بندہ دُور دراز مُلک کُوں روانہ تھیّا تاں جو آپنڑے لوکاں دا بادشاہ مقرر تھیوے تے وَل آوے۔

لُوقا 19:15

جِیں ویلے او بادشاہی حاصل کر تے ولیا تاں اُنہاں نوکراں کُوں سڈوایا جِنہاں کُوں اشرفیاں ڈِتیاں ہَن، تاں جو معلوم کرے جو اُنہاں لین دین نال کیا کمائے۔

لُوقا 23:42

وَل اُوں آکھیا، ”یسُوع! جِیں ویلے تُساں آپنڑی بادشاہی ءچ آؤ تاں میکُوں یاد کرائے۔“

اعمال 10:42

تے اُوں ساکُوں حُکم ڈِتا جو لوکاں ءچ تبلیغ کرُوں تے گواہی ڈیؤں جو ایہ اُوہو ہے جیہڑا خُدا دی طرفوں زندیاں تے مُردیاں دا مُنصف مقرر کیتا گئے۔

اعمال 17:31

کیوں جو اُوں ہِک ڈینہہ مقرر کر ڈِتے جِیں ویلے او عدل نال ساری دُنیا دی عدالت اُوں بندے دے ذریعے کریسی جِینکُوں اُوں مقرر کیتا ہے۔ تے اُونکُوں مُردیاں ءچوں زندہ کر تے ایہ گالھ سارے اِنساناں اُتے ثابت کر ڈِتی ہے۔“

رومیوں 2:16

ایہ اُوں ڈینہہ تھیسی جڈاں خُدا یسُوع مسیح دے وسیلے اِنساناں دیاں لُکیاں گالھیں دا اِنصاف کریسی جِینویں مَیں خوشخبری سُنڑیندا ہاں۔

کلُسِّیوں 3:4

جِیں ویلے مسیح جیہڑا تُہاڈی زندگی ہے، ظاہر تھیسی تاں تُساں وی اُوندے نال جلال ءچ ظاہر تھیسو۔

2تھِسّلُنیکیوں 2:8

وَل او بدکار ظاہر تھیسی جِینکُوں خُداوند یسُوع آپنڑے مُنہ دی پُھوک نال مار سٹیسی تے آپنڑی آمد دے جلال نال برباد کر ڈیسی۔

1 تِیمُتھِیُس 5:21

مَیں خُدا، مسیح یسُوع تے چُنڑے ہوئے فرشتیاں کُوں گواہ بنڑا تے تیکُوں تاکید کریندا ہاں جو اِنہاں گالھیں اُتے بغیر تعصب تے بغیر طرفداری دے عمل کر۔

2 تِیمُتھِیُس 1:10

پر ہُنڑ او ساڈے نجات ڈیوݨ آلے یسُوع مسیح دے آوݨ نال ظاہر تھئے۔ اُوں موت دی طاقت کُوں ختم کر ڈِتا تے غیر فانی زندگی کُوں آپنڑی خوشخبری دے وسیلے نال روشن کر ڈِتا۔

2 تِیمُتھِیُس 2:14

ایہ گالھیں لوکاں کُوں یاد ڈیوا، تے خُداوند کُوں گواہ بنڑا تے اُنہاں کُوں تاکید کر جو لفظاں دے بارے ءچ تکرار نہ کرݨ کیوں جو اِیں تُوں کُجھ حاصل نئیں تھیندا بلکہ سُنڑݨ آلے وِگڑ ویندے ہِن۔

2 تِیمُتھِیُس 4:18

خُداوند میکُوں ہر بُرے حملے کنُوں بچیسی تے سلامتی نال آپنڑی اسمانی بادشاہی ءچ پُچیسی۔ اُوندی تعریف ہمیشاں تئیں تھیندی راہوے۔ آمین۔

2 تِیمُتھِیُس 4:8

ہُنڑ راستبازی دا تاج میڈے کیتے رکھیا ہے۔ ایہ تاج خُداوند جیہڑا عادل مُنصف ہے میکُوں آپنڑے واپس آوݨ دے ڈینہہ ڈیسی۔ تے نہ صرف میکُوں بلکہ اُنہاں ساریاں کُوں وی جِنہاں اُوندے ظاہر تھیوݨ دی سِک رکھی ہے۔

طِطُس 2:13

تے نال نال اُوں مُبارک اُمید یعنی آپنڑے عظیم خُدا تے نجات ڈیوݨ آلے یسُوع مسیح دے جلال ظاہر تھیوݨ دے اِنتظار ءچ راہوں۔

1 پطرس 1:7

تاں جو تُہاڈا ازمایا ہویا اِیمان جیہڑا بھاہ نال خالص کیتے ہوئے فانی سونے تُوں وی بہُوں قیمتی ہے، اصلی ثابت تھی ونجے تے یسُوع مسیح دے ظہور دے ڈینہہ تعریف، جلال تے عزت مِلنڑ دا سبب ہووے۔

1 پطرس 4:5

پر اُنہاں کُوں اُونکُوں حساب ڈیونڑا پوسی جیہڑا زندیاں تے مُردیاں دی عدالت کرݨ کُوں تیار ہے۔

1 پطرس 5:4

وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

2 پطرس 1:11

بلکہ اِیندے نال تُساں ساڈے خُداوند تے نجات ڈیوݨ آلے یسُوع مسیح دی ابدی بادشاہی ءچ وڈی عزت نال داخل کیتے ویسو۔

2 پطرس 1:17

اُوں خُدا باپ تُوں اُوں ویلے عزت تے جلال پایا، جِیں ویلے اُوں عظیم جلال ءچوں اُونکُوں ایہ اواز آئی جو ”ایہ میڈا پیارا پوتر ہے جیندے تُوں مَیں بہُوں خوش ہاں۔“

1 یُوحنّا 2:28

ہُنڑ پیارے بالو! مسیح ءچ قائم راہو تاں جو جِیں ویلے او ظاہر تھیوے تاں ساکُوں اعتماد ہووے تے اُوندے آوݨ اُتے اساں اُوندے سامنڑے شرمندہ نہ تھیؤں۔

مُکاشفہ 1:7

”ڈیکھو او بدلاں اُتے آوݨ آلا ہے تے ہر اکھ اُونکُوں ڈیکھسی جِنہاں اُونکُوں چھیدیا ہا او وی ڈیکھسن تے زمین دیاں سبھ قوماں اُوندے سببّوں دھاڑپِٹ کریسن ہا، اِینویں ای تھیوے۔ آمین۔“