2 تِیمُتھِیُس 3:2 - کِتاب مُقدّس سرائیکی ترجمہ

² لوک خود غرض، پیسیاں دے لالچی، شیخی مارݨ آلے، تکبر کرݨ آلے، چُغلی کرݨ آلے، ماء پِیُو دے نا فرمان، نا شُکرے، ناپاک،

2 تِیمُتھِیُس 3:2 Iomraidhean Croise

متّی 15:6

تاں او اُوں چیز نال آپنڑے ماء پِیُو دی خدمت بےشک نہ کرے۔ بس تُساں آپنڑی رسم نال خُدا دے کلام کُوں بے اثر کر ڈِتے۔

لُوقا 12:15

تے اُوں اُنہاں کُوں آکھیا، ”خبردار! آپنڑے آپ کُوں ہر قِسم دے لالچ کنُوں بچائی رکھو، کیوں جو کہیں اِنسان دی زندگی دا بھروسہ اُوندے مال دولت دی کثرت اُتے نئیں۔“

لُوقا 16:14

فریسی جیہڑے پیسے نال پیار کریندے ہَن، اِنہاں سبھ گالھیں کُوں سُنڑ تے اُوندا مذاق اُڈاوݨ لگے۔

لُوقا 6:35

پر تُساں آپنڑے دُشمنڑاں نال محبت رکھو تے بھلائی کرو۔ تے واپس مِلنڑ دی اُمید دے بغیر قرضہ ڈیؤ، تاں تُہاڈا اجر وڈا ہوسی تے تُساں خُدا تعالیٰ دے فرزند ہوسو، کیوں جو او ناشُکریاں تے بداں اُتے وی مہربان ہے۔

اعمال 5:36

کیوں جو کُجھ عرصہ پہلے تھیُوداس اُٹھیا ہا تے دعویٰ کیتا ہا جو مَیں وی کوئی چیز ہاں تے تقریباً چار سو بندے اُوندے نال رَل گئے ہَن۔ پر او ماریا گِیا تے جِتّی اُوندے مننڑ آلے ہَن، سارے تِتربِتر تھی گئے تے اُوندا دعویٰ ختم تھی گِیا۔

رومیوں 11:18

پر تُوں اُنہاں تروٹیاں لڑیاں دے مُقابلہ ءچ فخر نہ کر۔ جے فخر کریں تاں یاد رکھ جو تُوں جڑھ کُوں نئیں بلکہ جڑھ تیکُوں سنبھالی کھڑی ہے۔

2کُرِنتھِیوں 5:15

تے او اِیں واسطے ساریاں دی خاطر مویا جو جیہڑے زندہ ہِن او اگُوں تے آپنڑے کیتے زندہ نہ راہوݨ بلکہ صرف اُوندے کیتے جیہڑا اُنہاں کیتے مویا تے ولا زندہ تھی گِیا۔

فِلِپّیوں 2:21

سبھ آپنڑے آپنڑے گالھیں دی فِکر ءچ ہِن نہ جو یسُوع مسیح دی۔

کلُسِّیوں 3:5

بس تُساں آپنڑیاں دُنیاوی خواہشاں کُوں ختم کر ڈیؤ یعنی زِنا کاری، ناپاکی، شہوت پرستی، بُریاں خواہشاں تے لالچ کُوں جیہڑا بُت پرستی دے برابر ہے۔

2تھِسّلُنیکیوں 2:4

او ہر ہِک دی مخالفت کریسی جیہڑا معبُود اکھویندے یا جیندی پُوجا تھیندی ہے تے آپنڑے آپ کُوں اُنہاں تُوں وڈا بنڑیسی۔ اِتُھوں تئیں جو او خُدا دی ہیکل ءچ بہہ تے دعویٰ کریسی جو او خُدا ہے۔

1 تِیمُتھِیُس 1:20

اُنہاں ءچ ہُمِنِیُس تے سکندر وی ہِن، جِنہاں کُوں مَیں شیطان دے حوالے کر ڈِتے تاں جو او کُفر بَکنڑ کنُوں باز راہونڑا سِکھنڑ۔

1 تِیمُتھِیُس 1:9

اساں ایہ وی جانڑدے ہیں جو شریعت راستبازاں کیتے نئیں بلکہ بے شرع لوکاں، باغیاں، بدکاراں، گُنہگاراں، ناپاکاں، بے دیناں، ماء پِیُو کُوں قتل کرݨ آلیاں، خونیاں

1 تِیمُتھِیُس 3:3

او شرابی تے مار کُٹائی کرݨ آلا نہ ہووے بلکہ نرم دل ہووے۔ او بحث کرݨ آلا تے پیسیاں دا لالچی نہ ہووے۔

1 تِیمُتھِیُس 6:10

کیوں جو پیسیاں دا لالچ ہر قِسم دی بُرائی دی جڑھ ہے تے کُجھ لوک دولت دے لالچ ءچ آ تے آپنڑے اِیمان تُوں گُمراہ تھی گئے تے آپنڑے آپ کُوں بہُوں ڈُکھ ڈِتے۔

