2 تِیمُتھِیُس 3:8 - کِتاب مُقدّس سرائیکی ترجمہ

⁸ جِینویں جادُوگر ینیّس تے یمبریس مُوسیٰ دی مخالفت کیتی ہئی، اُونویں ای ایہ لوک وی سچائی دی مخالفت کریندے ہِن۔ اُنہاں دا دماغ وِگڑ گئے ہِن تے ایہ اِیمان دے لحاظ نال نا مقبول ہِن۔

2 تِیمُتھِیُس 3:8 Iomraidhean Croise

اعمال 15:24

کیوں جو اساں سُنڑیا ہے جو ساڈے ءچوں کُجھ لوکاں جِنہاں کُوں اساں حُکم نہ ڈِتا ہا تُہاکُوں آپنڑے گالھیں نال پریشان کر ڈِتے۔

رومیوں 1:28

تے جِینویں اُنہاں خُدا کُوں جاننڑاں پسند نہ کیتا، اِینویں ای خُدا وی اُنہاں کُوں گندے خیالاں دے حوالے کر ڈِتا جو نامناسب کم کرݨ۔

رومیوں 16:18

کیوں جو ایجھے لوک ساڈے خُداوند مسیح دی نئیں بلکہ آپنڑے پیٹ دی خدمت کریندے ہِن۔ او آپنڑے مِٹھے تے خوشامد دے گالھیں نال اُنہاں لوکاں کُوں دوکھا ڈیندے ہِن، جیہڑے کُجھ نئیں جانڑدے۔

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

1 تِیمُتھِیُس 1:19

تے اِیمان تے نیک نیّتی اُتے قائم راہویں کیوں جو کُجھ لوکاں اِینکُوں رَد کر ڈِتے، تے آپنڑے اِیمان دا بیڑا غرق کر گِھدے۔

1 تِیمُتھِیُس 4:2

ایہ تعلیم اُنہاں کُوڑے آدمیاں دی منافقت دی وجہ کنُوں آندی ہے جِنہاں دے ضمیر سڑ تے بے حِس تھی گئے ہِن۔

1 تِیمُتھِیُس 6:5

تے اُنہاں لوکاں ءچ جِنہاں دی عقل وِگڑ گئی ہے، جھیڑے پیدا تھیندے ہِن۔ سچائی اُنہاں کنُوں چِھک گِھدی گئی ہے تے او دینداری کُوں نفع دا ذریعہ سمجھدے ہِن۔

2 تِیمُتھِیُس 4:15

تُوں اُوں کنُوں خبردار راہویں کیوں جو اُوں ساڈے پیغام دی سخت مخالفت کیتی ہئی۔

طِطُس 1:10

کیوں جو بہُوں سارے لوک باغی، فضول گالھیں کرݨ آلے تے دغاباز ہِن، خاص کر او جیہڑے ختنہ کراوݨ اُتے زور ڈیندے ہِن۔

طِطُس 1:16

او خُدا دی پچھاݨ دا دعویٰ تاں کریندے ہِن پر آپنڑے کماں تُوں اُوندا اِنکار کریندے ہِن، کیوں جو او مکرُوہ تے نافرمان ہِن تے کوئی نیک کم کرݨ دے قابل نئیں۔

2 پطرس 2:14

اُنہاں دے اکھیں ہر ویلے زِناکار عورتاں دی گولھ ءچ راہندیاں ہِن، تے گُناہ کرݨ تُوں کڈھائیں باز نئیں آندیاں۔ او کمزور لوکاں کُوں غلط کم کرݨ کیتے ورغلیندے ہِن تے لالچ کرݨ ءچ ماہر ہِن۔ او لعنتی ہِن۔

1 یُوحنّا 2:18

بالو! ایہ دُنیا دا آخری ویلا ہے۔ جِینویں تُساں سُنڑیا ہے جو مسیح دا مخالف آوݨ آلا ہے، اُوندے مطابق ہُنڑ مسیح دے بہُوں سارے مخالف اُٹھی کھڑے تھئے ہِن۔ اِیں تُوں ساکُوں پتہ چلدے جو آخری ویلا آ گئے۔

1 یُوحنّا 4:1

عزیزو! تُساں ہر ہِک رُوح دا یقین نہ کرو بلکہ رُوحاں کُوں پرکھو جو او خُدا دی طرفوں ہِن یا نئیں۔ کیوں جو بہُوں سارے کُوڑے نبی دُنیا ءچ نِکل آئے ہِن۔

مُکاشفہ 2:20

پر میکُوں تیڈے تُوں ایہ شکایت ہے جو تَیں اُوں عورت اِیزبل کُوں جیہڑی آپنڑے آپ کُوں نبِیّہ آدھی ہے، نئیں روکیا۔ او میڈے خادماں کُوں تعلیم ڈے تے گُمراہ کریندی ہے جو او بُتاں کُوں پیش کیتیاں گئیاں قُربانیاں دا گوشت کھاوݨ تے حرامکاری کرݨ۔

مُکاشفہ 2:6

پر ایہ گالھ تیڈے حق ءچ ہے جو تُوں نِیکُلیاں دے کماں تُوں نفرت کریندیں جِنہاں تُوں مَیں وی نفرت کریندا ہاں۔