2 تِیمُتھِیُس 3:10 - کِتاب مُقدّس سرائیکی ترجمہ

¹⁰ پر تُوں تعلیم ءچ، چال چلنڑ ءچ، مقصد ءچ، اِیمان ءچ، صبر ءچ، محبت ءچ، برداشت ءچ،

2 تِیمُتھِیُس 3:10 Iomraidhean Croise

لُوقا 1:3

مَیں وی ہر گالھ دا شروع کنُوں ٹھیک ٹھیک پتہ کیتا ہے، اِیں واسطے مَیں مناسب سمجھیا جو اِنہاں کُوں تُہاڈے کیتے ترتیب نال لِکھاں،

اعمال 11:23

جِیں ویلے او اُتھاں پُجیا تاں لوکاں اُتے خُدا دا فضل ڈیکھ تے بہُوں خوش تھیّا تے اُنہاں سبھ کُوں نصیحت کیتی جو پُورے دل نال خُداوند دے وفادار بنڑے راہو۔

اعمال 2:42

تے ایہ لوک رسُولاں کنُوں تعلیم گِھننڑ، رفاقت رکھنڑ، کٹھے روٹی کھاوݨ تے دُعا کرݨ ءچ لگے ریہے۔

اعمال 20:18

جِیں ویلے او آئے تاں اُنہاں کُوں آکھیا، ”تُساں جانڑدے ہیوے جو جئیں ڈینہہ تُوں مَیں آسِیہ ءچ پیر رکھیا ہے میڈی زندگی تُہاڈے سامنڑے کیجھی لنگھدی پئی ہے۔

اعمال 26:4

یہُودی چنگی طرحاں جانڑدے ہِن جو پہلے آپنڑی قوم ءچ تے اُوندے بعد یروشلیم ءچ جوانی تُوں میڈا کردار کیجھا ہا۔

رومیوں 16:17

ہُنڑ بِھراؤ! مَیں تُہاڈی مِنت کریندا ہاں جو اُنہاں لوکاں تُوں خبردار راہو جیہڑے پارٹی بازی کرویندن تے اُوں تعلیم دے خلاف جیہڑی تُہاکُوں مِلی ہے، تعلیم ڈے تے تُھڈا کھواوݨ دا سبب ہِن۔ اُنہاں تُوں دُور راہو۔

2کُرِنتھِیوں 1:17

جِیں ویلے مَیں اِرادہ کیتا تاں کیا بغیر سوچے سمجھے کیتا ہا؟ یا جیہڑے منصوبے بنڑیندا ہاں کیا دُنیاوی لوکاں آلی کار بنڑیندا ہاں جو ”ہاں ہاں“ وی کراں تے ”نہ نہ“ وی؟

اِفِسیوں 4:14

وَل اساں اگُوں تے بال نہ راہسوں تے غلط تعلیم دی ہر تیز ہوا نال پانڑی دیاں چھلاں وانگُوں اِڈے اُڈے واہندے نہ راہوں، تے چالباز تے مکار لوکاں دے گُمراہ کر ڈیوݨ آلے منصوبیاں دا شکار نہ بنڑوں۔

فِلِپّیوں 2:20

کیوں جو میڈے کولھ اُوندے جِیہا بِیا کوئی نئیں جیہڑا سچے دل نال تُہاڈی فِکر کریندا ہووے۔

فِلِپّیوں 2:22

پر تُساں تاں جانڑدے ہیوے جو تِیمُتِھیُس بھروسے دے لائق ثابت تھئے کیوں جو جِینویں پوتر پِیُو نال کم کریندے، اُونویں ای اُوں میڈے نال رَل تے خوشخبری دی تبلیغ کرݨ دی خدمت کیتی ہے۔

1تھِسّلُنیکیوں 1:5

کیوں جو ساڈی خوشخبری صرف لفظاں نال نئیں بلکہ قُدرت، رُوح القُدس تے پُورے یقین نال تُہاڈے تئیں پُجی ہے۔ تُساں جانڑدے ہیوے جو اساں تُہاڈے وچال تُہاڈی خاطر کِینویں زندگی گُزریندے ہسے۔

1 تِیمُتھِیُس 1:3

مَیں مَکِدُنیہ دو روانہ تھیندے ویلے تیکُوں نصیحت کیتی ہئی جو تُوں اِفِسُس ءچ رہ تے، غلط تعلیم ڈیوݨ آلیاں کُوں تاکید کر جو او اِینویں کرݨ تُوں باز آ ونجنڑ،

1 تِیمُتھِیُس 4:6

تِیمُتِھیُس جے تُوں بِھرانواں کُوں ایہ گالھیں یاد کرویسیں تاں مسیح یسُوع دا چنگا خادم ہوسیں، ایجھا خادم جئیں اُوں اِیمان تے چنگی تعلیم دے گالھیں نال پرورش پاتی ہووے جیندے اُتے تُوں عمل کریندا آ یا ہیں۔

1 تِیمُتھِیُس 6:11

پر تُوں خُدا دے بندے، اِنہاں کنُوں بھج تے راستبازی، دینداری، اِیمان، محبت، صبر تے نرم دِلی دا طالب تھی۔

2 تِیمُتھِیُس 2:22

جوانی دیاں بُریاں خواہشاں کنُوں بھج۔ جیہڑے لوک پاک دل نال خُداوند تُوں دُعا کریندے ہِن اُنہاں دے نال رَل تے راستبازی، اِیمان، محبت تے صُلح دے پِچُھوں لگا رہ۔

2 تِیمُتھِیُس 4:2

جو تُوں کلام دی تبلیغ کر، تے اِیندے کیتے چنگے ماڑے ویلے تیار رہ، بہُوں صبر نال تے تعلیم ڈیندے ہوئے لوکاں کُوں سمجھا، ملامت کر، تے نصیحت کر۔

2 تِیمُتھِیُس 4:3

کیوں جو ایجھا وقت آندا پئے جو لوک صحیح تعلیم دی برداشت نہ کریسن بلکہ آپنڑیاں آپنڑیاں نفسانی خواہشاں دے مطابق ایجھے اُستاد جمع کریسن جیہڑے اُوہو اکھیسن جیہڑا او سُنڑݨ چاہندے ہِن۔

2 تِیمُتھِیُس 4:7

مَیں چنگی لڑائی لڑ گِھدی ہے۔ مَیں دوڑ کُوں مُکا گِھدے تے اِیمان کُوں محفوظ رکھے۔

طِطُس 2:7

تُوں خود سارے گالھیں ءچ نیک کم کر تے اُنہاں کیتے نمونہ بنڑ۔ تیڈی تعلیم ءچ صاف دِلی تے شرافت نظر آوے،

عبرانیوں 13:9

قِسم قِسم دیاں عجیب تعلیماں کنُوں گُمراہ نہ تھیؤ۔ چنگا ایہ ہے جو تُہاڈے دل خُدا دے فضل نال طاقت پاوݨ، نہ جو کھاوݨ دے اصُولاں نال جیندے اُتے ٹُرݨ نال کوئی رُوحانی فائدہ نئیں تھیندا۔

2 پطرس 3:11

جِیں ویلے سبھ چیزاں اِینویں پگھرݨ آلیاں ہِن تاں تُہاکُوں کیجھے لوک ہوونڑا چاہیدے؟ تُہاکُوں تاں بہُوں ای پاکیزگی تے پرہیزگاری دی زندگی گُزریندے ہوئے