1 تِیمُتھِیُس 6:4

تاں او مغرُور ہے تے کُجھ نئیں جانڑدا۔ اُونکُوں فضول بحث تے لفظاں دے بارے ءچ تکرار کرݨ دا مرض ہے جِیندا نتیجہ حسد، جھیڑے، بدگوئیاں تے ڈُوجھیاں دے بارے ءچ بُری سوچ رکھنڑ ہے،

2 تِیمُتھِیُس 3:4

دوکھے باز، بے پرواہ، مغرُور تے خُدا دی نسبت عیش و عشرت کُوں زیادہ پسند کرݨ آلے ہوسن۔

یعقُوب 2:8

پر جے تُساں خُدا دے کلام دے اِیں شاہی فرمان اُتے جو ”آپنڑے ہمسائے نال آپنڑے وانگُوں محبت رکھ“ عمل کریندے ہیوے تاں چنگا کریندے ہیوے۔

یعقُوب 4:16

پر تُساں شیخی مریندے تے اُوندے اُتے فخر کریندے ہیوے۔ اِیں طرحاں دا سارا فخر بُرا ہے۔

یعقُوب 4:6

پر او تاں ساکُوں زیادہ توفیق ڈیندے۔ اِیں واسطے کلام ءچ آکھیا گئے جو، ”خُدا مغرُوراں دا مُقابلہ کریندے پر عاجزی کرݨ آلیاں اُتے مہربانی کریندے۔“

1 پطرس 5:5

اِینویں ای نوجوانو، تُساں بزُرگاں دے تابع راہو تے عاجزی نال ہِک ڈُوجھے دی خدمت کریندے راہو کیوں جو ”خُدا مغرُوراں دی مُقابلہ کریندے پر عاجزی کرݨ آلیاں اُتے مہربانی کریندے۔“

2 پطرس 2:10

خاص کر اُنہاں کُوں جیہڑے آپنڑے جِسم دیاں گندیاں خواہشاں دی پیروی کریندے ہِن تے اِختیار کُوں حقیر سمجھدے ہِن۔ ایہ لوک گُستاخ تے مغرُور ہِن تے جلالی ہستیاں دی توہین کرݨ تُوں نئیں ڈردے۔

2 پطرس 2:12

پر ایہ کُوڑے اُستاد، آپنڑی فطرت اُتے چلنڑ آلے ناسمجھ جانوراں وانگُوں ہِن جیہڑے اِیں واسطے پیدا تھئے ہِن جو اُنہاں کُوں پکڑیا تے ختم کیتا ونجے۔ او اُوندی توہین کریندے ہِن جیہڑا کُجھ او نئیں سمجھدے، تے اُنہاں دی بربادی ءچ او وی برباد تھی ویسن۔

2 پطرس 2:18

ایہ لوک غرور دیاں فضول گالھیں کریندے ہِن، تے بے ہُودہ جسمانی خواہشاں نال ایجھے لوکاں کُوں ورغلیندے ہِن جیہڑے گُمراہی ءچ راہوݨ آلیاں ءچوں ہُنڑیں ہُنڑیں بچ نِکلے ہِن۔

2 پطرس 2:3

لالچ دے سببّوں ایہ اُستاد فرضی گالھیں سُنڑا تے تُہاڈے تُوں ناجائز فائدہ چیسن۔ پر اُنہاں دی سزا دا حُکم بہُوں پہلے کنُوں تھی گئے، تے او سزا تیار ہے تے اُنہاں دی ہلاکت ءچ دیر نہ تھیسی۔

یہُوداہ 1:16

ایہ لوک ہمیشاں بَک بَک تے عیب جوئی کریندے ہِن تے آپنڑیاں خواہشاں دے پِچُھوں ٹُردے ہِن تے آپنڑے بارے ءچ وڈے بول بُولیندے ہِن تے آپنڑے فائدے کیتے ڈُوجھیاں دی خوشامد کریندے ہِن۔

مُکاشفہ 13:1

وَل مَیں ہِک حیوان کُوں سمندر ءچوں نِکلدے ڈِٹھا۔ اُوندے ڈاہ سینگ تے سَت سر ہَن تے سینگاں اُتے ڈاہ تاج ہَن۔ اُوندے ہر سر اُتے کُفر دے ناں لِکھے ہَن۔

مُکاشفہ 16:11

تے آپنڑے ڈُکھاں تے مَلّیاں دی وجہ کنُوں اسمان دے خُدا دے ناں دی توہین کرݨ لگے پر اُنہاں آپنڑے کماں تُوں توبہ نہ کیتی۔

مُکاشفہ 16:21

تے اسمان کنُوں لوکاں اُتے مَنڑ مَنڑ دے ننڑاوے ڈھٹھے۔ ایہ آفت بہُوں ای سخت ہئی، اِیں واسطے لوک ننڑاوے ڈھاوݨ دی آفت دی وجہ کنُوں خُدا دے ناں دی توہین کرݨ لگے۔

مُکاشفہ 16:9

لوک گرمی دی شِدت پارُوں سڑ گئے تے خُدا دے ناں دی توہین کرݨ لگے، جیہڑا اِنہاں آفتاں اُتے اِختیار رکھیندے۔ اُنہاں توبہ کرݨ تے خُدا دی تعریف کرݨ تُوں اِنکار کر ڈِتا۔