2 تِیمُتھِیُس 2:5 - کِتاب مُقدّس سرائیکی ترجمہ

⁵ اُونویں ای جے کوئی پہلوان اصُولاں دے مطابق مُقابلہ نئیں کریندا تاں اُونکُوں جیت دا سہرا نئیں مِلدا۔

2 تِیمُتھِیُس 2:5 Iomraidhean Croise

لُوقا 13:24

”تنگ دروازے کنُوں داخل تھیوݨ دی پُوری کوشش کرو کیوں جو مَیں تُہاکُوں آدھا ہاں جو بہُوں سارے داخل تھیوݨ دی کوشش کریسن پر نہ تھی سگسن۔

فِلِپّیوں 1:15

بےشک کئی لوک تاں حسد تے پارٹی بازی دی وجہ کنُوں مسیح دی تبلیغ کریندے ہِن پر کئی نیک نیّتی نال۔

کلُسِّیوں 1:29

اِیں مقصد کیتے مَیں مسیح دی اُوں وڈی قُدرت نال سخت محنت کریندا ہاں، جیہڑی میڈے اُتے زور نال اثر کریندی ہے۔

عبرانیوں 12:4

تُساں گُناہ نال لڑن ءچ حالی تئیں ایجھا مُقابلہ نئیں کیتا جو تُہاڈا خون وِیہہ گِیا ہووے۔

عبرانیوں 2:7

تَیں اُونکُوں فرشتیاں کنُوں کُجھ ای گھٹ بنڑایا۔ تے جلال تے عزت دا تاج اُونکُوں پوایا۔ [تے آپنڑے ہتھاں دے کماں اُتے اُونکُوں مُختار بنڑایا۔]

عبرانیوں 2:9

پر اساں یسُوع کُوں، جِینکُوں کُجھ دیر کیتے فرشتیاں کنُوں گھٹ کیتا گِیا، موت دا ڈُکھ سہنڑ دے سببّوں شان تے عزت دا تاج پاتے ہوئے ڈیدھے ہیں۔ ہا خُدا دے فضل نال اُوں ہر اِنسان کیتے موت دا مزہ چکھیا۔

یعقُوب 1:12

مُبارک ہے او بندہ جیہڑا ازمائش ویلے ثابت قدم راہندے، کیوں جو کامیاب تھیوݨ اُتے اُونکُوں اِنعام ءچ زندگی دا او تاج مِلسی جِیندا وعدہ خُداوند آپنڑے سبھ پیار کرݨ آلیاں نال کیتے۔

1 پطرس 5:4

وَل جِیں ویلے سردار آجڑی ظاہر تھیسی تاں تُساں اِنعام ءچ ایجھا تاج پیسو جِیندا جلال کڈھائیں ختم نہ تھیسی۔

مُکاشفہ 2:10

جیہڑے ڈُکھ تیکُوں سہنڑے ہوسن اُنہاں کنُوں نہ ڈر۔ ڈیکھ ابلیس تیڈے لوکاں ءچوں کُجھ کُوں قید ءچ بند کراوݨ آلا ہے تاں جو تیکُوں ازماوے تے تُوں ڈاہ ہِک ڈینہہ تئیں مُصیبت چانویں۔ جان ڈیوݨ تئیں وفادار رہ تاں مَیں تیکُوں زندگی دا تاج ڈیساں۔

مُکاشفہ 3:11

ڈیکھ! مَیں جلدی آندا پِیا ہاں۔ جیہڑا کُجھ تیڈے کولھ ہے، اُونکُوں مضبوطی نال پکڑی رکھ تاں جو تیڈا تاج کوئی کَھس نہ گِھنے۔

مُکاشفہ 4:10

تاں او چوِّیہہ بزُرگ اُوندے اگُوں ڈھے پوندے ہِن جیہڑا تخت اُتے بیٹھے تے اُونکُوں جیہڑا ہمیشاں تئیں زندہ ہے سجدہ کریندے ہِن۔ او آپنڑے تاج اُوں تخت دے سامنڑے رکھ تے ایہ آدھے ہِن جو

مُکاشفہ 4:4

اُوں تخت دے چودھارُوں چوِّیہہ تخت ہَن جِنہاں اُتے چوِّیہہ بزُرگ چِٹے کپڑے پاتی بیٹھے ہَن تے اُنہاں دے سِراں اُتے سونے دے تاج ہَن۔