2 تِیمُتھِیُس 3:6 - کِتاب مُقدّس سرائیکی ترجمہ

⁶ اِنہاں ءچ کُجھ ایجھے وی ہِن جیہڑے چُپ چپیتے گھراں ءچ وڑ آندے ہِن تے چھچھوری عورتاں کُوں آپنڑے قابو ءچ کر گِھندے ہِن جیہڑیاں گُناہاں ءچ دبیاں ہوندیاں ہِن تے طرحاں طرحاں دیاں بُریاں خواہشاں دے تابع راہندیاں ہِن۔

2 تِیمُتھِیُس 3:6 Iomraidhean Croise

متّی 11:28

محنت کرݨ آلیو تے بھار تلے دبے ہوئے لوکو! سبھ میڈے کولھ آؤ۔ مَیں تُہاکُوں آرام ڈیساں۔

متّی 23:13

منافق شریعت دے عالمو تے فریسیو، تُہاڈے اُتے افسوس۔ تُساں اسمان دی بادشاہی لوکاں کیتے بند کریندے ہیوے۔ نہ تاں آپ داخل تھیندے ہیوے تے نہ اُنہاں کُوں جیہڑے داخل تھیوݨ چاہندے ہِن داخل تھیوݨ ڈیندے ہیوے۔

متّی 23:14

[منافق شریعت دے عالمو تے فریسیو، تُہاڈے اُتے افسوس۔ تُساں بیوہ عورتاں دے گھراں اُتے قبضہ کر گِھندے ہیوے تے ڈِکھاوݨ کیتے لمبیاں لمبیاں دُعاواں کریندے ہیوے۔ تُہاکُوں زیادہ سزا مِلسی۔]

متّی 4:24

یسُوع دی شُہرت سارے سُوریہ ءچ تھی گئی تے لوک سبھ بیماراں کُوں جیہڑے طرحاں طرحاں دیاں بیماریاں تے تکلیفاں دے وکھیڑے ءچ ہَن تے جیہڑے مِرگی دے مریض ہَن، تے مفلُوج ہَن، تے جِنہاں ءچ بدرُوحاں ہَن اُوندے کولھ گِھن آئے تے اُوں اُنہاں کُوں شِفا ڈِتی۔

مرقس 4:19

پر دُنیا دی فِکر تے دولت دا فریب تے ڈُوجھیاں چیزاں دا لالچ آ تے کلام کُوں دبا ڈیندے تے اُونکُوں پھل نئیں لگ دا۔

1کُرِنتھِیوں 12:2

تُساں جانڑدے ہیوے جو جیہڑے ویلے تُساں غیر اِیماندار ہَوے تاں تُساں گُونگے بُتاں دے پِچُھوں ٹُردے ہَوے، جِینویں وی کوئی تُہاکُوں گِھن ویندا ہا۔

1 تِیمُتھِیُس 5:6

پر جیہڑی بیوہ عیاشی ءچ زندگی گُزریندی ہے، او زندہ ہوندے ہوئے وی مُردہ ہے۔

1 تِیمُتھِیُس 6:9

جیہڑے لوک دولت مند تھیوݨ چاہندے ہِن، او ازمائش ءچ پے تے بہُوں فضول تے نُقصان پُچاوݨ آلیاں خواہشاں دے پھندے ءچ پَھس ویندے ہِن تے تباہی تے ہلاکت دے دریا ءچ غرق تھی ویندے ہِن۔

طِطُس 1:11

ایجھے لوکاں دا مُنہ بند کرݨ ضروری ہے، اِیں واسطے جو او ناجائز نفع دی خاطر غلط تعلیم سِکھا تے گھراں دے گھر برباد کر ڈیندے ہِن۔

طِطُس 3:3

اساں وی ہِک وقت نادان، نافرمان تے گُمراہ ہسے تے ہر طرحاں دیاں خواہشاں تے عیاشیاں دی غُلامی ءچ ہسے، تے کینہ تے حسد ءچ زندگی گُزریندے پئے ہسے۔ ڈُوجھے ساڈے تُوں نفرت کریندے ہَن تے اساں ڈُوجھیاں تُوں۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

2 پطرس 3:17

اِیں واسطے عزیزو! تُساں جیہڑے اِنہاں گالھیں تُوں پہلے ای خبردار ہیوے، ہوشیار راہو، اِینویں نہ تھیوے جو بدکاراں دے غلط گالھیں تُہاکُوں گُمراہ کر تے محفوظ جاہ تُوں ہٹا ڈیوݨ۔

یہُوداہ 1:16

ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔

یہُوداہ 1:18

اُنہاں تُہاکُوں آکھیا ہا جو ”آخری ڈینہاں ءچ ٹھٹّھا کرݨ آلے نِکلسن جیہڑے آپنڑی بے دینی دیاں خواہشاں دے پِچُھوں ٹُرسن۔“

یہُوداہ 1:4

کُجھ بدکار لوک لُک تے تُہاڈے وچال آ گئے ہِن جیہڑے ساڈے خُدا دے فضل کُوں آپنڑی شہوت پرستی دا بہانہ بنڑائی پئے ہِن، تے ساڈے واحد مالک تے خُداوند یسُوع مسیح دا اِنکار کریندے ہِن۔ ایجھے لوکاں دی سزا دا حُکم بہُوں پہلے کنُوں ای لِکھ ڈِتا گِیا ہا۔